कर्णधार महेंद्रसिंग धोनी आठ चेंडूत 21 धावा करून नाबाद राहिला. धोनीने आपल्या खेळीत एक चौकार आणि दोन षटकार मारले.
कॉनवेचं अर्धशतक
Image Credit source: twitter
Follow us on
मुंबई : आयपीएलच्या (IPL 2022) पंधराव्या सीजनमध्ये आज 55 वा सामना दिल्ली कॅपिटल्स (DC) आणि चेन्नई सुपर किंग्ज (CSK) यांच्यात डी. वाय. पाटील स्टेडियमवर खेळला जात आहे. दिल्लीचा कर्णधार ऋषभ पंतनं नाणेफेक जिंकून प्रथम गोलंदाजी करण्याचा निर्णय घेतला आहे. यानंतर पहिले फलंदाजी करताना सीएसकेच्या ऋतुराज गायकवाडने 41 धावा आणि डेव्हॉन कॉनवेनं 87 धावा करत 110 धावांची भागीदारी करून चेन्नईला झंझावाती सुरुवात करून दिली. यानंतर दुबेनं 32 धावांची शानदार खेळी खेळली. शेवटी CSK अडखळला, ज्यामुळे संघ केवळ 208 धावांपर्यंत पोहोचू शकला. धोनीने 8 चेंडूत 21 धावांची नाबाद खेळी खेळली. दिल्लीकडून नोरखियाने तीन तर खलील अहमदने दोन गडी बाद केले. चेन्नईने या मोसमात चौथ्यांदा 200 धावांचा टप्पा ओलांडला आहे. चेन्नईनं 20 षटकांत 6 गडी गमावून 208 धावा केल्या असून दिल्लीसमोर 209 धावांचं लक्ष्य ठेवलंय.
पहिली इनिंग, दिल्लीला 209 धावांचं लक्ष्य
Devon Conway is our Top Performer from the first innings for his excellent knock of 87 off 49 deliveries.
पॉवरप्लेच्या सहा षटकांच्या समाप्तीनंतर चेन्नई सुपर किंग्जने एकही विकेट न गमावता 57 धावा केल्या आहेत. सध्या ऋतुराज 18 चेंडूत 24 आणि डेव्हन कॉनवे 19 चेंडूत 29 धावांवर फलंदाजी करत आहेत. दोघांमधील ही सलग तिसरी 50 हून अधिक धावांची भागीदारी आहे.
That’s the end of the powerplay and #CSK have got off to a flying start with 57/0 on the board.
11व्या षटकात एनरिक नॉर्टजेनं चेन्नईला पहिला धक्का दिला. त्यानं ओव्हरच्या शेवटच्या चेंडूवर ऋतुराज गायकवाडला पॅव्हेलियनमध्ये पाठवले. ऋतुराजचे अर्धशतक हुकले. तो 33 चेंडूत 41 धावा करून बाद झाला. ऋतुराजने आपल्या खेळीत चार चौकार आणि एक षटकार लगावला. नॉर्टजेने ताशी 152 किमी वेगाने छोटा चेंडू टाकला. त्यावर ब्रिज टाकण्याच्या प्रयत्नात ऋतुराजने विकेट गमावली.
डेव्हॉन कॉनवेनं आयपीएल कारकिर्दीतील तिसरं अर्धशतक झळकावलंय. त्याचे हे सलग तिसरे अर्धशतक आहे. यापूर्वी त्याने हैदराबाद आणि बंगळुरूविरुद्धही अर्धशतके झळकावली होती. दुसरीकडे, चायनामन गोलंदाज कुलदीप यादवसाठी हा सामना आतापर्यंत काही खास ठरला नाही. त्याने दोन षटकात 34 धावा दिल्या आहेत. या दोन्ही षटकात कॉनवेने त्याला फटकेबाजी केली. कुलदीप डावातील आठवे षटक टाकण्यासाठी आला आणि त्याने या षटकात 18 धावा दिल्या. कॉनवेने शेवटच्या तीन चेंडूत दोन षटकार आणि एक चौकार लगावला. त्याचवेळी कुलदीपच्या 10व्या षटकात 16 धावा आल्या. या षटकातील शेवटच्या तीन चेंडूंवर कॉनवेने सलग तीन चौकार मारले.
चेन्नई सुपर किंग्जला दुसरा धक्का 17व्या षटकात 169 धावांवर बसला. खलील अहमदने डेव्हन कॉनवेला यष्टिरक्षक पंतकरवी झेलबाद केलं. कॉनवे शतक हुकलं. तो 49 चेंडूत 87 धावा करून बाद झाला. कॉनवेनं आपल्या खेळीत सात चौकार आणि पाच षटकार मारले. त्याने शिवम दुबेसोबत दुसऱ्या विकेटसाठी 33 चेंडूत 59 धावांची भागीदारी केली.
