T20 World Cup 2024 Prize Money : फायनलमधील विजेत्याला मिळणार छप्परफाड पैसा, हरणाऱ्या टीमला किती कोटी?

T20 World Cup 2024 Prize Money : T20 वर्ल्ड कप 2024 मधील विजेत्या टीमला बंपर प्राइज मनी मिळणार आहे. जी टीम उपविजेता ठरेल, त्यांना सुद्धा भरपूर पैसा मिळणार आहे. ज्या टीम T20 वर्ल्ड कपमध्ये खेळल्या, त्यांचे हात सुद्धा रिकामी राहणार नाहीत. T20 वर्ल्ड कप 2024 साठी 11.25 मिलियन डॉलरची प्राइज मनी निश्चित करण्यात आली होती.

IND vs SA T20 World Cup Final

Dinananth Parab | Updated on: Jun 29, 2024 | 2:45 PM

ICC मेन्स T20 वर्ल्ड कप 2024 ची फायनल आज होणार आहे. भारत आणि दक्षिण आफ्रिकेची टीम आमने-सामने असेल. भारतातील स्थानिक वेळेनुसार, रात्री 8 वाजता ब्रिजटाउन बारबाडोस येथील केंसिंग्टन ओवल स्टेडियमध्ये फायनल सामना होणार आहे. यंदाच्या T20 वर्ल्ड कपमध्ये फायनल जिंकणारी टीम मालामाल होणार आहे. जी टीम उपविजेता ठरेल, त्यांना सुद्धा भरपूर पैसा मिळणार आहे. आंतरराष्ट्रीय क्रिकेट परिषदेने या मेगा इवेंटसाठी मेगा प्राइज मनीची घोषणा केली होती.

ज्या टीम सेमीफायनलमध्ये पोहोचल्या, त्यांना एकसमान 6.54 कोटी रुपये (787,500 डॉलर) देण्यात येतील. म्हणजे अफगाणिस्तान आणि इंग्लंडच्या टीमला सुद्धा चांगला पैसा मिळेल. T20 वर्ल्ड कपमध्ये यावेळी एकूण 20 टीम सहभागी झाल्या होत्या. एकूणच आयसीसीकडून यावेळी प्रत्येक टीमला काही ना काही रक्कम देण्यात आली आहे. सुपर-8 (दुसरा राऊंड) पुढे जाऊ न शकणाऱ्या टीम्सना प्रत्येकी 382,500 डॉलर (जवळपास 3.17 कोटी रुपये) मिळणार आहेत.

नऊ ते 12 व्या स्थानादरम्यानच्या टीम्सना किती पैसा?

नऊ ते 12 व्या स्थानादरम्यान ज्या टीम्स आहेत, त्यांना प्रत्येकी 247,500 डॉलर (जवळपास 20.57 कोटी रुपये) मिळणार आहेत. 13 व्या ते 20 व्या स्थाना दरम्यानच्या टीम्सना प्रत्येकी 225,000 डॉलर (जवळपास 1.87 कोटी रुपये) मिळणार आहेत. T20 वर्ल्डकपसाठी एकूण 11.25 मिलियन डॉलर (जवळपास 93.51 कोटी रुपये) प्राइज मनी निश्चित करण्यात आली आहे.

विजेत्या संघाला किती कोटी मिळणार?

T20 वर्ल्ड कप 2024 जिंकणाऱ्या टीमला 20.36 कोटी रुपये (2.45 मिलियन डॉलर) मिळणार आहेत. T20 वर्ल्ड कपच्या इतिहासात पहिल्यांदा विजेत्या टीमला इतकी मोठी रक्कम मिळणार आहे. फायनल हरणाऱ्या टीमला म्हणजे उपविजेत्याला 10.64 कोटी रुपये (1.28 मिलियन डॉलर) मिळणार आहेत.