Ranji Trophy: बिहारच्या 22 वर्षाच्या मुलाची डेब्यू मॅचमध्येच ट्रिपल सेंच्युरी, रचला नवीन वर्ल्ड रेकॉर्ड
रणजी करंडक (Ranji Trophy) क्रिकेट स्पर्धेत बिहारच्या (Bihar) 22 वर्षाच्या मुलाने नवीन विक्रम रचला आहे. साकिबुल गानी (Sakibul Gani) असं या क्रिकेटपटूचं नाव आहे.
नवी दिल्ली: रणजी करंडक (Ranji Trophy) क्रिकेट स्पर्धेत बिहारच्या (Bihar) 22 वर्षाच्या मुलाने नवीन विक्रम रचला आहे. साकिबुल गानी (Sakibul Gani) असं या क्रिकेटपटूचं नाव आहे. त्याने आपल्या फर्स्ट क्लास क्रिकेट करीयरची शानदार सुरुवात केली आहे. बिहारच्या साकिबुलने जो कारनामा केलाय, तो आजपर्यंत दुसऱ्या कुठल्याही खेळाडूला जमलेला नाही. साकिबुलने इतिहास रचला आहे. रणजी ट्रॉफीच नाही, तर जगातील कुठल्याही फर्स्ट क्लास क्रिकेट स्पर्धेत पदार्पण करणाऱ्या क्रिकेटपटूला अशी कामगिरी करता आलेली नाही. फर्स्ट क्लासमध्ये त्रिशतकी खेळी अनेक क्रिकेटपटूंनी केली आहे. पण डेब्यु सामन्यातच त्रिशतक झळकवणारा बिहारचा साकिबुल पहिला फलंदाज आहे. साकिबुल गानी रणजी करंडक स्पर्धेत डेब्यु मॅचमध्येच सर्वाधिक धावा करणारा पहिला फलंदाज बनला आहे. साकिबुलने 387 चेंडूमध्ये त्रिशतक झळकावल. यामध्ये त्याने 50 चौकार लगावले.
साकिबुल गानीच्या आधी फर्स्ट क्लास क्रिकेटमध्ये डेब्यूमध्ये सर्वाधिक धावा करण्याचा वर्ल्ड रेकॉर्ड मध्य प्रदेशच्या अजय रोहेरा याच्या नावावर होता. अजयने 2018-19 रणजी सीजनमध्ये हैदराबाद विरुद्धच्या सामन्यात हा कारनामा केला होता. अजय रोहेराने त्यावेळी 267 धावा केल्या होत्या. बिहारचा साकिबुल तो रेकॉर्ड मोडून खूप पुढे निघून गेला आहे.
रणजी डेब्युमध्ये साकिबुलचा वर्ल्ड रेकॉर्ड
मिजोरम विरुद्धच्या रणजी सामन्यात बिहारने फार चांगली सुरुवात केली नव्हती. 71 धावात त्यांचे तीन फलंदाज तंबूत परतले होते. पण त्यानंतर जे घडलं, त्याने इतिहास रचला. साकिबुल गानी आणि बाबुल कुमारने मिजोरमची गोलंदाजी अक्षरक्ष: फोडून काढली. साकिबुलने जबरदस्त त्रिशतकी खेळी केली व एक नवीन वर्ल्डरेकॉर्ड आपल्या नावावर केला.
History by 22 year old Sakibul Gani in Ranji Trophy for Bihar. He becomes the first ever to score a 300 on First Class debut and he reached that in 387 balls with 50 fours.
— Mufaddal Vohra (@mufaddal_vohra) February 18, 2022
Sakibul Gani from Bihar became the first player to score a triple hundred on 1st class debut ?
— Broken Cricket (@BrokenCricket) February 18, 2022
वर्ल्ड रेकॉर्ड रचणाऱ्या साकिबुलने केल्या 341 धावा
साकिबुल गानीने एकूण 341 धावा केल्या. त्यासाठी त्याने 405 चेंडूंचा सामना केला. त्याने या खेळीत 56 चौकार आणि दोन षटकार लगावले. त्याला बाबुल कुमारची साथ मिळाली. चौथ्या विकेटसाठी मिळून दोघांनी 756 चेंडूत 538 धावा केल्या.
bihar cricketer sakibul gani hit triple century on ranji trophy debut against mizoram
