Team India : टीम इंडियात अचानक वर्ल्ड कप विजेत्या फलंदाजाचा समावेश, बीसीसीआयची घोषणा

Bcci

Image Credit source: Bcci

मेन्स टीम इंडिया मायदेशात सूर्यकुमार यादव याच्या नेतृत्वात आयसीसी टी 20I वर्ल्ड कप 2026 स्पर्धेत खेळत आहे. टीम इंडियाने यूएसए, नामिबिया आणि त्यानंतर पाकिस्तानला पराभूत करत सलग तिसरा विजय मिळवला. भारताने साखळी फेरीतील तिसऱ्या विजयासह सुपर 8 फेरीत प्रवेश केला. एका बाजूला टीम इंडिया वर्ल्ड कप स्पर्धेत खेळत आहे. तर दुसऱ्या बाजूला टीम इंडियाची महिला ब्रिगेड ऑस्ट्रेलिया दौऱ्यावर आहे. टीम इंडिया ऑस्ट्रेलिया विरूद्धच्या 3 सामन्यांच्या टी 20I मालिकेत 1-0 ने आघाडीवर आहे. तर दुसरा सामना हा 19 फेब्रुवारीला होणार आहे.

टीम इंडिया ऑस्ट्रेलिया विरुद्ध टी 20I नंतर 3 सामन्यांची एकदिवसीय मालिका खेळणार आहे. त्यानंतर उभयसंघात एकमेव कसोटी सामन्याचा थरार रंगणार आहे. त्याआधी मोठी अपडेट समोर आली आहे. टीम इंडियात वर्ल्ड कप विनर ओपनर बॅट्समन प्रतिका रावल हीची एन्ट्री झाली आहे. प्रतिकाचा ऑस्ट्रेलिया विरूद्धच्या एकदिवसीय मालिकेसाठी संघात समावेश करण्यात आला आहे. बीसीसीआयने याबाबतची माहिती दिली आहे.

प्रतिकाच्या समावेशामुळे टीम इंडियाची ताकद आणखी वाढली आहे. उभयसंघात 24 फेब्रुवारी ते 1 मार्च दरम्यान एकदिवसीय मालिका होणार आहे. प्रतिकाने भारताला आयसीसी वनडे वर्ल्ड कप 2025 ट्रॉफी जिंकून देण्यात प्रमुख भूमिका बजावली होती. मात्र प्रतिकाला दुखापतीमुळे उपांत्य फेरीआधी वर्ल्ड कप स्पर्धेतून बाहेर व्हावं लागलं होतं.

प्रतिकाला वर्ल्ड कप स्पर्धेदरम्यान ऑक्टोबरमध्ये घोट्याला झालेल्या दुखापतीमुळे उर्वरित सामन्यांना मुकावं लागलं होतं. त्यानंतर प्रतिकाच्या जागी लेडी सेहवाग अर्थात शफाली वर्मा हीचा समावेश करण्यात आला होता. शफालीने या संधीचा फायदा घेत भारतासाठी प्रमुख भूमिका बजावली.

प्रतिकाची दुखापतीवर मात

प्रतिका या घोट्याच्या दुखापतीनंतर बंगळुरुतील सीओईमध्ये रिहॅब करत होती. प्रतिकाने अखेर या दुखापतीवर यशस्वीरित्या मात केली. त्यानंतर सीओईकडून प्रतिका फिट असल्याचं जाहीर करण्यात आलं. बीसीसीआयने प्रसिद्धीपत्रकाद्वारे याबाबत माहिती दिली आहे.

प्रतिका रावलंच भारतीय संघात कमबॅक

भारत-ऑस्ट्रेलिया एकदिवसीय मालिकेचं वेळापत्रक

पहिला सामना, 24 फेब्रुवारी, ब्रिस्बेन

दुसरा सामना, 27 फेब्रुवारी, होबार्ट

तिसरा सामना, 1 मार्च, होबार्ट

ऑस्ट्रेलिया विरूद्धच्या एकदिवसीय मालिकेसाठी सुधारित भारतीय महिला संघ : हरमनप्रीत कौर (कर्णधार), स्मृती मंधाना (उपकर्णधार), शफाली वर्मा, रेणुका ठाकूर, श्री चरणी, वैष्णवी शर्मा, क्रांती गौड, स्नेह राणा, दीप्ती शर्मा, ऋचा घोष (विकेटकीपर), उमा चेत्री (विकेटकीपर), काश्वी गौतम, अमनजोत कौर, जेमिमाह रॉड्रिग्स, हरलीन देओल आणि प्रतिका रावल.