Papankusha Ekadashi 2022: पापंकुशा एकादशीच्या व्रताने मिळते पापमुक्ती आणि मोक्ष, विधी आणि नियम
हिंदू धर्मात एकादशीला विशेष महत्त्व आहे. आज
मुंबई, हिंदू धर्मात प्रत्येक महिन्याच्या कृष्ण पक्ष आणि शुक्ल पक्षातील एकादशीला खूप महत्त्व आहे. एकादशीची पवित्र तिथी भगवान विष्णूची पूजा, उपासना, जप आणि व्रतासाठी अत्यंत शुभ आणि फलदायी मानली जाते. अश्विन महिन्याच्या शुक्ल पक्षात येणाऱ्या एकादशी व्रताला (Vrat) पापकुंश एकादशी (Papakunsha Ekadashi 2022) म्हणतात. या एकादशीचे व्रत नियमानुसार केल्याने साधकाच्या जीवनाशी संबंधित सर्व ज्ञात-अज्ञात पापे दूर होतात, अशी श्रद्धा आहे. श्री हरी विष्णूचा आशीर्वाद देणार्या पापंकुशा एकादशीच्या व्रताची पद्धत आणि त्यासंबंधीचे आवश्यक नियम जाणून घेऊया.
पापंकुशा एकादशी व्रतासाठी शुभ मुहूर्त
सर्व पापांपासून मुक्ती देणारी पापंकुशा एकादशी 05 ऑक्टोबर 2022 रोजी दुपारी 12.00 वाजेपासून सुरू होऊन 06 ऑक्टोबर 2022 रोजी रात्री 09.40 पर्यंत राहील. त्याचे पारण 07 ऑक्टोबर 2022 रोजी सकाळी 06.22 ते 07.26 दरम्यान करता येईल.
पापंकुशा एकादशी व्रताची पद्धत
पापंकुशा एकादशीचे व्रत सुरु करण्याआधी स्नान करून ध्यान करावे व सूर्यनारायणाला अर्घ्य अर्पण करावे. त्यानंतर भगवान विष्णूचे ध्यान करताना विधिपूर्वक हे व्रत पूर्ण करण्याचे संकल्प करावे. यानंतर भगवान विष्णूची प्रतिमा किंवा चित्र एका पिवळ्या कापडावर ठेवून गंगाजल, फुलं, हळद, चंदन, फळे, मिठाई इत्यादी अर्पण करून पूजा करा. भगवान विष्णूचा आशीर्वाद मिळविण्यासाठी पूजेमध्ये पिवळे फुले आणि पिवळे फळ अर्पण करावे.
पापकुंशा एकादशी व्रताची कथा
असे मानले जाते की प्राचीन काळी विंध्य पर्वतावर क्रोधन नावाचा एक पक्षी राहत होता. क्रोधन अत्यंत क्रूर आणि दुष्ट होता. असे म्हणतात की जेव्हा त्याचा अंतकाळ जवळ आला आणि यमराजाचे दूत त्याला उचलण्यासाठी आले आणि उद्या तुझा शेवटचा दिवस आहे असे त्याला सांगितले तेव्हा तो आपला जीव वाचवण्याचा मार्ग जाणून घेण्यासाठी महर्षी अंगिराच्या आश्रयाला पोहोचला. तेव्हा महर्षी अंगिराने त्याला सर्व पापांपासून मुक्त करणाऱ्या पापकुंशा एकादशीच्या व्रताबद्दल सविस्तर सांगितले. असे केल्याने क्रोधन नावाच्या प्राण्याचे सर्व पाप दूर होऊन त्याला शेवटच्या वेळी विष्णुलोक प्राप्त झाला.
पापंकुशी एकादशीचे धार्मिक महत्त्व
पौराणिक मान्यतेनुसार पापंकुशा एकादशीचे व्रत हे पापमुक्त होण्यासाठी केल्या जाते. या एकादशीचे व्रत श्रद्धेने व पवित्रतेचे पाळल्यास माणसाच्या जीवनातील सर्व रोग, दु:ख, पापे दूर होतात व श्री हरी विष्णूची कृपा होते, अशी धार्मिक श्रद्धा आहे.
(वरील माहिती उपलबध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही,तसेच अंधश्रद्धेला दुजोरा देत नाही)
