सोमवती अमावस्येला चुकूनही खाऊ नका हा पदार्थ, अन्यथा वाईट वेळ सुरू झालीच समजा
Somvati Amavasya : सोमवती अमावस्या ही पितरांना समर्पित असते, या खास दिवशी अनेक पथ्ये पाळावी लागतात. या दिवशी काही पदार्थ खाणे टाळले पाहिजे, अन्यथा तुमच्या कुटुंबावर संकट येऊ शकते.
सोमवार, 15 जून रोजी सोमवती अमावस्या आहे, पंचांगानुसार, अमावस्येची सुरुवात 14 जून रोजी दुपारी 12:20 वाजता झाली असून ती 15 जून रोजी सकाळी 8.24 पर्यंत असणार आहे. उदयतिथीनुसार, सोमवती अमावस्या 15 जून रोजी पाळली जाईल.
सोमवारी येणाऱ्या अमावस्येला सोमवती अमावस्या म्हणतात. धार्मिक श्रद्धेनुसार, या दिवशी स्नान करणे, दान करणे, मंत्रोच्चार करणे आणि पूजा करणे याला विशेष महत्त्व दिले जाते. अनेक लोक आपल्या पूर्वजांच्या शांतीसाठी या दिवशी तर्पण देखील करतात.
पुराणानुसार सोमवती अमावस्येच्या दिवशी काही विशेष नियमांचे पालन करणे चांगले मानले जाते. या खास दिवशी कितीही इच्छा झाली तरी काही पदार्थ खाणे टाळले पाहिजे.
सोमवती अमावस्येला मांसाहार करणे टाळावे. असे न केल्यास संपूर्ण कुटुंबाला पितृदोषाचा सामना करावा लागू शकतो. यामुळे संपूर्ण कुटुंबावर भविष्यात वाईट परिणाम होऊ शकतो.
याचे कारण म्हणजे अमावस्या तिथी ही पूर्वजांना समर्पित असते. त्यामुळे या दिवशी मांसाहार किंवा तामसिक भोजन केल्यास पितर नाराज होतात. तसेच यामुळे घरातील सकारात्मक ऊर्जा कमी होते. तसेच आर्थिक संकट किंवा दारिद्र्य येऊ शकते.
