MI vs CSK IPL 2022: आधी Bravo ने पोलार्डच्या दिशेने जोरात बॉल फेकला, नंतर दिली KISS पहा VIDEO
MI vs CSK IPL 2022: इंडियन प्रीमियर लीग स्पर्धेत चेन्नई सुपर किंग्स आणि मुंबई इंडियन्सचे संघ (MI vs CSK) आमने-सामने येतात, तेव्हा वातावरण तापवणारे, मैदानात संघर्षाचे काही किस्से घडतात.
मुंबई: इंडियन प्रीमियर लीग स्पर्धेत चेन्नई सुपर किंग्स आणि मुंबई इंडियन्सचे संघ (MI vs CSK) आमने-सामने येतात, तेव्हा वातावरण तापवणारे, मैदानात संघर्षाचे काही किस्से घडतात. आजचा डी.वाय.पाटील स्टेडियमवर सुरु असलेला मुंबई इंडियन्स आणि चेन्नई सुपर किंग्समधला सामनाही याला अपवाद नाहीय. आजच्या सामन्यातही कायरन पोलार्ड (Kieron Pollard) आणि ड्वेयन ब्राव्होमध्ये (Dwayne Bravo) असाच एक संघर्षाचा प्रसंग पहायला मिळाला. दोघेही वेस्ट इंडिजचे खेळाडू आहेत. पोलार्ड मुंबई इंडियन्स तर ब्राव्हो चेन्नई सुपर किंग्सकडून खेळतो. चेन्नईने नाणेफेक जिंकून आज प्रथम गोलंदाजी करण्याचा निर्णय घेतला. कॅप्टन रवींद्र जाडेजाचा निर्णय गोलंदाजांनी सार्थ ठरवला. मुकेश चौधरीने आज जबरदस्त स्पेल टाकला. त्याने पहिल्या तीन षटकात 19 धावा देत तीन विकेट घेतल्या व मुंबई इंडियन्सला बॅकफूटवर ढकललं. रोहित शर्मा, इशान किशन आणि डेवाल्ड ब्रेविस हे स्वस्तात बाद झाले.
ब्राव्होची Action त्यावर पोलार्डची अजब Reaction
कायरन पोलार्ड आज फलंदाजीला आला तेव्हा मुंबईचा डाव अडचणीत होता. पोलार्ड मैदानात आल्यानंतर त्याच्या चौकार-षटकारांबरोबर काही विशेष Actions ची नेहमीच चर्चा होते. आजही तसंच झालं. पोलार्ड फलंदाजी करत असताना समोर ब्राव्हो गोलंदाजी करत होता. ब्राव्होच्या चेंडूला आदर देत पोलार्डने डिफेन्स केला. चेंडू ब्राव्होच्या हातात गेल्यानंतर त्याने तो समोर असलेल्या पोलार्डच्या दिशेने फेकला. पोलार्डला तो बॉल लागला नाही. पण त्यानंतर पोलार्डने ब्राव्होच्या डोक्यावर किस देऊन त्याला परत पाठवलं. ब्राव्होची Action त्यावर पोलार्डच्या अजब Reaction चा व्हिडिओ आता व्हायरल झालाय.
— Peep (@Peep_at_me) April 21, 2022
तिलक वर्माची उत्तम फलंदाजी
मुंबईने प्रथम फलंदाजी करताना निर्धारित 20 ओव्हर्समध्ये सात बाद 155 धावा केल्या. पोलार्डने या सामन्यात 9 चेंडूत 14 धावा केल्या. यात एक चौकार आणि एक षटकार आहे. माहीश तीक्ष्णाच्या गोलंदाजीवर शिवम दुबेकडे त्याने झेल दिला. मुंबईकडून तिलक वर्माने सर्वाधिक नाबाद 51 धावांची खेळी केली. त्यामुळे मुंबई इंडियन्सला 150 धावांचा टप्पा ओलांडता आला. मुंबई इंडियन्सला प्लेऑफचं आव्हान जिवंत ठेवण्यासाठी आजच्या सामन्यात विजय आवश्यक आहे.
