Ireland vs India | आयर्लंड दौऱ्यासाठी टीम इंडियाची घोषणा, या खेळाडूला कॅप्टन्सीची लॉटरी
Irealand vs Team india t20i series : टीम इंडिया ऑगस्ट महिन्यात आयर्लंड दौऱ्यावर जाणार आहे. या दौऱ्यात आयर्लंड विरुद्ध टी 20 मालिका खेळणार आहे.
मुंबई | टीम इंडिया सध्या वेस्ट इंडिज दौऱ्यावर आहे. या दौऱ्यानंतर टीम इंडिया आयर्लंड दौऱ्यावर जाणार आहे. या दौऱ्यात टीम इंडिया आयर्लंड विरुद्ध 3 सामन्यांची टी 20 मालिका खेळणार आहे. या टी 20 मालिकेसाठी बीसीसीआयने 15 सदस्यीय भारतीय संघाची घोषणा केली आहे. बीसीसीआयने ट्विट करत याबाबतची माहिती दिली आहे.
जसप्रीत बुमराह याच्याकडे कॅप्टन्सी
बीसीसीआयने जसप्रीत बुमराह याला 3 सामन्यांच्या मालिकेसाठी कर्णधारपद दिलं आहे. या मालिकेतून बुमराहने अखेर एन्ट्री केली आहे. त्यामुळे क्रिकेट चाहत्यांमध्ये आनंदाचं वातावरण पाहायला मिळत आहे. तर मराठमोळ्या ऋतुराज गायकवाड याला प्रमोशन देण्यात आलंय. ऋतुराज गायकवाड याला उपकर्णधारपदाची जबाबदारी देण्यात आली आहे.
जसप्रीत बुमराह याचं कमबॅक
टीम इंडियाला आयर्लंड दौऱ्यानिमित्ताने अतिशय गोड बातमी मिळाली आहे. बुमराहने पाठीच्या दुखापतीनंतर तब्बल 10 महिन्यांनी टीममध्ये कमबॅक केलंय. बुमराहने अखेरचा आंतरराष्ट्रीय सामना हा 25 सप्टेंबर 2022 रोजी खेळला होता. तेव्हापासून बुमराहला दुखापतीमुळे आशिया कप, ऑस्ट्रेलिया, श्रीलंका विरुद्धच्या मालिकांना मुकावं लागलं होतं. तसेच आयपीएल 16 व्या मोसमातही बुमराहला सहभागी होता आलं नव्हतं. मात्र आता बुमराह पूर्णपणे फीट झालाय. त्यासह बुमराहने एन्ट्रीही केली.
वरिष्ठांना आराम युवांना संधी
दरम्यान बीसीसीआयने या मालिकेत रोहित शर्मा, विराट कोहली, हार्दिक पंड्या, सूर्यकुमार यादव, ईशान किशन या खेळाडूंना विश्रांती देण्यात आली आहे. तर युवा खेळाडूंना संधी देण्यात आली आहे. रिंकू सिंह याला संधी दिली गेली आहे. तसेच दुखापतीनंतर बुमराहसह प्रसिद्ध कृष्णा याचं पुनरागमन झालंय. र शिवम दुबे, वॉशिंग्टन सुंदर, शाहबाद अहमद, आवेश खान यांचा अनेक महिन्यांनी समावेश करण्यात आला आहे.
आयर्लंड दौऱ्यासाठी टीम इंडिया | जस्प्रीत बुमराह (कॅप्टन), ऋतुराज गायकवाड (व्हीसी), यशस्वी जयस्वाल, तिलक वर्मा, रिंकू सिंग, संजू सॅमसन (विकेटकीपर), जितेश शर्मा (विकेटकीपर), शिवम दुबे, वॉशिंग्टन सुंदर, शाहबाज अहमद, रवी बिश्नोई, प्रसिद्ध कृष्णा, अर्शदीप सिंग , मुकेश कुमार आणि आवेश खान.
टीम इंडियात जसप्रीत बुमराह याची एन्ट्री
NEWS ?- @Jaspritbumrah93 to lead #TeamIndia for Ireland T20Is.
Team – Jasprit Bumrah (Capt), Ruturaj Gaikwad (vc), Yashasvi Jaiswal, Tilak Varma, Rinku Singh, Sanju Samson (wk), Jitesh Sharma (wk), Shivam Dube, W Sundar, Shahbaz Ahmed, Ravi Bishnoi, Prasidh Krishna, Arshdeep…
— BCCI (@BCCI) July 31, 2023
आयर्लंड विरुद्ध टीम इंडिया टी 20 मालिकेचं वेळापत्रक
आयर्लंड विरुद्ध टीम इंडिया, पहिला सामना, 18 ऑगस्ट.
आयर्लंड विरुद्ध टीम इंडिया, दुसरा सामना, 20 ऑगस्ट.
आयर्लंड विरुद्ध टीम इंडिया, तिसरा सामना, 23 ऑगस्ट.
