Cricket : जसप्रीत बुमराह-संजू सॅमसनमध्ये टफ फाईट, आता Icc फैसला करणार, कोण ठरणार सरस?
Jasprit Bumrah vs Sanju Samson : जसप्रीत बुमराह आणि संजू सॅमसन भारताच्या या 2 प्रमुख, अनुभवी आणि मॅचविनर खेळाडूंमध्ये एका पुरस्कारासाठी जोरदार चुरस आहे. या दोघांपैकी कोण विजेता ठरणार हे आयसीसी ठरवणार आहे.
भारतात सध्या आयपीएल स्पर्धेच्या 19 व्या मोसमाचा थरार सुरु आहे. त्याआधी यजमान टीम इंडियाने भारतात सूर्यकुमार यादव याच्या नेतृत्वात न्यूझीलंडला पराभूत करुन टी 20i वर्ल्ड कप ट्रॉफीवर आपली मोहोर उमटवली. भारत यासह सलग दुसऱ्यांदा आणि सर्वाधिक तिसऱ्यांदा टी 20i वर्ल्ड कप जिंकणारा संघ ठरला. भारताला वर्ल्ड कप जिंकवण्यात विकेटकीपर बॅट्समन संजू सॅमसन याने प्रमुख भूमिका बजावली. तर यॉर्कर किंग जसप्रीत बुमराह यानेही चाबूक कामगिरी केली. त्यामुळे आयसीसीने भारताच्या दोघांना मार्च महिन्यातील प्लेअर ऑफ द मंथ या पुरस्कारासाठी नामांकन दिलं आहे. तसेच दक्षिण आफ्रिकेच्या कोनॉर ईस्टरह्यूजेन या पुरस्कारासाठी नामांकन मिळवणारा तिसरा खेळाडू आहे.
आयसीसी दर महिन्यात सर्वोत्तम कामगिरी करणाऱ्या खेळाडूला पुरस्काराने (Icc Player Of The Month Award) सन्मानित करते. आयसीसी सर्वोत्तम कामगिरी करणाऱ्या काही खेळाडूमंधून तिघांची निवड करुन त्यांना नामांकन जाहीर करते. चाहत्यांना नामांकन प्राप्त 3 खेळाडूंपैकी आपल्या आवडत्या खेळाडूला मत देता येतं. त्यानंतर आयसीसी त्या खेळाडूला मिळालेली मतं आणि तिघांपैकी सर्वोत्तम कामगिरी करणाऱ्या खेळाडूची आकडेवारी पाहून पुरस्कार विजेत्याचं नाव जाहीर करते.
यॉर्कर किंग जसप्रीत बुमराह
जसप्रीत बुमराह 10 व्या टी 20i वर्ल्ड कप स्पर्धेतील सर्वात यशस्वी गोलंदाज ठरला. बुमराहने 8 सामन्यांमध्ये एकूण 14 विकेट्स मिळवल्या. तसेच बुमराहची या स्पर्धेत 15 धावांच्या मोबदल्यात 4 विकेट्स ही सर्वोत्तम कामगिरी ठरली. बुमराहने अंतिम सामन्यात या 4 विकेट्स मिळवल्या होत्या. बुमराहला या कामगिरीसाठी सामनावीर पुरस्काराने गौरवण्यात आलं होतं.
संजू सॅमसन
संजू सॅमसन टी 20i वर्ल्ड कप स्पर्धेआधी न्यूझीलंड विरूद्धच्या मालिकेत ठार अपयशी ठरला. त्यामुळे टी 20i वर्ल्ड कप स्पर्धेत संजूचा प्लेइंग ईलेव्हनमधून पत्ता कट करण्यात आला. मात्र अभिषेक शर्मा सलग 3 वेळा झिरोवर आऊट झाल्याने संजूला प्लेइंग ईलेव्हनमध्ये संधी मिळाली. संजूने या संधीचं सोनं केलं. संजूने बाद फेरीतील तिन्ही सामन्यात 50 पेक्षा अधिक धावा केल्या. संजूने या 3 सामन्यांमध्ये एकूण 275 धावा केल्या. संजूला या कामगिरीसाठी प्लेअर ऑफ द टुर्नामेंट पुरस्कारने गौरवण्यात आलं. संजूची ही टी 20i तसेच आंतरराष्ट्रीय क्रिकेट कारकीर्दीतील सर्वोत्तम आणि अविस्मरणीय कामगिरी ठरली.
आयसीसीकडून तिघांना नामांकन
Two stars of the #T20WorldCup and an impressive young batter are in the running for the ICC Men’s Player of the Month award for March 2026 💪
Read more 👇https://t.co/OIFnI6j6hC pic.twitter.com/LKfn8BEtxq
— ICC (@ICC) April 6, 2026
कोनॉर ईस्टरह्युजेन
तसेच दक्षिण आफ्रिकेच्या कोनॉर ईस्टरह्युजेन याला न्यूझीलंड विरूद्धच्या टी 20i मालिकेत केलेल्या कामगिरीसाठी नामांकन मिळालं आहे. दक्षिण आफ्रिकेच्या या फलंजदाजाने किवी विरुद्ध 5 सामन्यांमध्ये 2 अर्धशतकांसह एकूण 200 धावा केल्या. कोनॉरचे आकडे संजू-बुमराहपेक्षा कमीच आहेत. त्यामुळे कोनॉर हा पुरस्कार मिळण्याची शक्यता कमीच आहे. त्यामुळे आता आयसीसी संजू आणि बुमराहपैकी या पुरस्कारासाठी कुणाची निवड करते हे पाहणं महत्त्वाचं ठरणार आहे.
