Aus vs Ind, 4th Test | चौथ्या कसोटीआधी कांगारुंना मोठा धक्का, ‘हा’ खेळाडू संघाबाहेर

चौथा कसोटी सामना 15 जानेवारीपासून ब्रिस्बेनमध्ये खेळण्यात येणार आहे.

  • टीव्ही 9 मराठी डिजीटल टीम
  • Published On - 12:01 PM, 14 Jan 2021
aus vs ind, Will Pucovski,ruled out of 4th Test, India Vs Australia
ऑस्ट्रेलियाचा युवा सलामीवीर विल पुकोव्हसकी चौथ्या कसोटीबाहेर.

ब्रिस्बेन : ऑस्ट्रेलिया विरुद्ध टीम इंडिया (Aus vs Ind, 4th Test) यांच्यात 15 जानेवारीपासून चौथा कसोटी सामना खेळण्यात येणार आहे. हा सामना ब्रिस्बेनमध्ये (Brisbane Test) खेळला जाणार आहे. या सामन्याआधी ऑस्ट्रेलियाला मोठा धक्का बसला आहे. ऑस्ट्रेलियाचा युवा सलामीवीर विल पुकोव्हसकी (Will Pucovski) चौथ्या कसोटीबाहेर झाला आहे. पुकोव्हसकीच्या जागी मार्कस हॅरिसला (Marcus Harris) संधी देण्यात आली आहे. आयीसीसीने ट्विट करत याबाबतची माहिती दिली आहे. (aus vs ind Will Pucovski has been ruled out of 4th Test)

पुकोव्हस्कीने भारताविरोधातील सिडनीतील तिसऱ्या कसोटीतून पदार्पण केलं होतं. या पदार्पणातील सामन्यात त्याने शानदार अर्धशतक झळकावलं होतं. मात्र आता पुकोव्हस्कीने बाहेर झाला आहे. यामुळे चौथ्या कसोटीत कांगारुंची सलामीला नवी जोडी दिसणार आहे.

पुकोव्हस्की फिटनेस चाचणीत अपयशी

पुकोव्हस्कीचं गुरुवारी 14 जानेवारीला फिटनेस चाचणी करण्यात आली. यामध्ये तो अपयशी ठरला. पुकोव्हस्कीला खांद्यात दुखापत झाली आहे. पुकोव्हस्कीला ही दुखापत सिडनी कसोटीत झाली होती. या दुखापतीमुळे मार्कस हॅरिसला संधी मिळाली आहे. डेव्हिड वॉर्नर आणि मार्कस हॅरिस ही जोडी चौथ्या कसोटीत सलामीला येण्याची शक्यता आहे.

मोठ्या काळानंतर संधी

मार्कस हॅरिसला वर्षभराच्या अतंराने संघात संधी देण्यात आली आहे. हॅरिस 2019 पासून कसोटी खेळला नाही. मार्कस हॅरिसला एशेस मालिके कॅमरुन बॅनक्राफ्टच्या जागी संधी देण्यात आली होती. यामध्ये त्याने 6 डावांमध्ये 58 धावा केल्या होत्या. मार्कसची भारताविरोधातील कसोटी मालिकेसाठी निवड करण्यात आली नव्हती. मात्र पुकोव्हसकी आणि वॉर्नरच्या दुखापतीनंतर अॅडिलेड आणि मेलबर्न कसोटीसाठी मार्कसला संघात समाविष्ट करण्यात आलं. त्यानंतर दुसऱ्या कसोटीच जो बर्न्सला दुखापत झाली. यामुळे मार्कसला संपूर्ण मालिकेत संधी मिळाली.

मालिका 1-1 ने बरोबरीत

बॉर्डर-गावसकर मालिका 1-1 ने बरोबरीत आहे. ऑस्ट्रेलियाने आणि टीम इंडियाने अनुक्रमे पहिला आणि दुसरा कसोटी सामना जिंकला आहे. तर तिसरा सामना हा अनिर्णित राहिला. त्यामुळे 4 सामन्यांच्या मालिकेत 1-1 अशी स्थिती आहे. यामुळे चौथा कसोटी सामना हा चुरशीचा होणार आहे. हा तिसरा सामना 15 जानेवारीपासून ब्रिस्बेनमध्ये खेळला जाणार आहे.

संबंधित बातम्या :

Hanuma Vihari | हनुमा विहारीचे भाजप खासदाराला सणसणीत प्रत्युत्तर, म्हणाला…

(aus vs ind Will Pucovski has been ruled out of 4th Test)