Shiva Worship Tips : महादेवांना प्रसन्न करण्यासाठी, जीवनातील सर्व दु:खापासून मुक्त होण्यासाठी सोमवारी हे उपाय करा
सनातन परंपरेत भगवान शंकराची पूजा अत्यंत साधी आणि लवकर फळ देणारी मानली जाते. भगवान शिव यांना भोलेनाथ म्हणतात, कारण ते फक्त जल आणि बेलाची पाने अर्पण केल्याने प्रसन्न होतात. शिवाची विधीवत साधना केल्याने ते आपल्या भक्तांचे सर्व त्रास दूर करतात आणि त्यांच्या सर्व इच्छा लवकरच पूर्ण करतात.
मुंबई : सनातन परंपरेत भगवान शंकराची पूजा अत्यंत साधी आणि लवकर फळ देणारी मानली जाते. भगवान शिव यांना भोलेनाथ म्हणतात, कारण ते फक्त जल आणि बेलाची पाने अर्पण केल्याने प्रसन्न होतात. शिवाची विधीवत साधना केल्याने ते आपल्या भक्तांचे सर्व त्रास दूर करतात आणि त्यांच्या सर्व इच्छा लवकरच पूर्ण करतात.
शिव साधना करणाऱ्या साधकाच्या जीवनात कोणत्याही प्रकारची कमतरता नसते. सोमवार हा भगवान शंकराच्या पूजेला समर्पित आहे आणि या दिवशी शिव उपासनेशी संबंधित काही उपाय करुन तुम्ही तुमच्या इच्छा लवकरच पूर्ण करु शकता. भगवान शिव यांच्या उपासनेशी संबंधित साधे आणि जलद फलदायी उपाय जाणून घेऊया.
गंगेच्या पाण्याने सर्व इच्छा पूर्ण होतील
जर तुमच्याकडे शिव उपासनेशी संबंधित कोणतेही साहित्य नसेल तर तुम्ही शिवलिंगावर गंगाजल अर्पण करुन त्यांची कृपा मिळवू शकता. सोमवारी शिवाला गंगाजल अर्पण केल्याने जीवनाशी संबंधित सर्व दोष दूर होतात आणि इच्छा पूर्ण होतात. जर तुम्ही कोणत्याही आजाराने ग्रस्त असाल आणि तुम्हाला भगवान शिव यांच्याकडून उत्तम आरोग्याचे आशीर्वाद मिळवायचे असतील तर तुम्ही गंगाजलमध्ये थोडे कच्चे दूध मिसळून भगवान शिवाचा जलाभिषेक करावा. हा उपाय केल्यास तुम्हाला लवकरच आरोग्य लाभ मिळतील.
शत्रूंशी संबंधित भीती दूर करण्यासाठी
शिव उपासनेमुळे जीवनाशी संबंधित सर्व संकट दूर होतात. जर तुम्हाला नेहमी कोणत्याही ज्ञात-अज्ञात शत्रूपासून धोका असेल आणि तुम्ही सर्वकाळ भीतीच्या छायेत राहत असाल तर तुम्ही सोमवारी महाकालेश्वर किंवा रामेश्वरमची विशेष साधना करावी. जर तुम्हाला शत्रूंवर विजय मिळवायचा असेल तर आज तुम्ही विशेषतः लहसुनिया रत्नापासून बनवलेल्या शिवलिंगाची पूजा करावी.
शिव उपासनेने दूर होईल शनि दोष
जर तुमच्यावर शनि वक्र दृष्टी किंवा साडेसाती चालू असेल किंवा तुमच्या कुंडलीमध्ये काल सर्प योग असेल तर ते दूर करण्यासाठी भगवान शंकराची पूजा वरदानापेक्षा कमी नाही. शनि आणि काल सर्प दोषामुळे येणाऱ्या जीवनाशी संबंधित सर्व अडचणी आणि दुःख दूर करण्यासाठी, सोमवारी विधीवत भगवान शंकराची पूजा केल्याने निश्चितच फायदा होतो.
Diya Remedies | पूजेच्या दिव्याने दूर होतील सर्व दु:ख, पूर्ण होतील सर्व इच्छा, हे उपाय कराhttps://t.co/cEJKaTzQiw#DiyaRemedy #Diya #Spiritual
— TV9 Marathi (@TV9Marathi) October 17, 2021
टीप – या लेखात देण्यात आलेली माहिती, सूचना आणि मान्यता ही उपलब्ध सामान्य माहितीवर आधारित आहे. कुठलाही उपाय करण्यापूर्वी ज्योतिष विषयातील जाणकारांशी संपर्क करा…
संबंधित बातम्या :
Tilak Remedies : ईश्वराचा प्रसाद आहे टिळा, जाणून घ्या कुणी कोणत्या प्रकारचा टिळा लावावा
Diwali 2021 : दिवाळी कधी? जाणून घ्या दिवाळीचा शुभ मुहूर्त आणि लक्ष्मी पूजनाची पद्धत
