रिंकु सिंहच्या वडीलांच्या अंत्यसंस्काराला मोठी गर्दी, कोहलीसह इतर क्रिकेटपटूंनी व्यक्त केल्या संवेदना
टी20 वर्ल्डकप 2026 स्पर्धा सुरू असताना रिंकु सिंहवर दु:खाचा डोंगर कोसळला. त्याच्या वडिलांचे 27 फेब्रुवारीला सकाळी निधन झालं. त्यानंतर रिंकु सराव सोडून चेन्नईहून थेट अलिगढला आला.
टीम इंडियाचा स्टार फलंदाज आणि फिनिशर रिंकु सिंहच्या कुटुंबात दु:खद घटना घडली. रिंकु सिंहच्या वडिलांचं आजारपणात निधन झालं. गेल्या काही दिवसांपासून त्यांच्यावर रुग्णालयात उपचार सुरू होते. त्यांना यकृताचा कर्करोग झाला होता. त्यामुळे रिंकु मध्यंतरी घरी परतला होता. पण त्यांची प्रकृतीत सुधारणा झाल्याचं पाहून पुन्हा एकदा संघासोबत रूजू झाला. झिम्बाब्वेविरुद्धच्या सामन्यापूर्वी संघासोबत आला होता. रिंकुला या सामन्यात खेळण्याची संधी मिळाली नाही. पण क्षेत्ररक्षण करत होता. 27 फेब्रुवारी 2026 सकाळी त्याच्या वडिलांचं निधन झालं. त्यानंतर चेन्नईत सराव शिबिरात असलेल्या रिंकु सिंहने थेट घर गाठलं. तसेच वडिलांच्या अंत्यसंस्कारात सहभागी झाला. रिंकूने वडिलांच्या पार्थिवाला खांदा दिला. अंत्ययात्रेत कुटुंब, शेजारी, मित्र आणि स्टार क्रिकेटपटू सहभागी झाले होते.
रिंकु सिंहच्या वडिलांवर ग्रेटर नोएडाच्या यथार्थ रुग्णालयात उपचार सुरू होते. पण उपचारादरम्यान मृत्यू झाला. त्याच्या वडिलांचे पार्थिव ग्रेटर नोएडाहून अलिगडला पोहोचले. या बातमीने क्रीडाविश्वात शोक संवेदना व्यक्त केल्या जात आहे. सोशल मीडियावर अनेक जणांनी आपल्या भावना व्यक्त केल्या आहेत. तसेच रिंकु सिंहच्या कुटुंबाला दु:ख पचवण्याची ताकद द्यावी, अशी प्रार्थना करत आहेत.
VIDEO | Aligarh: Mortal remains of cricketer Rinku Singh’s father brought to their home.
Rinku Singh’s father, Khanchand Singh, passed away at a hospital in Greater Noida early Friday following a prolonged illness. Dr. Sunil Kumar, spokesperson of Yatharth Hospital in Greater… pic.twitter.com/uVlhM3zqKa
— Press Trust of India (@PTI_News) February 27, 2026
Deeply saddened by the news of Rinku’s father’s demise. My heartfelt prayers and thoughts are with you and your family during this difficult time. May you always find strength in his eternal blessings. Om Shanti. 🙏 @rinkusingh235
— Virat Kohli (@imVkohli) February 27, 2026
विराट कोहलीने त्याच्या सोशल मीडिया अकाउंटवरील पोस्टमध्ये लिहिले की, “रिंकूच्या वडिलांच्या निधनाच्या बातमीने मला खूप दुःख झाले आहे. या कठीण काळात माझी मनापासून प्रार्थना आणि संवेदना तुझ्या कुटुंबासोबत आहेत. त्यांचे आशीर्वाद तुम्हाला नेहमीच शक्ती देतील. ओम शांती.”
Heartbreaking news to hear of the passing of Rinku’s father. In moments like these, no words feel enough. Standing in solidarity with you and your family during this difficult time. May you find strength and courage in the love that surrounds you. 🙏 @rinkusingh235
— Yuvraj Singh (@YUVSTRONG12) February 27, 2026
युवराज सिंग यांनी या दु:खद बातमीवर प्रतिक्रिया नोंदवली आहे. रिंकु सिंहने शोक व्यक्त करत सांगितले की, या कठीण काळात रिंकु सिंहच्या कुटुंबासोबत आहे. बीसीसीआयचे उपाध्यक्ष राजीव शुक्ला यांनीही रिंकूच्या वडिलांच्या निधनाबद्दल बोर्डाच्या शोकसंवेदना व्यक्त केल्या.
