Ganesh Idols : तुम्ही चुकीच्या दिशेला गणपतीची मूर्ती ठेवता का? योग्य दिशा कोणती जाणून घ्या, समृद्धीचा येईल

वास्तु शास्त्रात अनेक महत्त्वाच्या गोष्टींचा उल्लेख आहे. त्यात दिशेला अत्यंत महत्त्व दिलं आहे. तर जीवनात ऊर्जेचं अत्यंत महत्त्व आहे. सकारात्मक ऊर्जेमुळे जीवनात आनंद निर्माण होतो. तर नकारात्मक ऊर्जेमुळे निर्णय क्षमता संपुष्टात येते. वास्तु शास्त्राच्यानुसार, घरातील फर्निचरशी संबंधित वास्तु नियमांचं विशेष ध्यान ठेवलं पाहिजे. घरातील फर्निचर कोणत्या दिशेला आणि कसे असावे हे अत्यंत महत्त्वाचं मानलं जात आहे. कोणत्या दिशेला काय ठेवतो यावरूनही आपल्या घरात बरकत आणि सुखशांती नांदत असल्याचं सांगितलं जात आहे.

मुख्य दरवाजाचे महत्त्व

वास्तु शास्त्रानुसार घराचं मुख्य द्वार अत्यंत महत्त्वाचं असंत. मुख्य दरवाजावर अनेक लोक शुभ चिन्ह लावतात. स्वास्तिक किंवा रांगोळी काढतात. घरात नकारात्मक ऊर्जा येऊ नये आणि सकारात्मक गोष्टीचा प्रवेश व्हावा म्हणून मुख्य दरवाजावर शुभ चिन्ह लावले जातात. कोणत्याही प्रकारचा वास्तू दोष निर्माण होऊ नये हा सुद्धा त्यामागचा हेतू असतो. घरात धन संपत्ती कमी होऊ नये, बरकत कायम राहावी याचाही यामागे विचार केलेला असतो.

गणपतीची मूर्ती कुठे नसावी?

वास्तु शास्त्रानुसार, नव्या घरात प्रवेश केल्यानंतर किंवा घर बनवल्यानंतर गणपतीची पूजा केली जाते. पण घरात जर काही समस्या उद्भवत असतील तर त्याचं कारण वास्तु दोष असू शकतो. काही लोक तर घराच्या मुख्य दरवाजावरच गणपतीची मूर्ती लावतात. असं करणं शुभ आहे की अशुभ आहे हे तुम्हाला माहीत आहे का? गणपतीची मूर्ती नेमकी कोणत्या दिशेला असावी हे माहीत आहे का?

वास्तु शास्त्रानुसार, घराचे मुख्य द्वार उत्तर किंवा दक्षिण दिशेला असेल तर गणपतीचा फोटो लावणं शुभ आहे. पण घराच्या दरवाजाची दिशा पूर्व किंवा पश्चिमेला असेल तर गणपतीची मूर्ती लावू नये. मग कोणती दिशा योग्य आहे?

पूर्व दिशा

ही सूर्योदयाची दिशा आहे. या दिशेने घरात सकारात्मक ऊर्जा आणि किरणांचा प्रवेश होतो. मुख्य दरवाजा या दिशेने असणं खूप शुभ मानलं जातं.

पश्चिम दिशा

स्वयंपाकघर किंवा शौचालय या दिशेने असावं. स्वयंपाकघर आणि शौचालय एकमेकांजवळ नसावं, हे लक्षात ठेवा.

उत्तर दिशा

या दिशेला घरातील सर्वात जास्त खिडक्या आणि दरवाजे असावेत. बाल्कनी आणि वॉश बेसिनही या दिशेत असणं उत्तम आहे. मुख्य दार उत्तर दिशेने असणं लाभकारी मानलं जातं.

दक्षिण दिशा

या दिशेत शौचालय नको असावं. या ठिकाणी जड सामान ठेवावं. या दिशेत खिडकी किंवा दरवाजा असला तर घरात नकारात्मक ऊर्जा येऊ शकते.

ईशान दिशा (उत्तर-पूर्व)

ही जल तत्त्वाची दिशा आहे. येथे बोरिंग, स्विमिंग पूल, पूजास्थळ इत्यादी असावं. मुख्य दरवाजा या दिशेने असणं खूप शुभ मानलं जातं.

उत्तर-पश्चिम दिशा

तुमचं बेडरूम आणि गैराज या दिशेने असावं.

दक्षिण-पूर्व दिशा

ही अग्नि तत्त्वाची दिशा आहे. गॅस, बॉयलर, ट्रान्सफॉर्मर इत्यादी या दिशेत ठेवावं.

दक्षिण-पश्चिम दिशा

या दिशेत खिडकी किंवा दरवाजा नको असावं. घराच्या मुख्य व्यक्तीचं खोली या दिशेने असणं शुभ मानलं जातं. नकदी ठेवण्यासाठी काउंटर किंवा मशीन या दिशेत ठेवता येऊ शकतात.

अंगण

घराला अंगण नसलं तर ते अपूर्ण मानलं जातं. घर छोटं असलं तरीही, पुढे आणि मागे अंगण असावं. अंगणात तुळशी, पपई, गोड किंवा कडवट नीम, आवळा आणि सकारात्मक ऊर्जा असलेली फुलांची झाडं लावा. त्यामुळे घरात सदैव सुख-समृद्धी राहते.

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)