मेरा राजा बेटा… हेलिकॉप्टर प्रवासात रामदास आठवलेंकडून मुलाचे फोटोसेशन

मुंबई : आमदार-खासदार असो, वा मंत्री-मुख्यमंत्री… बाप हा बापच असतो. आपल्या लेकरांचं कौतुक कुठल्याही वडिलांच्या डोळ्यात चटकन दिसतं. रिपब्लिकन पक्षाचे राष्ट्रीय अध्यक्ष आणि केंद्रीय सामाजिक न्याय राज्यमंत्री रामदास आठवले यांच्या नजरेतही पुत्रप्रेम पाहायला मिळालं. हेलिकॉप्टर प्रवासात रामदास आठवलेंनी आवडीने लेकाचे फोटोसेशन केले. (Ramdas Athawale clicks photo of Son Jeet Athawale on Helicopter Ride Indapur Mumbai)

पंढरपूर मंगळवेढा प्रचारदौऱ्यात सहभाग

रामदास आठवले मुंबईहून इंदापूरला हेलिकॉप्टरला गेले. त्यानंतर पंढरपूर आणि मंगळवेढाला जाऊन पोटनिवडणुकीसाठी त्यांनी प्रचार केला. आठवलेंच्या प्रचार दौऱ्यात त्यांचे चिरंजीव जीत आठवलेही सहभागी झाले होते.

आधी वडिलांकडून फोटो, मग सेल्फी

मुंबईला परत येत असताना इंदापूर ते मुंबई हेलिकॉप्टर प्रवासादरम्यान जीत आठवले यांना फोटोसेशनचा मोह आवरला नाही. मग काय वडिलांच्या हाती जीत यांनी कॅमेरा सोपवला. रामदास आठवले यांनीही आपल्या लाडक्या लेकाचे आवडीने फोटो काढले. नंतर जीत यांनीही आपल्या वडिलांसोबत सेल्फी काढला. या अनमोल क्षणांना हेमंत रणपिसे आणि प्रवीण मोरे यांनी आपल्या डोळ्यांत साठवले.

जीत आठवले यांनी वडिलांसोबत काढलेला सेल्फी

रामदास आठवलेंचे कुकिंग

रामदास आठवले यांच्या शीघ्र चारोळ्या प्रसिद्ध आहेतच. मात्र त्या जोडीने त्यांना पाककलेची आवड असल्याचं काही दिवसांपूर्वी समोर आलं होतं. आठवलेंनीही ट्विटरवर व्हिडिओ शेअर करत लॉकडाऊनच्या काळात आपण केलेल्या आम्लेटविषयी सांगितलं होतं.

‘कोरोना विरुद्ध लढा यशस्वी करण्यासाठी लॉकडाऊनमध्ये घरीच राहा. आवडत्या छंदाला वेळ द्या. आज मी घरी आम्लेट तयार केले. किचनमध्ये अनेक वर्षांनी वेळ दिला.’ असं रामदास आठवलेंनी लिहिलं होतं. व्हिडिओमध्ये आठवलेंच्या पत्नी सीमा आठवले आणि मुलगाही दिसतात. (Ramdas Athawale clicks photo of Son Jeet Athawale on Helicopter Ride Indapur Mumbai)

गो कोरोना, कोरोना गो

‘गो कोरोना, कोरोना गो’ अशा घोषणा देतानाचा रामदास आठवलेंचा एक व्हिडिओ गेल्या वर्षी व्हायरल झाला होता. कोरोनाचे संकट दूर व्हावे म्हणून मुंबईतील गेट वे ऑफ इंडिया येथे एका प्रार्थनासभेचे आयोजन करण्यात आले होते. या सभेला उपस्थित असलेले आठवले आपल्या खास शैलीत ‘गो करोना’च्या घोषणा देत होते.

संबंधित बातम्या :

रामदास आठवलेंनी घेतला बिबळ्या पँथर दत्तक

‘लॉकडाऊन’मध्ये रामदास आठवलेंनी तयार केला ‘हा’ खास पदार्थ

(Ramdas Athawale clicks photo of Son Jeet Athawale on Helicopter Ride Indapur Mumbai)