Vastu Shastra : तुम्हालाही रात्री झोपेत वाईट स्वप्न पडतात का? त्या मागे असू शकतात ही कारणं, वास्तुशास्त्र काय सांगतं?

अनेकदा आपल्याला झोपेत वाईट स्वप्न पडतात, आपण झोपेतून दचकून जागे होते. अशी स्वप्न आपल्याला का पडतात? या मागे नेमकं काय कारण असू शकतं? याचा कधी तुम्ही विचार केला आहे का? सर्वसामान्यपणे आपण दिवसभरात जो विचार करतो, आपल्या मनामध्ये जे काही विचार सुरू असतात, त्या गोष्टी आपल्याला स्वप्नात दिसतात, असं म्हटलं जातं. परंतु काही स्वप्न अशी देखील असतात, ज्याबद्दल आपण कधीही विचारही केलेला नसतो, मात्र तरी देखील त्या आपल्या स्वप्नात दिसतात. यामागे दोन कारणे आहेत, एक म्हणजे तुमच्या मानात काहीतरी अनामिक भीती असते  किंवा अशा स्वप्नांमधून तुम्हाला कधी-कधी विशिष्ट संकेत देखील मिळतो, असे संकेत तुम्हाला ओळखता आले पाहिजेत, वास्तुशास्त्रानुसार काही स्वप्न ही तुम्हाला विशिष्ट संकेत देण्यासाठीच पडत असतात. काही स्वप्नातून वाईट संकेत मिळतात, तर काही स्वप्नांमधून शुभ संकेत मिळतात, चला तर मग जाणून घेऊयात वास्तुशास्त्रामध्ये नेमकं काय सांगितलं आहे? त्याबद्दल.

वाईट स्वप्न का पडतात?  – वास्तुशास्त्रानुसार तुमच्या घरात जर वास्तुदोष निर्माण झाला असेल तर तुम्हाला अशी स्वप्न पडू शकतात. जर तुम्हाला वाईट स्वप्न पडत असतील तर त्यावर एक सोपा उपाय देखील वास्तुशास्त्रामध्ये सांगण्यात आला आहे. तो म्हणजे झोपताना तुमच्या उशीखाली एका छोट्या पुडीमध्ये बांधून संधैव मीठ ठेवावं. मीठ सर्व प्रकारची निगेटीव्ह एनर्जी शोषून घेते, त्यामुळे अशा प्रकारची वाईट स्वप्न पडत नाहीत, असं वास्तुशास्त्रामध्ये सांगण्यात आलं आहे. तसेच शक्यतो तुम्ही दिवसभर जे विचार करतात, तेच स्वप्न तुम्हाल पडते, त्यामुळे नेहमी सकारात्मक विचार करावा, त्यामुळे अशी स्वप्न पडणार नाहीत, झोपताना नेहमी दक्षिणकडे डोकं आणि उत्तरेकडे पाय करून झोपावं, असंही वास्तुशास्त्रामध्ये सांगण्यात आलं आहे. तसेच झोपण्यापूर्वी इश्वराचं नामस्मरण करावं असा सल्ला देखील देण्यात आला आहे.