PMC Election Ward 3 Vimannagar| प्रभाग तीनमध्ये भाजप, राष्ट्रवादीत चुरस; यंदा बाजी कोण मारणार?

पुणे : विविध राजकीय पक्षांकडून पुणे महापालिका निवडणुकीची (PMC election 2022) तयारी सुरू झाली आहे. येत्या काही दिवसांमध्ये राज्याच्या विविध शहरांमध्ये महापालिकेच्या निवडणुका (municipal election 2022) होणार आहेत. यामध्ये पुणे महापालिकेचा देखील समावेश आहे. सध्या पुणे महापालिकेत भाजपाची (BJP) सत्ता आहे. मात्र यंदाच्या निवडणुकीत पुण्यात महापालिका निवडणुकीत राष्ट्रवादी आणि भाजपामध्ये चुरस पहायला मिळू शकते. राष्ट्रवादीचे नेते अजित पवार आणि भाजपाचे प्रदेशाध्यक्ष चंद्रकांत पाटील हे पुणे महापालिका निवडणुकीवर विशेष लक्ष ठेवून आहेत. तसेच दोन्ही पक्षातील इतर नेत्यांच्या देखील पुण्यात भेटीगाठी वाढल्या आहेत. त्यामुळे ही निवडणूक प्रतिष्ठेची बनली आहे. पुणे महापालिका यंदा कोण काबीज करणार याकडे सर्वांचे लक्ष लागले आहे. प्रभाग क्रमांक तीन बाबबत बोलयाचे झाल्यास गेल्या महापालिका निवडणुकीत या वार्डामधून भाजपाने एक हाती सत्ता मिळवली होती. वार्ड क्रमांक अ, ब, क आणि ड अशा चारही ठिकाणी भाजपाचे उमेदवार विजयी झाले होते.

प्रभाग क्रमांक तीनमध्ये लोकसंख्या किती?

प्रभाग क्रमांक तीनमध्ये एकूण लोकसंख्या 61836 एवढी आहे. त्यापैकी अनुसूचित जातींची लोकसंख्या 8592 एवढी आहे. तर अनुसूचित जमातींची संख्या 727 इतकी आहे.

वार्ड क्रमांक अ

प्रभाग क्रमांक तीन विमाननगर-सोमनाथनगरमधील वार्ड क्रमांक अ मध्ये गेल्या महापालिका निवडणुकीत भाजप आणि राष्ट्रवादीमध्ये चुरस पहायला मिळाली होती. या वार्डातून भाजपाचे उमेदवार राहुल भंडारे हे विजयी झाले त्यांना एकूण 12871 मते पडली. त्यांनी राष्ट्रवादीचे उमेदवार आनंद सरवदे यांचा पराभव केला. आनंद सरवदे यांना एकूण 9451 मते पडली. तर शिवसेनेचे उमेदवार भिमराव खरात यांना 3875 मते पडली. काँग्रेसचे उमेदवार रमेश सकट यांना 3005 आणि मनसेचे उमेदवार निलेश गायकवाड यांना एकूण 771 मते पडली.

हे सुद्धा वाचा

PMC Election 2022 Ward 10 : शिवाजीनगर गावठाण संगमवाडी प्रभागामध्ये भारतीय जनता पार्टीचे वर्चस्व, इच्छुकांना करावी लागणार जोरदार तयारी!

PMC Election 2022 Ward no. 23 : 2017 प्रभाग क्रमांक 23 मध्ये राष्ट्रवादीने आपला वरचष्मा ठेवला; यंदा काय होणार?

PMC Election Ward 13 Baner | बाणेर भागातील प्रभाग क्रमांक 13 वर भाजपाची सत्ता, यंदाही कमळ फुलणार का?

वार्ड क्रमांक अ मधील उमेदवार

वार्ड क्रमांक ब

वार्ड क्रमांक ब मध्ये देखील राष्ट्रवादी आणि भाजपमध्येच चुरस पहायला मिळाली. या वार्डामधून देखील भाजपाच्या उमेदवार विजयी झाल्या. भाजपा उमेदवार श्वेता गलांडे यांना 12389 मते मिळाली तर राष्ट्रवादीच्या उमेदवार उषा कळमकर यांना एकूण 11144 मते मिळाली. शिवसेनेच्या उमेदवार संध्या खेडकर यांना 3074, काँग्रेसच्या उमेदवार कविता शिरसाट यांना 360, तर अपक्ष उमेदवार लता मेरगळ यांना एकूण 591 मते मिळाली.

वार्ड क्रमांक ब मधील उमेदवार

वार्ड क्रमांक क

वार्ड क्रमांक क मध्ये देखील भाजप आणि राष्ट्रवादीमध्येच लढत होती. या वार्डामध्ये भाजपाच्या उमेदवार मुक्ता जगताप यांनी 12884 मते घेत विजयी मिळवला तर राष्ट्रवादीच्या उमेदवार सुरेखा खांदवे यांना 8470 मते मिळाली. शिवसेनेच्या उमेदवार वैशाली चांधेरे यांना 4340, काँग्रेसच्या उमेदवार सागरताई रोडगे यांना 3344, भारीपच्या रेखाताई बनसोडे यांना 1230 मते मिळाली.

वार्ड क्रमांक क मधील उमेदवार

वार्ड क्रमांक ड

वार्ड क्रमांक ड मध्ये सुद्धा भाजपानेच बाजी मारली. वार्ड क्रमांक ड मध्ये भाजपाचे उमेदवार बापूराव कर्णे हे विजयी झाले. त्यांना एकूण 13105 मते पडली. त्यांनी राष्ट्रवादीचे उमेदवार रमेश आढाव याचा पराभव केला. रमेश आढाव यांना एकूण 8705 मते मिळाली. शिवसेनेचे उमेदवार प्रितम खादवे यांना 4167 तर काँग्रेसचे उमेदवार भुजंग लव्हे यांना 2932, मनसेचे उमेदवार मोहनराव शिंदे यांना 635 आणि बहुजन समाज पार्टीच्या राहूल बोडरे यांना एकूण 866 मते पडली.

वार्ड क्रमांक ड मधील उमेदवार