Raj Thackeray : आधी नाही म्हणाले, रागावले, पण नंतर राज ठाकरे यांनी त्याला बोलावून घेतलं

अक्षय कुडकेलवार, TV9 मराठी, मुंबई : मनसे अध्यक्ष राज ठाकरे (Raj Thackeray News) यांनी शुक्रवारी एका तरुणाला हटकलं. हा तरुण सेल्फी काढण्यासाठी राज ठाकरे (Selfi with Raj Thackeray) यांच्याकडे हट्ट करत होता. पण राज ठाकरे या तरुणावर आधी चिडले, त्याला नाही म्हणाले आणि नंतर रागावले सुद्धा. अखेर राज ठाकरे यांनी दीपोत्सव कार्यक्रम संपल्यानंतर घरी जाण्याआधी या तरुणाला मनसे कार्यकर्त्यांना (MNS Workers) शोधायला लावलं. त्याला बोलावून घेतलं आणि या तरुणाची सोबत सेल्फी काढण्याची इच्छाही पूर्ण केली. राज ठाकरेंनी केलेली ही कृती सगळ्यांचंच लक्ष वेधणारी ठरली.

‘मला त्रास नको देऊ’

फोटो काढलेल्या तरुणासोबत टीव्ही 9 मराठीने संवाद साधला. हा तरुण नेमका कोण होता, तो कुठून आला होता, कशासाठी आला होता, हे जाणून घेण्याचा प्रयत्न केला. त्यावेळी या तरुणाने नेमका किस्सा काय घडला हे सांगितलं. त्याने म्हटलं की,..

मी साहेबांच्या आजूबाजूलाच होते. ते म्हणाले की मला त्रास नको देऊ. नंतर राज ठाकरे शिवतीर्थ घरी जात होते. तेव्हा त्यांनी परत मला बोलावून घेतलं. तो दाढीवाला मुलगा कुठेय, असं म्हणून त्यांनी मला बोलावलं आणि माझ्यासोबत फोटो काढला. मला त्याचा खूप आनंद झाला.

पाहा व्हिडीओ

मनसेच्या दीपोत्सवानिमित्त सायनमधील एक तरुण शिवाजी पार्क इथं आला होता. राज ठाकरेंचा चाहता असलेल्या अनेकांना त्यांच्यासोबत फोटो काढण्याची इच्छा असते. याच इच्छेसाठी सायनमधील तरुणही आला होता. राज ठाकरेंनी या चाहत्याची फोटोसाठी असलेली इच्छा पूर्ण करण्यासाठी जी कृती केली, ती त्यांचंही मन जिंकून गेली. राज ठाकरेंप्रती या चाहत्याने आभारही व्यक्त केले.