Astrology: या तीन राशींवर साडेसातीचा प्रभाव, 2023 पर्यंत काय घडणार?
मकर राशीच्या लोकांसाठी सध्या साडेसातीचा दुसरा टप्पा सुरू आहे, ज्यामुळे त्रास होऊ शकतो. दुसरीकडे, मिथुन आणि तूळ राशीच्या लोकांसाठी शनीची धुरा सुरू आहे, त्यामुळे या 5 राशीच्या लोकांना सध्या संयमाने काम करावे लागेल.
शनी हा ग्रह सर्व नऊ ग्रहांमध्ये संथ मानला जातो तसेच त्याला न्यायाची देवता देखील म्हटले जाते. शनि ग्रह (Shani dev) दर अडीच वर्षांनी राशी बदलतो, 2022 मध्ये शनी ग्रहाने आतापर्यंत 2 वेळा राशी बदलली आहे. 30 वर्षांनंतर 29 एप्रिल रोजी शनिदेवाने कुंभ राशीत प्रवेश केला आणि त्यानंतर 12 जुलै रोजी शनिदेवाने मागे फिरून मकर राशीत प्रवेश केला. शनीच्या या संक्रमणामुळे 3 राशींच्या समस्या वाढू शकतात. सध्या शनिदेवाच्या 5 राशींमध्ये साडेसाती (Sadesati) आणि धैय्या सुरू आहेत. जानेवारी 2023 पर्यंत मकर राशीत राहून शनि धनु, मकर आणि कुंभ राशीच्या लोकांना त्रास देऊ शकतो. ज्योतिषशास्त्रानुसार शनिदेवाचा मकर राशीत प्रवेश झाल्यानंतर धनु, मकर आणि कुंभ राशीच्या लोकांसाठी शनीची साडेसाती चालू आहे. साडेसतीचा शेवटचा टप्पा धनु राशीच्या लोकांवर येतो, ज्याचा प्रभाव फारसा त्रासदायक नसतो.
मकर राशीच्या लोकांसाठी सध्या साडेसातीचा दुसरा टप्पा सुरू आहे, ज्यामुळे त्रास होऊ शकतो. दुसरीकडे, मिथुन आणि तूळ राशीच्या लोकांसाठी शनीची धुरा सुरू आहे, त्यामुळे या 5 राशीच्या लोकांना सध्या संयमाने काम करावे लागेल. बेशिस्तपणा, वाद टाळावेत आणि वाहन चालवतानाही सावधगिरी बाळगावी. थोड्याशा निष्काळजीपणामुळे कुटुंब अडचणीत येऊ शकते.
शनिदेव देतात कर्मानुसार फळ
शनिदेव कर्मानुसार फळ देतात, अशी मान्यता आहे. शनीची त्या राशींवर विशेष नजर असते, जिथे शनीची महादशा म्हणजेच साडेसाती आणि धैय्या असते. या राशीच्या लोकांना शारीरिक, मानसिक आणि आर्थिक समस्यांमधून जावे लागते. जर कुंडलीत शनि अशुभ स्थितीत असेल आणि जातक योग्य कर्म करत नसेल तर त्रास वाढू शकतो. शनीची साडेसाती चालू असताना गरिबांना मदत करावी. शनिदेवाचा प्रकोप टाळण्यासाठी मादक पदार्थांचे सेवन करू नये आणि प्रत्येक शनिवारी शनि मंदिरात मोहरीच्या तेलाचा दिवा लावावा.
या गोष्टींवर पडतो शनीचा प्रभाव
असे मानले जाते की शनिदेवामुळे तंत्रज्ञान, लोह, खनिज तेल, कर्मचारी, नोकर, तुरुंग, वय, दुःख, रोग, वेदना, विज्ञान या गोष्टी प्रभावित होतात. मकर आणि कुंभ राशीचा स्वामी शनि आहे. तूळ राशी ही शनीची उच्च राशी आहे तर मेष ही रास निम्न राशीची मानली जाते. शनिदेवाचे संक्रमण अडीच वर्षे एकाच राशीत राहते. त्याला शनि धैय्या म्हणतात. 9 ग्रहांमध्ये शनी सर्वात संथ आहे, या कारणास्तव शनीची दशा साडेसात वर्षे असते.
(वरील माहिती उपलबध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही,तसेच अंधश्रद्धेला दुजोरा देत नाही)