CWG 2022 T20 Cricket : टीम इंडियासाठी आनंदाची बातमी, कोरोनातून सावरल्यानंतर एक दमदार फलंदाज संघात परतली, संघाचं बळ वाढलं
टीम इंडियाला आशा आहे की पूजा तंदुरुस्त आहे आणि लवकरच मैदानात परतण्यासाठी तयार आहे, जेणेकरून ती पुढील सामन्यात किंवा बाद फेरीत प्लेइंग इलेव्हनचा भाग होऊ शकणार आहे.
नवी दिल्ली : बर्मिंगहॅम कॉमनवेल्थ गेम्स 2022 (CWG 2022) पूर्वी भारतीय संघातील काही खेळाडूंना वेगवेगळ्या कारणांमुळे बाहेर पडावं लागलं आहे. कोरोनाचा संसर्ग हे एक कारण आहे. भारतीय महिला क्रिकेट संघाच्या (Womens Cricket Team) दोन खेळाडूंना कोरोनाची (Corona) लागण झाली होती. त्यामुळे ते संघासह बर्मिंगहॅमला जाऊ शकले नाहीत. आता टीम इंडियाला एक आनंदाची बातमी मिळाली आहे. संसर्ग झालेल्या दोनपैकी एक खेळाडू या आजारातून बरा झाला आहे. पीटीआय या वृत्तसंस्थेनुसार फलंदाज एस मेघना आता बर्मिंगहॅममध्ये संघात सामील झाली आहे. कॉमनवेल्थ गेम्समध्ये 24 वर्षांनंतर क्रिकेटचे पुनरागमन झाले असून अशा प्रकारे महिला क्रिकेटचा प्रथमच समावेश करण्यात आला आहे. यावेळी सामने टी-20 फॉरमॅटमध्ये खेळवले जातील आणि सामन्यांची सुरुवात भारतीय संघाकडून होईल. टीम इंडिया आज शुक्रवारी 29 जुलैला अ गटातील पहिल्या सामन्यात विश्वविजेत्या ऑस्ट्रेलियाशी भिडणार आहे. एस मेघना या सामन्यात खेळण्याची शक्यता कमी आहे. कारण ती सध्या संघाशी संबंधित आहे आणि अशा परिस्थितीत, तिला सामन्यात फिट होण्यासाठी आणि तयारीसाठी थोडा वेळ लागेल.
आंध्र प्रदेशची उजव्या हाताची फलंदाज मेघना संघाच्या सलामीसह पहिल्या तीन स्थानांवर फलंदाजी करते. या आक्रमक फलंदाजाने या वर्षी वनडेमध्ये पदार्पण केले. तर 2016 मध्ये टी-20 पदार्पण केल्यानंतर ती आता 6 वर्षांनंतर या फॉरमॅटमध्ये संघात परतला आहे.
पूजा वस्त्राकर सावरली नाही
मेघनाचे संघात स्थान भरण्यासाठी पुरेसे पर्याय असले तरी संघाची खरी कमतरता अष्टपैलू पूजा वस्त्राकर असेल, जी अद्याप कोरोनामधून सावरलेली नाही. पूजा वस्त्राकर गेल्या काही महिन्यांपासून प्रत्येक फॉरमॅटमध्ये संघाच्या प्लेइंग इलेव्हनचा महत्त्वाचा भाग म्हणून उदयास आली आहे. खालच्या ऑर्डरमध्ये मोठे फटके मारण्यासोबतच डाव सांभाळण्याची क्षमता तिच्याकडे आहे आणि ती तिच्या मध्यम गतीने विकेट्सही घेते.
टीम इंडियाला आशा आहे की पूजा तंदुरुस्त आहे आणि लवकरच मैदानात परतण्यासाठी तयार आहे, जेणेकरून ती पुढील सामन्यात किंवा बाद फेरीत प्लेइंग इलेव्हनचा भाग होऊ शकेल. हरमनप्रीत कौरच्या नेतृत्वाखाली भारतीय संघ ऑस्ट्रेलियानंतर पाकिस्तान आणि बार्बाडोसशी भिडणार आहे. भारत आणि पाकिस्तान यांच्यातील बहुप्रतिक्षित सामना 31 जुलै रोजी होणार आहे, त्यानंतर 1 ऑगस्ट रोजी भारत आणि बार्बाडोस यांच्यात सामना होणार आहे. टीम इंडियाला पुढील फेरी गाठण्यासाठी किमान दोन सामने जिंकावे लागतील.
