मनी प्लांटपेक्षा लवकर पैसे आकर्षित करते हे रोप; याला पैशांचं चुंबक म्हणतात, तुमच्या घरीही आहे का?
घरात आर्थिक समृद्धी वाढवण्यासाठी एक रोप अत्यंत फायदेशीर मानले जाते. वास्तुशास्त्र आणि फेंगशुईनुसार, हे रोप पैशाचे चुंबक म्हणून काम करते आणि घरात सकारात्मक ऊर्जा आणते. मनी प्लांटपेक्षाही अधिक प्रभावी असलेले हे रोप योग्य दिशेत ठेवल्यास आर्थिक अडचणी दूर करण्यास मदत करते. कोणते आहे हे रोप आणि त्याचे काय फायदे आहेत जाणून घेऊयात.
घरात पैशांची भरभराट व्हावी यासाठी लोक मेहनतीने पैसे तर कमवतात पण त्याला जर वास्तूशास्त्र, अध्यात्माची जोड असली तर मेहनतीचं फळ लवकर मिळतं असं म्हणतात. कारण काहीवेळेला अनेक वेळा कठोर परिश्रम करूनही, माणूस जितके पैसे कष्ट करतो तितके पैसे कमवू शकत नाही. वास्तूशास्त्रानुसार अशी एक वनस्पती किंवा रोप आहे ज्याच्या मदतीने तुम्ही तुमच्या घरात पैसे आकर्षित करू शकता. सकारात्मकता आकर्षित करू शकता.
घरात पैसे आकर्षित करू शकता
या रोपाला मनी मॅग्नेट म्हटलं जातं. जे की मनीप्लांटपेक्षाही जास्त आकर्षित असतं. वास्तुशास्त्रात देखील या वनस्पतीचं खूप महत्त्व सांगण्यात आलं आहे. या वनस्पतीचे नाव आहे क्रॅसुला. इंग्रजीत त्याला मनी ट्री असेही म्हणतात.
वास्तुशास्त्रात ही वनस्पती खूप शुभ मानली जाते
वास्तुशास्त्रात, क्रॅसुला वनस्पती अत्यंत शुभ आणि फायदेशीर मानली जाते. असे म्हटले जाते की ते घरात लावल्याने आर्थिक अडचणी दूर होतात आणि उत्पन्नाचे नवीन स्रोत उघडतात. वास्तुशास्त्रानुसार, याला कुबेर आणि संपत्तीची वनस्पती म्हणून देखील ओळखले जाते. तथापि, ते योग्य दिशेने लावणे अत्यंत महत्वाचे आहे.
वास्तु आणि फेंगशुईमध्येही या वनस्पतीला फायदेशीर मानले जाते.
वास्तु व्यतिरिक्त, फेंगशुईमध्ये या वनस्पतीला देखील शुभ मानले जाते. फेंगशुईनुसार, या वनस्पतीची लागवड केल्याने संपत्ती आकर्षित होते आणि घरात सकारात्मक ऊर्जा येते. जरी तुम्ही भरपूर पैसे कमवत असलात तरी ते टिकत नाही. अशा सर्व परिस्थितीत हे रोप लावणे फार फायदेशीर ठरते.
त्याला ‘फ्रेंडशिप ट्री’ असेही म्हणतात
इंग्रजीमध्ये, या वनस्पतीला मनी ट्री, फ्रेंडशिप ट्री, लकी प्लांट, जेड प्लांट आणि मनी अट्रॅक्ट प्लांट असेही म्हणतात. याला कुबेराचे प्लांट असेही म्हणतात. ही वनस्पती खूप लहान असते आणि तिला रुंद, पसरट आणि पाणी असल्यासारखी फुगलेली पाने असतात. हे रोप घरात लावल्याने कौटुंबिक स्नेह वाढतो आणि नातेसंबंध मजबूत होतात.
हेरोप लावण्याची योग्य दिशा कोणती?
जास्तीत जास्त फायदे मिळवण्यासाठी, रोप प्रवेशद्वाराच्या उजवीकडे ठेवावे, जिथे त्यावर सूर्यप्रकाश पडेल. या रोपाला जास्त काळजी घेण्याची आवश्यकता देखील नसते. आठवड्यातून दोन ते तीन वेळा पाणी देणे पुरेसे ठरते. क्रॅसुला जितका हिरवा राहील तितके घरात आनंद आणि समृद्धी येते असे म्हटले जाते.
( डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
