Guruwar Upay: गुरुवारच्या या उपायांनी होते भगवान विष्णूंची कृपा, समस्यांपासून मिळते मुक्ती
ज्यांना आपल्या आयुष्यात आर्थिक समस्या असतील त्यांनी गुरुवारी सूर्योदयाच्या आधी उठून स्नान करावे. त्यानंतर भगवान विष्णूसमोर तूपाचा दिवा लावावा आणि त्यांची पूजा करावी. पूजा करताना विष्णू सहस्रनामाचा पाठ देखील करावा.
Guruwar Upay: आठवड्यात सात दिवस असतात आणि सात दिवस वेगवेगळ्या देवतांना समर्पित असतात. दिवसानुसार त्या देवतेची पूजा केल्यास अधिक फलदायी ठरते. हिंदू कॅलेंडरनुसार, आज म्हणजे 11 ऑगस्ट हा गुरुवार आहे आणि हा दिवस भगवान विष्णूला समर्पित आहे. या दिवशी विष्णूजींची पूजा केल्याने त्यांचा आशीर्वाद तर मिळतोच, शिवाय माता लक्ष्मीचाही प्रसन्न होते. गुरुवारी देवगुरु बृहस्पती (Bruhaspati upay) यांची विशेष पूजा केली जाते. गुरुला भाग्य आणि धर्म कारक ग्रह मानले जाते. कुंडलीतील गुरु ग्रहाच्या स्थितीचा वैवाहिक जीवनावरही प्रभाव पडतो. गुरु शुभ स्थितीमध्ये असल्यास भाग्याची साथ मिळते तसेच पती-पत्नीमधील प्रेम कायम राहते. कुंडलीत गुरु ग्रहाशी संबंधित दोष असल्यास विविध प्रकारच्या अडचणींना सामोरे जावे लागते. गुरुवारी काही विशेष गोष्टीचे पालन केल्यास अनेक समस्यांतून मुक्ती होते.
गुरुवारी करा हे उपाय
जर एखाद्या व्यक्तीच्या कुंडलीत बृहस्पति दोष असेल म्हणजेच गुरु ग्रहाची स्थिती वाईट असेल तर त्या गुरुवारी मंदिरात केशर आणि हरभरा मसूर दान करावे. यासोबतच कपाळावर कुंकू तिलक लावावे. दर गुरुवारी हा उपाय केल्यास काही दिवसातच फरक दिसेल.
आर्थिक त्रास दूर करण्यासाठी करा हे उपाय- ज्यांना आपल्या आयुष्यात आर्थिक समस्या असतील त्यांनी गुरुवारी सूर्योदयाच्या आधी उठून स्नान करावे. त्यानंतर भगवान विष्णूसमोर तूपाचा दिवा लावावा आणि त्यांची पूजा करावी. पूजा करताना विष्णू सहस्रनामाचा पाठ देखील करावा. यानंतर गुरु ग्रहाची पूजा करावी. वास्तविक, धर्मग्रंथात, गुरूला संपत्तीचा एक घटक म्हणून वर्णन केले आहे. म्हणून या ग्रहाची उपासना करणे फायद्याचे आहे. पैशांबद्दल असलेल्या अडचणीवर मात करण्यासाठी गुरुवारी संध्याकाळी केळीच्या झाडाखाली तूपाचा दिवा लावावा आणि त्या झाडाला बेसणाची मिठाई अर्पण करा. त्यानंतर, लोकांमध्ये ही मिठाई वाटून घ्या. तसेच या दिवशी फक्त पिवळे कपडे घाला आणि कपाळावर हळदीचे टिळक देखील लावा.
विवाहाची समस्या दूर करण्यासाठी-
ज्यांचे लग्न होण्यास उशीर होत असेल त्यांनी गुरु ग्रहाला प्रसन्न करावे. ग्रह प्रसन्न होताच लग्नाचा योग जुळून येईल. ज्या नक्षत्रात ग्रह कमकुवत आहे, त्यांच्या विवाहामध्ये विलंब होतो. म्हणूनच, आपण या ग्रहाला बळकट करणे आवश्यक आहे. गुरुवारी लवकर उठून स्नान करा. त्यानंतर मंदिरात जाऊन केळीच्या झाडाची पूजा करा. केळीच्या झाडावर हळद आणि हरभरा डाळ अर्पण करा.
(वरील माहिती उपलबध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही,तसेच अंधश्रद्धेला दुजोरा देत नाही)