Nashik NMC Election 2022 Ward 23 : नाशिक महापालिकेसाठी सर्वच राजकीय पक्ष जोर लावणार, मनसे अध्यक्ष राज ठाकरेही जातीने लक्ष घालणार?

नाशिक : राज्यातील सत्तांतरानंतर आता राज्यात महापालिका निवडणुकीचे (Municipal Elections) वारे वाहू लागले आहेत. महाविकास आघाडी सरकार सत्तेतून पायउतार झाल्यानंतर आता शिंदे आणि फडणवीसांच्या नेतृत्वातील सरकार सत्तेत आलंय. त्यामुळे प्रभाग रचनेतील बदलासह अनेक महत्वाचे निर्णय बदलण्यात आले आहेत. या सगळ्या बदलाचा परिणाम आगामी महापालिका निवडणुकीवर पाहायला मिळू शकतो. अशावेळी नाशिक महापालिका निवडणुकीकडे (Nashik Municipal Corporation Election) सर्वच राजकीय पक्षांचं आणि नेत्यांचं लक्ष लागून राहिलं आहे. भाजपने भारती पवार (Bharati Pawar) यांना केंद्रीय मंत्रीपद देत नाशिकमध्ये अधिक लक्ष घातलं आहे. तर राष्ट्रवादी काँग्रेसचे नेते छगन भुजबळही कामाला लागले आहेत. तर दुसरीकडे मनसे अध्यक्ष राज ठाकरे, मनसे विद्यार्थी सेनेचे अध्यक्ष अमित ठाकरे यांनीही नाशिक महापालिकेत जातीनं लक्ष घातलं आहे. अशावेळी प्रभाग क्रमांक 23 मध्ये कोणत्या राजकीय पक्षाकडून कुणाला उमेदवारी दिली जाते आणि कोणत्या पक्षाचा नगरसेवक निवडून येतो, याकडे नाशिककरांचं लक्ष लागलं आहे.

नाशिक महापालिका क्षेत्रातील एकूण लोकसंख्या :

2011 च्या जनगणनेनुसार नाशिक महापालिका क्षेत्रातील एकूण लोकसंख्या 14 लाख 86 हजार 53 इतकी आहे. त्यात अनुसूचित जातीची लोकसंख्या 2 लाख 14 हजार 620 आहे. तर अनुसूचित जमातीची लोकसंख्या 1 लाख 7 हजार 456 इतकी आहे.

प्रभाग क्रमांक 23 ची लोकसंख्या :

नाशिक महापालिकेतील प्रभाग क्रमांक 23 ची एकूण लोकसंख्या 35 हजार 514 इतकी आहे. त्यात अनुसूचित जातीची लोकसंख्या 7 हजार 106 तर अनुसूचित जमातीची लोकसंख्या 2 हजार 853 इतकी आहे.

प्रभाग क्रमांक 23 चे आरक्षण (आधीच्या सोडतीनुसार) :

महाविकास आघाडी सरकारने त्रिसदस्यीय प्रभाग रचना केल्यानंतर वार्ड क्रमांक 23 मधील आरक्षण पुढील प्रमाणे होते. प्रभाग क्र. 23 (अ) अनुसूचित जाती, प्रभाग क्र. 23 (ब) सर्वसाधारण महिला, तर प्रभाग क्र 23 (क) सर्वसाधारण खुला प्रवर्गासाठी आहे.

प्रभाग क्रमांक 23 मधील मागच्या महापालिका निवडणुकीतील विजयी उमेदवार :

प्रभाग क्रमांक 23 (अ) : रुपाली यशवंत निकुळे प्रभाग क्रमांक 23 (ब) : शाहिन सलिमबेग मिर्झा प्रभाग क्रमांक 23 (क) : सतीश लक्ष्मणराव कुलकर्णी प्रभाग क्रमांक 23 (ड) : चंद्रकांत कारभारी खोडे

प्रभाग क्रमांक 23ची व्याप्ती :

पंचकगाव, दसक, बोराडे नगर, विद्यानगरी, पवारवाडी, ढिकलेमळा,

उत्तर :- गोदावरी नदी संत जनार्दन स्वामी पुलापासून गोदावरी नदीने पुर्वेकडे दक्षिणेकडील भाग घेऊन मनपा हद्दीपर्यंत..

पूर्व :- गोदावरी नदी मनपा हद्दीपासुन दक्षिणेकडे मनपा हद्दीने पश्चिमेकडील भाग घेडुन रेल्वेलाईन पर्यत.

दक्षिण :- मनपा हद्दीपासून रेल्वे लाईनने पश्चिमेकडे उत्तरेकडील भाग घेऊन दंडे रो-हाऊस घेऊन त्याशेजारील मरीमाता मंदिरापर्यत, तेथुन उत्तरेकडे कॅनॉलरोड ढिकले मळा चौकापर्यत, तेथुन कॅनॉलरोडने पश्चिमेकडे उत्तरेकडील भागघेऊन आदित्य व्हिला बंगल्यापर्यंत, तेथून उत्तरेकडे पुर्वेकडील भागघेऊन आदित्य व्हिला व अरिंगळे गोठाघेऊन जनेश्वर महादेव मंदिरा समोरील रस्त्याने उत्तरेकडे निकिता सोसायटी पर्यंत. तेथुन पश्चिमेकडे उत्तरेकडील भाग घेऊन आरक्षण क्र. ३९५ च्या उत्तर हद्दीने व तेथुन पुढे तुलसी पार्क मधील अंतर्गत रस्तयाने १२ मी डी. पी. रोड पर्यंत तेथुन पश्चिमेकडे हळदे यांचा बंगला घेऊन पुढे दिव्यस्वप्न इमारतीपर्यंत तेथुन दक्षिणेकडे पश्चिमेकडील भाग घेऊन परेष सोसायटी इमारतीपर्यत तेथुन पश्चिमेकडे उत्तरेकडील भाग घेऊन जेलरोड वरील मयुरेश सोसायटी घेऊन जेलरोड पर्यत.

पश्चिम : जेलरोड वरील मयुरेश सोसायटी घेऊन उत्तरेकडे जेलरोडने पुर्वेकडील भाग घेऊन गोदावरी नदीवरील संत जनार्दन स्वामी पुलापर्यत.