IND vs NZ: न्यूझीलंडचा शेवटचा फलंदाज डोकेदुखी ठरला; गुरनूर ब्रारने ‘लढाई’च्या डावपेचाने काटा काढला; काय घडलं? पाहा व्हिडिओ
India vs New Zealand ODI: न्यूझीलंडचा शेवटचा फलंदाज हार मानायला तयार नव्हता. पण गुरनूर ब्रारने वेगळीच खेळी करत डावपेचाने काटा काढल्याचे पाहायला मिळाले.
टीम इंडियाने न्यूझीलंडविरुद्धचा पहिला एकदिवसीय सामना डकवर्थ-लुईस-स्टर्न पद्धतीने 5 गडी राखून जिंकला आहे. ऑकलंडमधील ईडन पार्क येथे खेळला गेलेला हा सामना पावसामुळे अनेक वेळा थांबवण्यात आला होता. यामुळे टीम इंडियाला डकवर्थ-लुईस-स्टर्न पद्धतीनुसार सुधारित लक्ष्य देण्यात आले. लक्ष्याचा पाठलाग करताना विराट कोहलीने 51 चेंडूंत 13 चौकार आणि 1 षटकारासह 74 धावा करून टीम इंडियासाठी सर्वाधिक धावा केल्या आहेत. मात्र याआधी न्यूझीलंडची फलंदाजी सुरू असताना गुरनूर ब्रार जे केलं ते पाहून सर्वच थक्क झाले आहेत. त्याचा व्हिडिओ सोशल मीडियावर व्हायरल होत आहे.
ऑकलंड एकदिवसीय सामन्यात टीम इंडियाने न्यूझीलंडला 146 धावांवर 9 विकेट घेतल्या होत्या. मात्र त्यानंतर क्रीजवर आलेला पुढचा फलंदाज 11 व्या क्रमांकाचा फलंदाज ब्लेअर टिकनर होता. ज्याने आपला साथीदार जेकब डफीसोबत मिळून टीम इंडियासाठी डोकेदुखी निर्माण केली. टिकनरने केवळ डफीसोबत भागीदारीच केली नाही, तर शेवटच्या षटकात अर्शदीप सिंगच्या गोलंदाजीलाही त्रास दिला. टिकनरने अर्शदीपच्या शेवटच्या षटकात तीन षटकारांसह 23 धावा केल्या.
मात्र जेव्हा गुरनूर ब्रार आक्रमणासाठी आला, तेव्हा त्याने झुंजार रणनीती अवलंबली आणि त्याला आपले लक्ष्य बनवले. न्यूझीलंडच्या डावाच्या 41 व्या षटकात गुरनूर ब्रार आणि ब्लेअर टिकनर यांच्यात शाब्दिक चकमक झाली. आता प्रश्न असा आहे की, नक्की काय घडले? आधी बाचाबाची झाली, त्यानंतर गुरनूरने विकेट घेतली.
41 व्या षटकातील गुरनूर ब्रारचा पहिल्याच चेंडू ब्लेअर टिकनरला खेळता नाही आला. त्यानंतर भारतीय वेगवान गोलंदाज गुरनूर ब्रारने टिकनरला मोठे फटके मारण्यास सांगितले. प्रत्येक कृतीतून प्रतिक्रिया उमटतेच आणि टिकनरने तशीच प्रतिक्रिया दिली. पुढच्या चेंडूवर मोठा फटका मारण्याचा प्रयत्न केला मात्र गुरनूरने टिकनरची विकेट घेतली. ब्लेअर टिकनर 11 व्या क्रमांकावर फलंदाजीला आला. बाद होण्यापूर्वी त्याने 23 चेंडूंमध्ये 34 धावा केल्या. या खेळीदरम्यान त्याने जेकब डफीसोबत शेवटच्या विकेटसाठी 39 धावांची भागीदारी केली. या भागीदारीमुळे न्यूझीलंडला 146/9 वरून 185/10 पर्यंत मजल मारण्यास मदत झाली.
