‘या’ ग्रहांच्या दुष्प्रभावाचा राजकीय पक्षांना बसणार मोठा फटका; जोतिष्यशास्त्राच्या मते पुढे काय घडणार?

एकनाथ शिंदेंच्या (Eknath Shinde) बंडामुळे महाराष्ट्राचे राजकारण (Maharashtra Politics) ढवळून निघाले आहे. महाराष्ट्राच्या इतिहासात अद्वितीय अशी उलथापालथ आपण सगळे बघतोय. या बंडामागे नेमके कारण काय आहे? सरकार पडणार की राहणार? शिवसेना (shivsena) या संकटाला कशी समोर जाणार? खरंच याचा फायदा भाजपाला होणार आहे का? असे एक ना अनेक प्रश्न सर्वसामान्यांच्या मनात काहूर माजवत आहे. मतदानाच्या आधी शिवसेनेच्या सगळ्या आमदारांना हॉटेलमध्ये एकत्र ठेवण्यात आले. एकही मत फुटू नये म्हणून सर्वतोपरी काळजी घेतली मग नेमके असे काय झाले की, हा राजकीय भूकंप झाला?  याचे चित्र येणाऱ्या दिवसात स्पस्ट होईलच, पण याशिवाय जोतिष्यशास्त्राच्या दृष्टिकोनातून येणारा राजकीय काळ कसा असेल याचा अंदाज घेता येऊ शकतो.  जोतिष्यशास्त्राच्या (Astrology) दृष्टिकोनातून पाहिल्यास या सगळ्यामागे ग्रहांचे संक्रमण हे कारण आहे. 27 जूनला मंगळ मेष राशीत संक्रमण करणार आहे. मंगळ हा ग्रहांचा सेनापती मानला जातो. तसेच तो शौर्य आणि पराक्रमाचा देखील कारक मानला जातो.

मेष रास ही एक घाव दोन तुकडे करणारी आहे. कुठल्याही प्रकारच्या अन्याय अत्याचाराविरुद्ध परिणामाची पर्वा न करता लढा देणे किंवा बंड पुकारणे हा या राशीचा गुणधर्म आहे. या राशीत मंगळ प्रवेश करणार आहे जो आधीच आक्रमक गुणधर्माचा आहे. सोप्या भाषेत सांगायचे म्हणजे मंगळाच्या मेष राशीत संक्रमणाने बूस्टर मिळणार आहे. या काळात मोठ्याप्रमात राजकीय उलथापालथ होणार असल्याचे चिन्ह आहे. सत्ता अस्थिर राहील, परंतु याचा फायदा विरोधकांना मिळेल असा नक्कीच नाही. याशिवाय नैसर्गिक आपत्तीचा देखील धोका संभवतो आहे. येणाऱ्या काळात पूर, अतिवृष्टी यांसारख्या समस्यांना समोर जावे लागू शकते. मंगळाच्या मेष राशीत प्रवेशाचा सर्वच राशींवर कमी जास्त प्रमाणात अनिष्ट परिणाम होणार आहे.

(वरील माहिती जोतिष्यशास्त्राचा अंदाज आहे. याच्या तथ्यांचा आम्ही कुठलाच दावा करीत नाही तसेच अंधश्रद्धेला कुठल्याही प्रकारे समर्थन देत नाही)