‘गेंड्याची कातडीही जळेल, छे छे! यांना जाळायचं कसं? ही तर अफझल, औरंग्याच्या विचारांची अवलाद’
'या थडग्यावर तुमची नातवंडंही थुंकतील' असं म्हणत शिवसेना मुखपत्रातील अग्रलेखामध्ये जोरदार टीका करण्यात आलीय.
मुंबई : एकनाथ शिंदे (Eknath Shinde) गटाला मिंथे गट म्हणत शिवसेनेचं (Shiv Sena) मुखपत्र असलेल्या दैनिक सामनातून (Saamana Editorial) प्रखर टीका करण्यात आलीय. शिंदे गटाच्या मुखवट्यामागे भ्रष्ट आणि बेइमान गेंड्याची कातडी असल्याचा टोला शिवसेनेनं लगावलाय. इतकंच काय तर, ही बाळासाहेबांच्या नव्हे तर अफझल खान, औरंग्याच्या विचारांची अवलाद आहे, अशा शब्दांत घणाघाती टीका करण्यात आली.
महाराष्ट्राच्या शत्रूंना दफन करायलं हवं आणि महाराष्ट्राच्या गद्दारांना स्वाभिमानी मराठी जनतेनं कायमचं गाडलं, असं त्यांच्या थडग्यांवर लिहायला हवं, असंही अग्रलेखात म्हटलंय. या थडग्यावर तुमची नातवंडंही थुंकतील, अशा शब्दांत शिवसेनेनं शिंदे गटावर टीका केलीय.
दीपक केसरकर यांच्यावर निशाणा
दीपक केसरकर यांच्यावरही शिवसेनेनं जोरदार हल्लाबोल केलाय. दीपक केसरकर यांचा उल्लेख बाजारबुणगा म्हणून करण्यात आला आहे. मंत्रीपदाचं गाजर दिसलं म्हणून केसरकर मिंधे गटात गेल्याचा आरोप करण्यात आलाय. केसरकर कधी कुणाचे होऊ शकले नाहीत. अनेक पक्षांत फिरुन हे महाशय शिवसेनेत आले होते, असंही त्यांना सुनावण्यात आलंय.
भाजप नामर्द- सामना
भाजप नामर्द असल्याची टीका सामना अग्रलेखातून करण्यात आलीय. भाजप आणि त्यांचे सध्याचे सूत्रधार शिवेसनेचं अस्तित्त्व संपवण्यासाठी हे सगळं करत आहेत, असा आरोप करण्यात आला आहे. खोकेबाज मिध्यांवर लोकं थुंकतात, अशा शब्दांत सामना अग्रलेखातून टीका करण्यात आलीय.
शिवसेना हा शिवरायांचं अशं असून तो कसा मिटवाल, असा सवालही सामना अग्रलेखातून उपस्थित करण्यात आलाय. सर्व प्रकारचे हलाहल पचवून शिवसेना खंबीरपणे उभी असल्याचा विश्वासही अग्रलेखातून व्यक्त करण्यात आला आहे. भाजप आणि एकनाथ शिंदे यांच्यावर जोरदार टीका करण्यात आलीय.
