TMC Election 2022: राज्याचं नेतृत्व ठाण्याकडे, पालिकेत काय होणार? प्रभाग 7 मध्ये कोण निवडून येणार?

ठाणे महापालिकेच्या निवडणुकीकडे सर्वाचं लक्ष लागलंय. प्रभाग 7 मध्ये काय होणार हे पाहणं महत्वाचं असेल.

आयेशा सय्यद | Updated on: Aug 20, 2022 | 11:16 AM

ठाणे : राज्यातील सत्तेची चावी आपल्या खिशात ठेवताना सर्वच राजकीय पक्षांना स्थानिक राजकारणातही आपलं वर्चस्व असावं असं वाटत असतं. अश्यात राज्यातील सत्तांतराचा रस्ता हा ठाण्यातून गेलाय. त्यामुळे ठाणे महापालिकेच्या निवडणुकीकडे (TMC Election 2022) सर्वाचं लक्ष लागलंय. ठाणे शिवसेनेचा बाले किल्ला, पण एकनाथ शिंदे यांनी बंड केल्यानंतर अवघ्या महाराष्ट्राला मोठा धक्का बसला. शिवसेनेच्या राजकीय उदयाची सुरुवात ठाण्यातून झाली. ठाण्यात शिंदेंचं वर्चस्व आहे. ते ठाण्याचं प्रतिनिधित्व करतात, अश्यात ठाणे महानगरपालिकेवर (Thane Municipal Corporation Election 2022) कुणाचं वर्चस्व असणार, कुणाच्या हाती सत्तेची चावी जाणार याकडे सर्वांचं लक्ष लागलंय. प्रभाग क्रमांक 7 मधील स्थिती काय आहे. तिथलं राजकीय गणित काय आहे? ते समजून घेऊयात…

व्याप्ती

सुड इंडस्ट्रीजच्या SGNP हद्दीपासून बॅरिस्टर नाथ पै मार्गापर्यंत लॉरेल हाऊस हा प्रबाग पसरलेला आहे. बॅरिस्टर नाथ पै मार्गावरील लॉरेल हाऊसपासून रस्त्याने दक्षिणेकडे काशिनाथ घाणेकर नाट्यगृह चौकापर्यंत आणि त्यानंतर रस्त्याने पश्चिमेकडे तानसेन सोसायटीपर्यंत आणि त्यानंतर लोकपुरम सोसायटीच्या कंपाऊंड भितीने बॅरिस्टर नाथ पे मागापर्यंत आणि त्यानंतर दक्षिणेकडे रस्त्याने आशर रेसिडेन्सी नाल्यापर्यंत आणि त्यानंतर नाल्याने पूर्वकडे नलपाडा येथे एमसीजीएम पाइपलाइनपर्यंत. नलपाडा येथील MCGM पाइपलाइनपासून पश्चिमेकडे पोखरण रस्ता क्रमांक २ पर्यंत आणि त्यानंतर पोखरण रस्ता क्रमांक २ ने पश्चिमेकडे बिरसा मुंडा चौकापर्यंत.बिरसा मुंडा चौकापासून सुरेख इंडस्ट्रीजच्या मुख्य रस्त्याने टीएमसी गार्डन समोरील स्ट्रॉम वॉटर ड्रेन पर्यंत आणि त्यानंतर टीएमसी गार्डनपर्यंत. त्यानंतर पूर्वेकडे कंपाऊंड भितीने, त्यानंतर उत्तरेकडे कंपाऊंड मितीने सिद्धाचल फेज ६ नंतर पश्चिमेकडे कंपाउंड भितीने टीएमसी बागेपर्यंत त्यानंतर पूर्वेकडे कंपाउंड भितीने सिद्धांचल रोडपर्यंत त्यानंतर कंपाऊंड भितीने उत्तरेकडे सुरेंद्र इंडस्ट्रीजच्या मुख्य रस्त्याने रस्त्याने पश्चिमेकडे आणि त्यानंतर एसजीएनपी भितीपर्यंत आणि त्यानंतर एसजीएनपी भितीने कोकणी पाडा येथील सुरेंद्र इंडस्ट्रीज हद्दीपर्यंत हा प्रभाग आहे.