Sanjay Raut on Eknath Shinde : ‘कब तक छीपोगे गोहातीमे.. आना हि पडेगा.. चौपाटीमे..’ झिरवळांचा फोटो ट्वीट करत राऊतांनी चुचकारलं!
Eknath Shinde News : एकीकडे संजय राऊतांनी ट्वीट केलं आहे. तर दुसरीकडे एकनाथ शिंदे यांनीही ट्वीट आणि फेसबुक पोस्ट करत शिवसैनिकांना शनिवारी रात्री आवाहन केलंय.
मुंबई : शिवसेना (Shiv sena politics) खासदार यांनी ट्वीट करत संजय राऊत यांनी बंडखोर शिवसेना आमदारांना (Rebel Shiv sea MLA)चुचकारलंय. ‘कब तक छीपोगे गोहातीमे.. आना हि पडेगा.. चौपाटीमे.., असं म्हणत त्यांनी बंडखोरांना मुंबईत येण्याचं आव्हान दिलंय. लपून बसलेल्या शिवसेना आमदारांवर संजय राऊत यांनी जोरदार टीका केली होती. संजय राऊत यांनी ट्वीट करताना विधानसभा उपाध्यक्ष नरहरी झिरवळ यांचा एक खास शैलीतला फोटोही राऊतांनी पोस्ट केला आहे. एकनाथ शिंदे (Eknath Shinde News) गटाने विधानसभा उपाध्यक्षांविरोधात अविश्वाव ठरावाचं पत्र दिलं होतं. मात्र त्यांची ही मागणी फेटाळून लावण्यात आली आहे. त्यामुळे हा एकनाथ शिंदे गटासाठी धक्का मानला जातोय. आताच्या राजकीय घडामोडींमध्ये महाराष्ट्रात सत्तेचा आणि सत्तेसाठीच्या समीकरणाचा पेच नाजूक वळणावर आहे. अशात विधानसभा अध्यक्ष नसताना उपाध्यक्षांकडेच विधानसभा अध्यक्षांचे सगळे अधिकार असतात. तर दुसरीकडे राज्यपालांची भूमिकाही महत्त्वाची असते. त्यामुळे विधानसभा उपाध्यक्ष नरहरी झिरवळ आणि राज्यपाल भगतसिंह कोश्यारी यांच्या भूमिकेकडे सगळ्यांचं लक्ष लागलंय.
पाहा ट्वीट :
कब तक छीपोगे गोहातीमे.. आना हि पडेगा.. चौपाटीमे.. pic.twitter.com/tu4HcBySSO
— Sanjay Raut (@rautsanjay61) June 26, 2022
एकीकडे संजय राऊतांनी ट्वीट केलं आहे. तर दुसरीकडे एकनाथ शिंदे यांनीही ट्वीट आणि फेसबुक पोस्ट करत शिवसैनिकांना शनिवारी रात्री आवाहन केलंय. राज्यभरात एकनाथ शिंदे समर्थक विरुद्ध उद्धव ठाकरे समर्थक असा संघर्ष सुरु झाला आहे. या पार्श्वभूमीवर एकनाथ शिंदे यांनी महत्त्वाचं आवाहन केलं होतं.
प्रिय शिवसैनिकांनो, नीट समजून घ्या, म.वि.आ. चा खेळ ओळखा..! MVA च्या अजगराच्या विळख्यातून शिवसेना व शिवसैनिकांना सोडवण्यासाठीच मी लढत आहे. हा लढा तुम्हा शिवसैनिकांच्या हिता करीता समर्पित…. आपला एकनाथ संभाजी शिंदे.#MiShivsainik
— Eknath Shinde – एकनाथ शिंदे (@mieknathshinde) June 25, 2022
पाहा काय म्हणाले शिंदे?
आता महाराष्ट्रात सत्तासंघर्ष पुन्हा पेटला आहे. एकीकडे बंडखोरी केलेल्या शिवसेना आमदारांची राजकीय भूमिका नेमकी काय ठरते? त्यावरुन राजकीय समीकरणं बदलणार आहे. स्वतंत्र गट स्थापण्यापासून ते भाजपला पाठिंबा देण्यापर्यंत, अनेक बाबींवर आता राज्याच्या जनतेचं लक्ष लागलंय. पण गुवाहाटीमध्ये असलेल्या आमदारांना कधी ना कधी मुंबईत हे यावंच लागणार आहे. त्या पार्श्वभूमीवर त्यांना सातत्यानं मुंबईत येण्याचं आव्हान आता शिवसेनेच्या नेत्यांकडून केलं जातंय.
वाचा एकनाथ शिंदे विरुद्ध शिवसेना या राजकीय भूकंपाचे लाईव्ह अपडेट्स : Eknath Shinde vs Shiv sena Live
