स्वयंपाकघरात इंडक्शन कुकटॉप्स ठेवण्याआधी ‘हे’ 4 वास्तू नियम जाणून घ्या

आजच्या वेगवान जगात आपले स्वयंपाकघरामध्ये बरीच अत्याधुनिक वस्तू वापर आहोत. पूर्वी गॅस स्टोव्हचा वापर सर्वसामान्य होता, पण आता इंडक्शन कुकटॉप्सने त्याची जागा घेतली आहे. अशातच हे वापरायला सोपे, सुरक्षित आणि स्वच्छ करायला खूप सोपं आहेत. पण तुम्ही कधी विचार केला आहे का की आपण गॅस स्टोव्हसाठी जे वास्तूचे नियम पाळतो, तेच इंडक्शन कुकटॉप्सनाही लागू होतात का?

वास्तुशास्त्रानुसार स्वयंपाकघर हे घराचे ऊर्जा केंद्र आहे आणि तिथे ठेवलेल्या प्रत्येक गोष्टीचा आपल्या आरोग्यावर आणि समृद्धीवर परिणाम होतो. जर तुम्ही इंडक्शन कुकर वापरत असाल, तर काही लहान पण महत्त्वाच्या गोष्टी लक्षात ठेवून तुम्ही तुमच्या स्वयंपाकघरातील सकारात्मक ऊर्जा वाढवू शकता. चला तर मग आजच्या लेखात आपण स्वयंपाकघरात इंडक्शन कुकटॉप्स ठेवण्याआधी याबद्दल काही वास्तू टिप्स जाणून घेऊयात.

1. योग्य दिशा निवडणे

वास्तुशास्त्रानुसार स्वयंपाकघरातील अग्नी आग्नेय दिशेला, म्हणजेच ‘आग्नेय कोपऱ्यात’ असावा. ही दिशा अग्नी तत्त्वाचे प्रतिनिधित्व करते. या दिशेवर शुक्राचार्यांचे अधिपत्य असून मंगळ ग्रहाचाही प्रभाव असतो. वास्तुशास्त्रानुसार, स्वयंपाकघर, विद्युत उपकरणे, जनरेटर, तसेच सुख आणि समृद्धीसाठी हे स्थान सर्वोत्तम मानले जाते.

इंडक्शन कुकटॉप्स उष्णता निर्माण करते आणि त्यांचा वापर स्वयंपाकासाठी होत असल्यामुळे त्यांना स्वयंपाकघराच्या आग्नेय कोपऱ्यात ठेवणे सर्वात शुभ मानले जाते. यामुळे घरात शांतता आणि आनंद टिकून राहण्यास मदत होते.

2. स्वयंपाक करताना तुमची उभी राहण्याची योग्य दिशा

इंडक्शन कुकटॉप्स अशा प्रकारे सेट करा की स्वयंपाक करताना तुमचे तोंड पूर्वेकडे असेल. असे मानले जाते की पूर्वेकडे तोंड केल्याने जेवणामध्ये शुद्धता येते आणि स्वयंपाक करणाऱ्याचे आरोग्य सुधारते. वास्तूनुसार दक्षिणेकडे तोंड करून स्वयंपाक करणे तणावाचे कारण मानले जाते.

3. पाणी आणि आग यांच्यातील अंतर

हा एक अतिशय सोपा पण महत्त्वाचा नियम आहे. इंडक्शन कुकटॉप आणि सिंक किंवा पिण्याच्या पाण्याची भांडी थेट एकमेकांच्या शेजारी ठेवू नयेत. वास्तूनुसार अग्नी आणि जल यांच्या संयोगामुळे संघर्ष निर्माण होतो ज्यामुळे घरातील सदस्यांमध्ये कलह निर्माण होऊ शकतो. त्यांच्यामध्ये किमान 2-3 फुटांचे अंतर ठेवा.

4. स्वच्छता आणि देखभाल

गॅसच्या शेगडीवर डाग पडणे सामान्य आहे, परंतु इंडक्शन कुकटॉपच्या काचेसारख्या पृष्ठभागावर घाण लगेच दिसते. वास्तूशास्त्रानुसार खराब शेगडी किंवा इंडक्शन कुकटॉप गरिबीला आमंत्रण देते. वापरानंतर ते नेहमी स्वच्छ ठेवा. तसेच जर तुमच्या इंडक्शन कुकटॉपची काच फुटली असेल, तर ती त्वरित दुरुस्त करून घ्या किंवा बदलून घ्या, कारण फुटलेल्या वस्तू नकारात्मक ऊर्जा पसरवतात.

हे वास्तु नियम वास्तुशास्त्राच्या प्राचीन तत्त्वांवर आणि घर बांधणीच्या पारंपरिक मानकांवर आधारित आहेत, जे पंचमहाभूतांच्या (अग्नी, जल, वायू, पृथ्वी आणि आकाश) संतुलनावर भर देतात.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)