कोजागिरी पौर्णिमेला ‘या’ वस्तू दान करा, लक्ष्मीदेवी धन आणि समृद्धीचा करेल वर्षाव
2025 मध्ये कोजागिरी पौर्णिमा कधी आहे? मान्यतेनुसार, कोजागिरी पौर्णिमेला काही वस्तू दान केल्याने केवळ आर्थिक लाभ होत नाही तर कुटुंबात आनंदही मिळतो. तर आजच्या या लेखात जाणून घेऊयात की कोजागिरी पौर्णिमेला कोणत्या गोष्टी दान कराव्यात.
हिंदू धर्मात कोजागिरी पौर्णिमेचा सण खूप महत्वाचा आहे. हा सण आश्विन महिन्याच्या पौर्णिमेच्या दिवशी साजरा केला जातो, ज्याला काही ठिकाणी शरद पौर्णिमा आणि रास पौर्णिमा असेही म्हणतात. धार्मिक श्रद्धेनुसार वर्षातील ही एकमेव रात्र अशी असते जेव्हा चंद्र त्याच्या पूर्ण तेजात असतो आणि त्याची किरणे अमृतासारख्या दैवी औषधी गुणधर्मांनी भरलेली आपल्यावर वर्षाव करतात.
ही तिथी धन आणि समृद्धीची लक्ष्मी देवी , विश्वाचे रक्षक भगवान विष्णू आणि चंद्र देव यांना समर्पित आहे. कोजागिरी पौर्णिमेच्या रात्री लक्ष्मी देवी पृथ्वीवर भ्रमण करते आणि जागृत राहून तिची पूजा करणाऱ्या भक्तांवर तिचे विशेष आशीर्वाद वर्षाव करते असे मानले जाते. पूजा आणि प्रार्थनांसोबतच या दिवशी दानाचेही विशेष महत्त्व आहे. असे मानले जाते की या शुभ प्रसंगी तुम्ही काही वस्तू व गोष्टी दान केल्याने सुख आणि समृद्धी मिळते आणि दारिद्र्य दूर होते.
कोजागिरी पौर्णिमा 2025 तारीख आणि शुभ मुहूर्त
कोजागिरी पौर्णिमा 2025 तारीख: 06 ऑक्टोबर 2025, सोमवार
पौर्णिमा तिथीची सुरुवात: 06 ऑक्टोबर 2025 दुपारी 12 वाजून 23 मिनिटांनी सुरूवात होते.
पौर्णिमा तिथीची समाप्ती: 07 ऑक्टोबर 2025 सकाळी 9 वाजून 16 मिनिटांनी संपन्न होते.
6 ऑक्टोबर रोजी पौर्णिमा सुरू होत असल्याने आणि चंद्रोदय देखील त्याच दिवशी होणार असल्याने, कोजागिरी पौर्णिमेचे उपवास आणि पूजा फक्त 6 ऑक्टोबर 2025 सोमवार रोजीच केली जाणार आहे.
लक्ष्मी देवीचा आशीर्वाद मिळविण्यासाठी कोजागिरी पौर्णिमेला या गोष्टी दान करा
तांदूळ आणि धान्याचे दान
कोजागिरी पौर्णिमेला तांदूळ (अन्न) दान केल्याने चंद्र देव यांचा आशीर्वाद मिळतो. चंद्राला शांती आणि शांतीचे प्रतीक मानले जाते. तांदूळ दान केल्याने अन्नाचा साठा भरभरून मिळतो आणि आर्थिक समृद्धी येते. शिवाय, गहू दान केल्याने सूर्य देव यांचाही आशीर्वाद मिळतो.
दिवे लावणे
या पवित्र सणाला दिवे लावणे अत्यंत शुभ मानले जाते. तुम्ही देवघरात व मंदिरात किंवा पवित्र नदी तलावात दिवे लावू शकता. असे केल्याने लक्ष्मी देवी प्रसन्न होते आणि पूर्वजांचे आशीर्वाद देखील मिळतात, ज्यामुळे जीवनात आनंद आणि समृद्धी येते.
दूध, दही आणि खीर दान
हा सण चंद्र आणि खीरशी संबंधित असल्याने, दूध, दही आणि खीर यांसारखे पांढरे पदार्थ दान करणे अत्यंत फलदायी मानले जाते. खीर रात्रभर चंद्रप्रकाशात ठेवून चंद्राच्या अमृतसारखे गुणधर्माचे संचार होते. दुसऱ्या दिवशी प्रसाद म्हणून ते सेवन करणे आणि गरीब आणि गरजूंना खीर किंवा दूध दान करणे अधिक चांगले. अशाने घरात समृद्धी आणि घरातील सर्व व्यक्तींचे आरोग्य चांगले राहते.
कपडे दान करा
कोजागिरी पौर्णिमेच्या दिवशी गरजूंना पांढरे कपडे किंवा इतर कापड दान केल्याने जीवनातील कष्ट कमी होतात. कपडे दान करणे हे सर्वात मोठे दान मानले जाते. लक्ष्मी देवीला प्रसन्न करण्यासाठी तरुणी किंवा विवाहित महिलेला कपडे दान करणे अत्यंत शुभ मानले जाते.
चांदीचे दान
ज्योतिषशास्त्रात चांदीचा संबंध चंद्राशी आहे. शक्य असल्यास कोजागिरी पौर्णिमेला ब्राह्मणाला चांदीचे भांडे दान करा . जर चांदी दान करणे शक्य नसेल तर तुम्ही चंद्र देवाशी संबंधित इतर कोणताही पांढरा धातू दान करू शकता. यामुळे कुंडलीत चंद्राची स्थिती मजबूत होते. मन शांत होते आणि संपत्ती आणि समृद्धी वाढते.
( डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
