Vastu tips : या पाच गोष्टी केल्याने दुर होतो वास्तूदोष, एक रूपयाही खर्च करण्याची गरज नाही‌‍!

मुंबई : भारतीय वास्तूशास्त्र जगभरात प्रसिद्ध आहे. वास्तूदोषाच्या (Vastu Tips Marathi) संबंधीत यात अनेक उपाय सांगण्यत आलेले आहेत. वास्तूदोष म्हंटलं की अनेकांच्या डोळ्यासमोर येतो तो म्हणजे खर्च! मात्र असे अनेक उपाय आहेत जे कुठलेच पैसे खर्च न करतासुद्धा प्रभावी ठरतात. तुमचे घर कोणत्याही दिशेने बांधले गेले असो किंवा वास्तुनूसार हे तयार केले गेले नसेल तर, हे पाच उपाय घरातला वास्तूदोष दुर करू शकतात.

वास्तूशास्त्रातले हे पाच उपाय आहेत प्रभावी

1.  नियमितपणे घर स्वच्छ करून घरात सुगंध दरवळत राहण्यासाठी अत्तराचा वापर करा. जिथे ते गलिच्छ आणि घाण आहे, तिथे राहू सक्रिय राहतो आणि जिथे घाणेरडा वास येतो तेथे शुक्र विचलित होतो. शौचालय आणि स्नानगृह स्वच्छ ठेवा आणि त्यांना सुगंधित ठेवा.
2.  उत्तर व ईशान्य दिशेने वारा आणि प्रकाशाचा मार्ग ठेवा: जर तुमच्याकडे दक्षिणेस खिडकी असेल तर एक जाड पडदा लावा. शक्य असल्यास उत्तर दिशेने प्रकाश ठेवा. जर उत्तर किंवा ईशान्येकडील खिडकीचे दरवाजे असतील तर काही विशेष काळजी घेण्याची गरज नाही.
3.  सुंदर चित्रे, पडदे, सुंदर वस्तूंनी घर सजवा. जसे की पुष्पगुच्छ, पेंटींग, फुले, पारंपारिक पेंटिंग्ज, झुमर, पेंडेंट इत्यादी.
4.  समोरचा दरवाजा मजबूत आणि सुंदर बनवा: घराच्या दाराची चौकट आणि उंबरठा मजबूत लाकडाने बनवा. त्यावर तोरण लावा. शुभ लाभ आणि ॐ ची प्रतीमा लावू शकता किंवा कुंकूवाने लिहू शकता. पारंपारिक मार्गाने उंबरठा बनवा आणि त्याच्या दोन्ही बाजूंनी स्वस्तिक लावा. आजूबाजूला सुंदर फुलांची भांडी ठेवा आणि दरवाजाची नियमित साफसफाई करा.
5. जर घरातल्या नळातून पाणी टपकत राहिले तर ते अशुभ मानले जाते. नळातून पाणी गळत असल्यास आर्थिक नुकसान तसेच आरोग्याच्या समस्या उद्भवतात. जर भिंतींमध्ये कुठेतरी पाणी झिरपत असेल तर ते ही वास्तूदोष निर्माण करते.

(वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)