Horoscope : 17 सप्टेंबरपासून तीन राशींचं नशिब फळफळणार, सूर्य आणि शनिचा अशुभ प्रभाव संपणार

मुंबई : ज्योतिषशास्त्रानुसार सूर्यदेव सध्या स्वत:च्या सिंह राशीत आहे. तर शनिदेव स्वरास असलेल्या कुंभ राशीत विराजमान आहेत. त्यामुळे या दोघांची दृष्टी एकमेकांवर पडत आहे. सूर्य-शनि पितापूत्र असून त्यांच्या पटत नाही. त्यामुळे दोन्ही ग्रह एकमेकांसमोर उभे ठाकल्याने त्याचा परिणाम राशीचक्रावर दिसून येत आहे. त्यामुळे काही राशीच्या जातकांना अडचणींचा सामना करावा लागला होता. मात्र 17 सप्टेंबर 2023 पासून ही स्थिती बदलणार आहे. कारण हा अशुभ योग संपुष्टात येणार असून सूर्य कन्या राशीत प्रवेश करणार आहे. तर शनिदेव कुंभ राशीतच असणार आहेत.त्यामुळे तीन राशीच्या जातकांना दिलासा मिळणार आहे. चला जाणून घेऊयात कोणत्या राशीच्या जातकांना लाभ मिळणार ते..

तीन राशीच्या जातकांना लाभ मिळणार

मेष : सूर्य आणि शनिचा अशुभ योग या राशीच्या जातकांवरून दूर होणार आहे. त्यामुळे गेल्या काही दिवसांपासून येत असलेला अडचणी दूर होतील. आत्मविश्वासात वाढ होईल. तसेच नव्या जोमाने कामाला सुरुवात कराल. आर्थिक स्थिती सुधारल्याने कौटुंबिक स्तरावर आनंदी वातावरण राहील. उत्पन्नाचे नवे स्रोत निर्माण होतील. आई वडिलांच्या तब्येतीकडे लक्ष द्या. वाद होईल असं वागू नका आणि वाणीवर नियंत्रण ठेवा.

मिथुन : आरोग्यविषयक तक्रारी दूर होतील. योग्य डॉक्टरांच्या मार्गदर्शनाखाली उपचार सुरुच ठेवा. व्यवसायातील कामं पूर्ण होतील. तसेच आर्थिक आवक सुरु होईल. कामगारांकडून तुम्हाला चांगली साथ मिळेल. योग्य वेळी पुरवठा केल्याने आर्थिक कोंडी सुटेल. तुमच्या कामाचं कौतुक होईल. कायदेशीर प्रकरणात यश मिळेल. समाजात मानसन्मान वाढेल. पत्नीसोबत असलेला वाद संपुष्टात येईल.

तूळ : या राशीच्या जातकांचं एखादं स्वप्न या कालावधीत पूर्ण होईल. भौतिक सुखांची अनुभूती मिळेल. वाहन, संपत्ती किंवा घर खरेदी करू शकता. नशिबाची पूर्ण साथ मिळेल. व्यवसायात अपेक्षित नफा होईल. योग्य ठिकाणी गुंतवणूक करा. त्यातून भविष्यात फायदा होईल. लॉटरी किंवा शेअर बाजारातून फायदा होऊ शकतो. मुलांच्या शिक्षणाच्या दृष्टीकोनातून उपाय योजना करा.

(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही.)