Pitru Paksha : पितृपक्षात महिलांनी ‘या’ 6 गोष्टी टाळाव्यात; पितरांच्या नाराजीबाबत काय सांगतात धार्मिक परंपरा? जाणून घ्या…
पितृपक्षाच्या काळात श्राद्ध, तर्पण आणि पूर्वजांचे स्मरण करण्याची परंपरा आहे. या काळात काही धार्मिक मान्यतांनुसार महिलांनी काही गोष्टींकडे विशेष लक्ष द्यावे असे सांगितले जाते. काही गोष्टी करणे महिलांनी आवर्जुन टाळले पाहिजेत, नाहीतर काहीतरी पित्र नाराज होण्याची शक्यता असते.
गणपतीनंतर पितृपक्षाला सुरूवात होते.या काळात आपल्या पुर्वजांचे स्मरण केले जाते. आपल्या पित्रांना प्रसन्न करण्यासाठी घराघरात पूजा विधी केली जाते. शेजारी पाजारच्या लोकांना, नातेवाईकांना म्हाळाच्या जेवणाचे निमंत्रण दिले जाते. यंदा पितृपक्ष 27 सप्टेंबरपासून सुरू झाला असून 10 ऑक्टोबरला सर्वपितृ अमावस्या आहे. पण काही पूजा विधी करताना महिलांनी काही गोष्टिंकडे लक्ष देणे विशेष महत्त्वाचे आहे. ज्यामुळे घरात नकारात्मकता येत नाही आणि आपल्यावर पूर्वजांचा आशीर्वाद कायम राहतो. त्यामुळे या काही गोष्टी आवर्जुन केल्या पाहिजेत.
दक्षिण दिशेला दिवा लावण्याची मान्यता
पितृपक्षात दररोज संध्याकाळी घराबाहेर दक्षिण दिशेकडे दिवा लावण्याची परंपरा आहे. कारण दक्षिण दिशा ही पितरांची दिशा मानली जाते. तसेच प्लॅटमध्ये राहणारे लोक घराच्या बाल्कनीत दक्षिण दिशेकडे दिवा ठेवू शकतात.
श्राद्धाचे भोजन कोण बनवणार
धार्मिक मान्यतेनुसार मासिक पाळीच्या काळात माहिलांनी श्राद्ध किंवा तर्पणासाठीचे भोजन बनवू नये असे सांगितले जात. अशा वेळी घरातील दुसऱ्या महिलांनी किंवा पुरूषही जेवण बनवू शकतो.परंतु काही चालिरितींमध्ये या नियमांत तफावत असू शकते.
संध्याकाळी झाडू मारू नये
पितृपक्षात संध्याकाळच्या घरात झाडू मारणे किंवा साफसफाई करणे टाळावे अशी धार्मिक मान्यता आहे. श्राद्धाशी संबंधित कर्मांमध्ये घरातील शुद्धता आणि पवित्रतेला महत्त्व दिले जाते.
जेवणातील काही भागात ठेवण्याची परंपरा
पितृपक्षात रोज स्वयंपाक करताना जेवणाचा एक भाग आधीच वेगळा काढून ठेवण्याची परंपरा सांगितली जाते. हा भाग पितरांच्या नावाने गायीला खावू घालण्याची पद्धत आहे.
पितरांच्या आवडीचे पदार्थ बनवण्याची मान्यता
ज्या दिवशी पितरांची श्रद्धा आहे, त्या दिवशी त्यांच्या आवडीचे पदार्थ बनवावेत, यामागे पूर्वजांचे प्रेम, आठवण आणि आदर व्यक्त करण्याची भावना असते असे सांगितले जाते.
घरात वाद टाळण्याचा सल्ला
पितृपक्षाच्या काळात घरातील वातावरण शांत ठेवण्यावरही भर दिला जातो. महिलांनी विनाकारण वाद – विवाद टाळावा आणि कुटुबांतील सदस्यांशी प्रेमाने वागावे.
वरच्या लेखातील माहिती ही प्राथमिक स्वरुपाची आहे. आम्ही या माहितीची पुष्टी करत नाही किंवा समर्थनही देत नाही. या लेखाच्या माध्यमातून अंधश्रद्धा पसरवण्याचा आमचा उद्देश नाही. वरच्या लेखात दिलेल्या माहितीवरून कोणताही निर्णय घेण्याआधी त्या-त्या क्षेत्रातील तज्ज्ञांचा सल्ला आवश्य घ्या.
