Makar Sankranti 2024 : भारतासह या देशातही साजरी केली जाते मकर संक्रांत? या नावाने ओळखला जातो सण
यंदा उत्तरायण म्हणजेच मकर संक्रांती हा सण १५ जानेवारीला साजरा होणार आहे. या दिवशी सूर्य मकर राशीत प्रवेश करतो. संपूर्ण भारतात हा सण मोठ्या थाटामाटात साजरा केला जातो. मात्र, देशातील विविध राज्यांमध्ये तो वेगवेगळ्या नावांनी साजरा केला जातो. मकर संक्रांतीला स्नान आणि दानाचेही खूप महत्त्व आहे.
मुंबई : यंदा उत्तरायण म्हणजेच मकर संक्रांती (Makar Sankranti) हा सण 15 जानेवारीला साजरा होणार आहे. या दिवशी सूर्य मकर राशीत प्रवेश करतो. संपूर्ण भारतात हा सण मोठ्या थाटामाटात साजरा केला जातो. मात्र, देशातील विविध राज्यांमध्ये तो वेगवेगळ्या नावांनी साजरा केला जातो. मकर संक्रांतीला स्नान आणि दानाचेही खूप महत्त्व आहे. या दिवशी गंगा स्नानाला विशेष महत्त्व आहे. लोकं दूरदूरवरून गंगा स्ननासाठी प्रयागराजला येतात. पण उत्तरायण हा सण भारतातच नाही तर परदेशातही साजरा केला जातो. होय, हे ऐकल्यानंतर तुम्हालाही थोडे आश्चर्य वाटेल. पण देशाच्या शेजारील देशांमध्ये साजरा होणारा हा सण भारतात नव्या ऋतूच्या आगमनाचे प्रतीक मानला जातो. चला जाणून घेऊया मकर संक्रांतीचा सण कोणत्या देशात साजरा केला जातो.
भारतासह या देशातही साजरा केला जातो मकर संक्रांतीचा सण
श्रीलंका
श्रीलंका भारताच्या दक्षिणेला आहे पण मकर संक्रांती इथेही साजरी केली जाते. येथे हा सण साजरा करण्यासाठी एक वेगळी परंपरा पाळली जाते. श्रीलंकेत मकर संक्रांतीला उजहावर थिरानाल म्हणून ओळखले जाते. इथले काही लोक याला पोंगल असेही म्हणतात. याचे कारण येथे तामिळनाडूचे लोक मोठ्या संख्येने राहतात.
म्यानमार
म्यानमारमध्ये हा सण अनोख्या पद्धतीने साजरा केला जातो. येथे थिनाग्यान या नावाने साजरा केला जातो. म्यानमारमधील मकर संक्रांतीचा सण बौद्ध समाजाशी संबंधित आहे. हा उत्सव 3 ते 4 दिवस चालतो. नवीन वर्षाच्या आगमनाचा आनंद साजरा करण्यासाठी येथे मकर संक्रांतही साजरा केली जाते.
थायलंड
तुम्हाला हे जाणून आश्चर्य वाटेल की थायलंडमध्येही मकर संक्रांतीचा सण साजरा केला जातो. हे थायलंडमध्ये सॉन्गकर्न म्हणून ओळखले जाते. प्राचीन काळी थायलंडमधील प्रत्येक राजाकडे स्वतःचा खास पतंग होता. देशात समृद्धीच्या आशेने भिक्षू आणि पुजारी थंडीत हा पतंग उडवत असत. केवळ राजेच नाही तर थायलंडचे लोकही देवाला प्रार्थना करण्यासाठी पतंग उडवत असत.
