विधानपरिषद : उर्मिला आणि नितीन बानुगडे विधानपरिषदेवर, शिवसेनेची चार नावं ठरली !
महाविकास आघाडीच्या नेत्यांनी राज्यपाल नियुक्त 12 सदस्यांच्या नावाची यादी राज्यपाल भगतसिंह कोश्यारी यांना सादर केली. (Shiv Sena Governor elected MLC )
मुंबई : महाविकास आघाडीच्या नेत्यांनी राज्यपाल नियुक्त 12 सदस्यांच्या नावाची यादी राज्यपाल भगतसिंह कोश्यारी यांना सादर केली. या यादीतील काही नावं समोर आली आहेत. मंत्रिमंडळाच्या बैठकीत शिक्कामोर्तब केल्यानंतर महाविकास आघाडीच्या नेत्यांनी ही यादी राज्यपालांकडे सुपूर्द केली. या यादीतील काही नावं समोर आली आहेत. एकनाथ खडसे, सचिन सावंत, रजनी पाटील या उमेदवारांची नावं यादीत असल्याची माहिती सूत्रांनी दिली आहे. (Shiv Sena candidates name for Governor elected MLC )
शिवसेनेकडून कोणाला विधानपरिषदेवर पाठवलं जाणार याबाबत उत्सुकता होती. शिवसेनेनेही आपले चार उमेदवार ठरवले असून, ही नावं बंद लिफाफ्यातून राज्यपालांकडे सोपवण्यात आली. या नावांबाबतची माहिती खात्रीलायक सूत्रांनी टीव्ही 9 मराठीला दिली. (Shiv Sena candidates name for Governor elected MLC )
शिवसेनेकडून अभिनेत्री उर्मिला मातोंडकर (Urmila Matondkar) यांना विधानपरिषदेवर पाठवण्यात येणार आहे. तर याशिवाय सेनेचा बुलंद आवाज आणि शिवव्याख्याते नितीन बानुगडे पाटील (Nitin Banugade Patil) यांनाही सेनेने विधानपरिषदेवर पाठविण्याचा निर्णय घेतला आहे. आणखी दोन नावांमध्ये विजय करंजकर आणि चंद्रकांत रघुवंशी यांचा समावेश आहे.
12 सदस्यांमध्ये काँग्रेसची चार नावं कोणती?
1) सचिन सावंत – सहकार आणि समाजसेवा 2) रजनी पाटील – सहकार आणि समाजसेवा 3) मुजफ्फर हुसैन – समाजसेवा 4) अनिरुद्ध वणकर – कला
राष्ट्रवादी काँग्रेस
1) एकनाथ खडसे 2)राजू शेट्टी – सहकार आणि समाजसेवा 3) यशपाल भिंगे – साहित्य 4) आनंद शिंदे – कला
शिवसेना उमेदवार
1)उर्मिला मातोंडकर 2) नितीन बानगुडे पाटील- 3) विजय करंजकर- 4) चंद्रकांत रघुवंशी
सर्व बाबींची पूर्तता
परिवहन मंत्री अनिल परब यांनी ही यादी लवकरात लवकर मंजूर होईल असा विश्वास व्यक्त केला. राज्यपाल नियुक्त 12 नावांची यादी राज्यपालांना दिली. मुख्यमंत्र्यांचं पत्र आणि मंत्रिमंडळ ठराव यासह कायदेशीर बाबी नमूद करुन राज्यपालांना विनंती पत्र दिलं आहे सगळ्या कायदेशीर बाबींची पूर्तता करुन यादी सोपवली आहे, त्यामुळे राज्यपाल या यादीवर शिक्कामोर्तब करतील असा विश्वास असल्याचं परब म्हणाले. तर, राज्यपाल यादी मंजूर करतील की नाही हा जर तरचा प्रश्न आहे. त्यावर आताच भाष्य करणं योग्य नाही, असं सांगतानाच आम्ही सर्व बाबींची पूर्तता करून यादी दिली आहे. त्यामुळे राज्यपाल त्यावर शिक्कामोर्तब करतील अशी आशा आहे, असं नवाब मलिक यांनी सांगितलं.
(Shiv Sena candidates name for Governor elected MLC )
संबंधित बातम्या
