CSK vs RR: चेन्नई सुपर किंग्सच्या खेळाडूने केली मोठी चूक, ऋतुराज गायकवाडने सामना सुरु असताना केलं बाहेर
आयपीएल 2024 स्पर्धेत चेन्नई सुपर किंग्सने राजस्थान रॉयल्सला पराभवाची धूळ चारली. या सामन्यातील विजयासह 14 गुणांसह तिसऱ्या स्थानी झेप घेतली आहे. हा सामना राजस्थान रॉयल्ससाठी खूपच महत्त्वाचा होता. या सामन्यात एक चूक चांगलीच महागात पडली असती. याचा अंदाज ऋतुराज गायकवाडला होता.
आयपीएल 2024 स्पर्धेत चेन्नई सुपर किंग्सला दोन्ही सामने जिंकणं महत्तवाच होतं. आता राजस्थानला पराभूत करण्यात यश आलं आहे. आता उर्वरित एका सामन्यात विजय मिळवत प्लेऑफमध्ये स्थान मिळणार आहे. राजस्थान रॉयल्स विरुद्धचा सामना किती महत्त्वाचा होता हे अधोरेखित होतं. राजस्थान विरुद्धचा सामना गमावला असता तर स्पर्धेतून आव्हान संपुष्टात येऊ शकलं असतं. गोलंदाजांची उणीव चेन्नई सुपर किंग्सला प्रकर्षांने भासत आहे. मतीशा पथिराना बाहेर असल्याने महीश तीक्षणाला महत्त्वाच्या सामन्यात संधी दिली गेली. तीक्षणाकडून संघाला बऱ्याच अपेक्षा होत्या. पथिरानासारखी गोलंदाजी आणि फिल्डिंग करेल अशी आला होती. तीक्षणाने गोलंदाजी तर चांगली केली. पण फिल्डिंगमध्ये एक चूक करून बसला. तीक्षणाने महत्त्वाच्या सामन्यात फॉर्मात असलेल्या फलंदाजाचा कॅच सोडला. प्रथम फलंदाजी करत असलेल्या राजस्थानच्या संघाने 8 षटकात 49 धावा केल्या होत्या. संजू सॅमसन आणि रियान पराग डाव सावरून खेळत होते.
रवींद्र जडेजाकडे 12वं षटक सोपवलं होतं. या षटकात रियान परागने उत्तुंग फटका मारला. मात्र जडेजाच्या फिरकीच्या जाळ्यात अडकला. सीमारेषेवर उभ्या असलेल्या तीक्षणाच्या हाती सोपा झेलो होता. मात्र त्याला हा झेल पकडण्यात अपयश आलं. त्याने हा झेल पकडण्याचा दोन तीन वेळा प्रयत्न केला. पण त्याला काही यश आलं नाही. त्यानंतर त्याच्या षटकांचा कोटा जसा पूर्ण झाला. तसं कर्णधार ऋतुराज गायकवाडने त्याला बाहेर केलं आणि समीर रिझवी फिल्डिंगसाठी बोलवलं.
Maheesh Theekshana drops Riyan Parag 😬 pic.twitter.com/pIYOzmyWcz
— CricketGully (@thecricketgully) May 12, 2024
महीश तीक्षणा आधीपासूनच सीमेवर झेल सोडण्यात प्रसिद्ध आहे. त्याने हा झेल सोडल्यानंतर चेन्नईच्या फॅन्सनी आपला राग सोशल मीडियावर व्यक्त करण्यास सुरुवात केली. तीक्षणाचं संघात असणं अनेकाना रुचलं नाही. तर काही जणांनी संघात त्याला जागाच द्यायला नको होती असा सूर आळवला आहे.
I'm sorry, but if Theekshana drops a catch on the boundary line, it's not Theekshana's fault. It's the fault of the captain who placed him there. pic.twitter.com/Cu0FSgQTPK
— Simp (@SimpTaangaran) May 12, 2024
तीक्षणाने रियान परागचा झेल सोडला तेव्हा राजस्थानचा संघ 67 धावांवर होता. रियान पराग 15 धावांवर खेळत होता. त्यानंतर संजू सॅमसन बाद झाला. संथ खेळपट्टीवरही रियान पराग तग धरून राहिला. त्याने 35 चेंडूत 47 धावा केल्या. तसेच राजस्थानला 20 षटकात 141 धावा करता आल्या. तीक्षणाने या सामन्यात 4 षटकं टाकली आणि 28 धावा केल्या. तसेच एकही विकेट घेता आली नाही.
