Astro Tips : अभ्यासात लागत नसेल मुलांचे लक्ष तर अवश्य करा ज्योतिषशास्त्रातले हे प्रभावी उपाय

मुंबई : मुलं स्वभावाने अतिशय चंचल असतात. अनेकदा ते खेळण्यात गुंतलेले असतात पण पालकांना मात्र त्यांच्या भविष्याची काळजी असते. प्रत्येक पालकाला आपल्या मुलाने मन लावून अभ्यास करावा असे वाटते. अशा परिस्थितीत मुलांवर दबाव टाकणे योग्य नसले तरी अनेक वेळा मुलांमध्ये अभ्यासाबाबत कमालीचा बेफिकीरपणा दिसून येतो किंवा त्यांचे मन अभ्यासात अजिबात लागत नाही. अशा परिस्थितीत पालकांना काळजी वाटणे स्वाभाविक आहे. जर तुमच्या मुलाचे मन देखील अभ्यासात लागत नसेल आणि तुम्ही सर्व प्रयत्न करून थकले असाल तर तुम्ही ज्योतिषशास्त्रात (Astro tips for study) सांगितलेले काही उपाय करू शकता. हे उपाय अतिशय प्रभावी मानले जातात.

या गोष्टी लक्षात ठेवा

तुमचे मूलं जिथे अभ्यास करतात तिथे अजिबात अस्वच्छता नसावी. अभ्यासाच्या टेबलापासून खोलीच्या स्वच्छतेपर्यंत विशेष काळजी घ्या. खोलीत सामानाची गर्दी नसावी हे लक्षात ठेवा. अभ्यासाच्या टेबलावर जास्त पसारा ठेवू नका. टेबलावर फक्त विषयाशी संबंधित पुस्तके ठेवा. अभ्यासाचा टेबल कधीही उत्तर-पश्चिम कोपर्यात ठेवू नका. मुलाला नेहमी पूर्वेकडे तोंड करून अभ्यास करायला लावा.

धार्मिक पुस्तकांचे दान

जर तुमच्या मुलाचे मन अभ्यासात व्यस्त नसेल तर दर गुरुवारी मंदिरात जाऊन भगवान विष्णूसमोर तुपाचा दिवा लावावा आणि केळीच्या झाडाला जल अर्पण करावे. मुलाच्या कपाळावर केळीच्या झाडाचा टिळक लावावा. यासोबतच धार्मिक पुस्तके, पेन, शैक्षणिक साहित्य दान करणे आवश्यक आहे.

ओमचा उच्चार

जर तुमच्या मुलाला अभ्यास करताना लक्ष केंद्रित करता येत नसेल तर त्याच्या खिशात तुरटीचा एक छोटा तुकडा ठेवा. याशिवाय मनाची एकाग्रता वाढवण्यासाठी मुलांना रोज ‘ओम’ उच्चारणाची सवय लावावी. याशिवाय पूजेनंतर दररोज कुंकू लावून मुलाचे तिलक लावावे.

(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)