VIDEO : चेतेश्वर पुजारा… नाम तो सुना ही होगा, चेतेश्वरच्या खेळीनं प्रतिस्पर्धीला धडकी, शतक अन् धावांचा पाऊस, पुजाराच्या खेळीची चर्चाच चर्चा

नवी दिल्ली : चेतेश्वर पुजारा (Cheteshwar Pujara) इंग्लंडच्या रॉयल वन डे चषकात (Royal London One-Day Cup) चांगलाच चर्चेत आला आहे. त्याची खेळीची चर्चा होत आहे. काय ती तुफान खेळी, तो वेग आणि त्याचं शतक, हे सर्व क्रिकेटप्रेमींना भुरळ घालत आहे. कसोटी स्पेशालिस्ट फलंदाज म्हणून ओळखला जाणारा पुजारा 50 षटकांच्या फॉरमॅटमध्ये टी-20 (T-20) शैलीत फलंदाजी करत आहे. त्यानं इंग्लंडच्या रॉयल वन डे चषकात सलग दुसरे शतक झळकावलं. ससेक्सकडून खेळताना त्यानं 131 चेंडूत 174 धावा केल्या होत्या. पुजारानं या खेळीत 20 चौकार आणि 2 षटकार मारले. पुजार्‍याचे हे रूप क्वचितच पाहायला मिळते. त्याचा स्ट्राईक रेट 132 होता. यासह पुजारानं वयाच्या 34 व्या वर्षी 50 षटकांच्या फॉर्मेटमध्ये कारकिर्दीतील सर्वात मोठी खेळी खेळली आहे. यापूर्वी त्याची सर्वोत्तम धावसंख्या ही नाबाद 158 होती.

चेतेश्वरचा हा व्हिडीओ पाहा

Back to back centuries for @cheteshwar1. ? ? pic.twitter.com/9F7bMlvvkF

— Sussex Cricket (@SussexCCC) August 14, 2022

शतकी खेळी

चेतेश्वर पुजाराच्या शतकी खेळीमुळे ससेक्सने 50 षटकांत 6 गडी गमावून 378 धावा केल्या. त्याच्याशिवाय तिसऱ्या क्रमांकावर आलेल्या टॉम क्लार्कने 104 धावांची खेळी केली. पुजारा ससेक्सचा कर्णधारही आहे. याआधी त्याने वॉर्विकशायरविरुद्ध 107 धावांची खेळी करत आक्रमक शतक झळकावले होते.

हायलाईट्स

1. पुजारा 50 षटकांच्या फॉरमॅटमध्ये टी-20 शैलीत फलंदाजी करतोय
2. इंग्लंडच्या रॉयल वन डे चषकात सलग दुसरे शतक झळकावलं
3. ससेक्सकडून खेळताना त्यानं 131 चेंडूत 174 धावा केल्या होत्या
4. पुजारानं या खेळीत 20 चौकार आणि 2 षटकार मारले
5. पुजारानं वयाच्या 34 व्या वर्षी 50 षटकांच्या फॉर्मेटमध्ये कारकिर्दीतील सर्वात मोठी खेळी खेळली

2014 पासून भारताकडून खेळलेला नाही

चेतेश्वर पुजारा 2014 पासून वनडे फॉरमॅटमध्ये भारताकडून खेळलेला नाही. मात्र, तो भारतीय कसोटी संघाचा नियमित सदस्य आहे. पुजाराने भारतासाठी 96 कसोटी सामन्यांमध्ये 44 च्या सरासरीने 6792 धावा केल्या आहेत. त्याने कसोटी क्रिकेटमध्ये 18 शतके आणि 33 अर्धशतके केली आहेत. त्याच वेळी, प्रथम श्रेणी क्रिकेटमध्ये त्याची सरासरी 52 पर्यंत वाढते. पुजारावर त्याच्या संथ फलंदाजीसाठी अनेकदा टीका केली जाते. त्यामुळे त्याला आयपीएलमध्ये जास्त संधी मिळाल्या नाहीत.

सर्व फॉरमॅटमधील सर्वोत्कृष्ट लिस्ट

पुजाराला भारतासाठी एकही T20 आंतरराष्ट्रीय संधी मिळाली नाही आणि तो फक्त 5 एकदिवसीय सामने खेळू शकला. तथापि, यादी A मध्ये त्याची सरासरी म्हणजे 50 ओव्हर फॉरमॅट 54 पेक्षा जास्त आहे. त्याने 107 सामन्यात 12 शतके आणि 30 अर्धशतकांच्या मदतीने 4638 धावा केल्या आहेत. तो 20 वेळा नाबाद राहिला आहे आणि प्रत्येक तिसऱ्या डावात 50 पेक्षा जास्त धावा करतो.