INDA vs AFGA : टीम इंडिया सलग दुसऱ्या विजयासाठी सज्ज, अफगाणिस्तान रोखणार?

इंडिया ए टीम ट्राय नॅशन सीरिज 2026 मालिकेत आपला सलग दुसरा सामना जिंकण्यासाठी सज्ज झाली आहे. टीम इंडियाने तिलक वर्मा याच्या नेतृत्वात यजमान श्रीलंकेला पराभूत करुन विजयी सलामी दिली. त्यानंतर आता टीम इंडिया अफगाणिस्तान ए टीम विरुद्ध 2 हात करणार आहे. टीम इंडिया या सामन्यात सलग दुसरा विजय मिळवण्यासाठी उतरणार आहे. तर अफगाणिस्तानचा आपल्या मोहिमेची सुरुवात विजयाने करण्याचा प्रयत्न असणार आहे. मात्र टीम इंडिया अफगाणिस्तानवर वरचढ आहे. त्यामुळे अफगाणिस्तानचा भारतासमोर चांगलाच कस लागणार आहे. मात्र त्यानंतरही अफगाणिस्तान टीम इंडिया विरुद्ध कसा लढा देते हे पाहणं महत्त्वाचं ठरणार आहे.

वैभव सूर्यवंशीच्या कामगिरीकडे लक्ष

अफगाणिस्तान विरूद्धच्या सामन्यात टीम इंडियाचा फलंदाज वैभव सूर्यवंशी याच्या कामगिरीकडे क्रिकेट चाहत्यांचं लक्ष असणार आहे. वैभवला ट्राय सीरिजमधील पहिल्या सामन्यात श्रीलंकेविरुद्ध काही खास करता आलं नव्हतं. वैभवला श्रीलंकेविरुद्ध ठिकठाक सुरुवात तर मिळाली होती. मात्र वैभव त्या खेळीला मोठ्या आकड्यात बदलण्यात अपयशी ठरला होता. वैभवने 12 चेंडूत 3 चौकारांच्या मदतीने 14 धावा केल्या होत्या. त्यामुळे वैभव अफगाणिस्तान विरुद्ध किती मोठी खेळी करतो याची चाहत्यांना प्रतिक्षा असणार आहे.

ऋतुराज सलग दुसरं शतक ठोकणार?

उपकर्णधार ऋतुराज गायकवाड श्रीलंकेविरुद्धच्या विजयाचा शिल्पकार ठरला होता. ऋतुराजने श्रीलंकेविरुद्ध शतक झळकावलं होतं. ऋतुराजच्या खेळीमुळे भारताला 277 धावांपर्यंत मजल मारता आली होती. ऋतुराजने 101 धावा केल्या होत्या. ऋतुराजचं लिस्ट ए क्रिकेटमधील 21 वं शतक ठरलं होतं. त्यामुळे आता ऋतुराजला सलग दुसरं शतक करण्याची संधी आहे. तसेच ऋतुराजला शतक करुन गौतम गंभीर आणि राहुल द्रविड यांच्या लिस्ट ए क्रिकेटमधील 21 शतकांचा विक्रम मोडीत काढण्याची संधी आहे. त्यामुळे चाहत्यांना ऋतुराजकडून सलग दुसऱ्या शतकाची आशा असणार आहे.

सामन्याला किती वाजता सुरुवात होणार?

दरम्यान टीम इंडिया विरुद्ध अफगाणिस्तान यांच्यातील सामन्याला भारतीय वेळेनुसार 11 जून रोजी सकाळी 10 वाजता सुरुवात होणार आहे. तर 9 वाजून 30 मिनिटांनी टॉस होणार आहे. तसेच सामना टीव्हीवर सोनी स्पोर्ट्स नेटवर्कवरील चॅनेल्सवर लाईव्ह पाहायला मिळेल. तर सोनी लिव्ह एपद्वारे मॅच लाईव्ह पाहता येईल.