IPL 2023 : क्रिकेटचा बॉल कसा बनवतात तुम्हाला माहीत्ये का ? मग हा Video बघाच…

Art of Making IPL Cricket Balls : सध्या आयपीएलचा सीझन (IPL) ऐन भरात असून सर्वजण आपापल्या टीमला सपोर्ट करताना दिसत आहेत. कोणाला धोनी आवडतो तर कोणाला कोहली. एकेका मॅचनंतर गुणांचा तक्ता खाली-वर होत असतो. कोणी किती सिक्स मारल्या आणि कोणत्या बॉलरनी किती विकेट्स घेतल्या हे क्रिकेट चाहत्यांना नक्की माहीत असतं. पण क्रिकेटची कोणतीही मॅच ज्यामुळे एवढी चुरशीची होते, तो बॉल (Ball) कसा तयार होतो हे तुम्हाला माहीत आहे का ?

नुकताच सोशल मीडियावर एका व्हिडीओ आला आहे, ज्यात क्रिकेटच्या मॅचमध्ये वापरले जाणारे हे बॉल नेमके कसे बनतात, हे सविस्तर दाखवलेले आहे. सामना खेळताना आपल्याला फक्त बॉलरच्या हातातील बॉल आणि त्यामुळे गेलेल्या विकेट्स दिसतात. एक चेंडू बाजी कशी पलटवू शकतो हे आपण पहात असतो. पण हाच बॉल तयार होण्यासाठी किती मोठी प्रक्रिया असते, त्यासाठी काय रॉ-मटेरिअल लागतं, किती वेळ लागतो, हे सर्व या व्हिडीओमध्ये दिसत आहे.

फेसबूकवर Thefoodiebae या अकाऊंटवर Art of Making International Cricket Balls हा व्हिडीओ शेअर करण्यात आला असून त्याला आत्तापर्यंत 80 हजारांहून अधिक लाईक्स आणि हजारो शेअर्स मिळाले आहेत. या व्हिडीओवर शेकडो कमेंट्स आल्या असून क्रिकेटचा बॉल बनवण्यासाठी एवढी मेहनत घ्यावी लागते, हे बहुतांश लोकांना माहीतच नव्हते.