Badrinath Landslide: बद्रीनाथ महामार्गावर दरड कोसळल्याने वाहतूक ठप्प, भोपाळचे 32 भाविक अडकले
बद्रीनाथ महामार्गावर दरड कोसळण्याच्या घटनेत सुदैवाने कोणीही जखमी झाले नाही. शहरातील सर्व 32 प्रवासी सुखरूप आहेत. वाट मोकळी होण्याची वाट पाहत आहे.
श्रावण महिन्याच्या पार्शवभूमीवर अनेक लोक चार धाम यात्रेला (Char dham yatra) गेले आहेत. बुधवार-गुरुवारी मध्यरात्री बद्रीनाथ (Badrinath) महामार्गावरील पीपळ कोठीजवळ पागल नाल्यावर दरड कोसळल्याने रस्ता बंद करण्यात आला आहे (Badrinath Highway Landslide). मार्गावर डोंगराचा ढिगारा पडल्याने वाहनांच्या लांबच लांब रांगा लागल्या आहेत. त्यामुळे अनेक प्रवासी मार्गात अडकून पडले आहेत. यात भोपाळचे 32 यात्रेकरूही अडकले आहेत. भारत नगर अरेरा कॉलनीतील रहिवासी दिनेश सिंह कुशवाह यांनी सांगितले की, ते 18 जुलै रोजी चारधाम यात्रेसाठी भोपाळहून निघाले होते. 10 दिवस गंगोत्री, यमुनोत्री, बद्रीनाथ चार धाम प्रवास केल्यानंतर भोपाळचे 32 प्रवासी दोन मिनी बसमधून हरिद्वारला जात होते, त्या रात्री वाटेत दरड कोसळली.
भोपाळशिवाय राज्यातील विविध शहरांतील लोक अडकून पडले आहेत. मार्ग खुला करण्यासाठी तीन पाकलँड आणि दोन जेसीबी कार्यरत आहेत. रस्ता मोकळा होण्यासाठी काही तास लागू शकतात. त्यानंतरच यात्रेकरूंना हरिद्वारला जाता येणार आहे.
प्रवासी सुरक्षित, मार्ग मोकळा होण्याची पाहत आहेत वाट
बद्रीनाथ महामार्गावर दरड कोसळण्याच्या घटनेत सुदैवाने कोणीही जखमी झाले नाही. शहरातील सर्व 32 प्रवासी सुखरूप आहेत. वाट मोकळी होण्याची वाट पाहत आहे. प्रत्यक्षदर्शींनी दिलेल्या माहितीनुसार, कार जात असताना अचानक डोंगरावरून दगड पडल्याचा मोठा आवाज आला. डोंगरावरून माती पडून रस्त्यावर आली. त्यावेळी भीतीदायक घटना घडली, मात्र सुदैवाने कोणालाही दुखापत झाली नाही.
हरिद्वारला भेट देऊन प्रवासी परततील
शहरातील सर्व 32 प्रवासी हरिद्वारला दर्शन घेतल्यानंतर भोपाळला परततील. त्यांच्या सहलीला 10 दिवस झाले आहेत. या दुर्घटनेमुळे प्रवाशांना जास्त वेळ लागेल. रस्ता उघडल्यानंतर ते बद्रीनाथ महामार्गाने हरिद्वारला पोहोचतील. हरिद्वारला भेट दिल्यानंतर मिनी बसने भोपाळला परत येतील. ते सुखरूप असल्याची माहिती प्रवाशांनी कुटुंबीयांना दिली आहे.
