INDvsAUS : कसोटी माालिकेतून टीम इंडियाच्या मॅचविनर खेळाडूची एन्ट्री
श्रीलंका आणि न्यूझीलंडला लोळवल्यानंतर टीम इंडिया आता ऑस्ट्रेलिया विरुद्ध कसोटी मालिकेत भिडणार आहे. या मालिकेतून मॅचविनर खेळाडूचं कमबॅक झालं आहे.
नागपूर : टीम इंडियाने श्रीलंका आणि त्यानंतर न्यूझीलंडचा सुपडा साफ केला. वनडे सीरिजमध्ये रोहित शर्मा याने टीम इंडियाचं नेतृत्व केलं. तर हार्दिक पंड्याने टी 20 मालिकेत यशस्वीपणे सूत्रं सांभाळली. आता टीम इंडियासमोर ऑस्ट्रेलियाचं आव्हान असणार आहे. ऑस्ट्रेलियाला पराभूत करणं टीम इंडियाचं लक्ष्य असणार आहे. कसोटी मालिकेतील पहिली मॅच नागपूर इथे 9 फेब्रुवारीपासून खेळवण्यात येणार आहे. त्याआधी एका मॅचविनर खेळाडूची एन्ट्री झाली आहे.
आपण ज्या मॅचविनर खेळाडूबाबत बोलतोय, तो दुसरा तिसरा कुणी नसून ऑलराउंडर रवींद्र जडेजा आहे. गुडघ्याच्या शस्त्रक्रियेनंतर जडेजा बॉर्डर-गावसकर ट्रॉफीतून कमबॅक करतोय. यासाठी तो स्वत:ला भाग्यवान समजोतय. करिअरवर प्रश्नचिन्ह उपस्थित झालेल्या दुखापतीनंतर टीम इंडियाची जर्सी घालण्याची संधी मिळतेय, त्यासाठी मी नशिबवान असल्याचं जडेजाच म्हणनं आहे. जडेजाला या दुखापतीमुळे गत टी 20 वर्ल्ड कपला मुकावं लागलं होतं.
जडेजाला टी 20 वर्ल्ड कप 2022 आधी गुडघ्याची शस्त्रक्रिया करावी लागली. त्यामुळे त्याला क्रिकेटपासून 5 महिने दूर रहावं लागलं होतं.
जडेजा काय म्हणाला?
“मी फार उत्साहित आहे. तसेच आनंदी ही आहे कारण 5 महिन्यांनी मला पुन्हा टीम इंडियाची जर्सी घालण्याची संधी मिळाली. इथपर्यंत पोहचेपर्यंत फार उतार-चढाव होते. तुम्ही 5 महिने क्रिकेट खेळत नाहीत, तर खेळाडू म्हणून ही बाब फार निराशाजनक आहे. मी लवकरात लवकर फिट कधी होतोय याची वाट पाहत होतो.”, अशी प्रतिक्रिया जडेजाने बीसीसीआय डॉट टिव्हीला दिलेल्या मुलाखतीत दिली.
कसोटी मालिकेचं वेळापत्रक
पहिली कसोटी, 9-13 फेब्रुवारी, नागपूर
दुसरी कसोटी, 17-21 फेब्रुवारी, नवी दिल्ली
तिसरी कसोटी, 1-5 मार्च, धर्मशाळा
चौथी कसोटी, 9-13 मार्च, अहमदाबाद
ऑस्ट्रेलिया विरुद्धच्या पहिल्या 2 कसोटी सामन्यांसाठी टीम इंडिया
रोहित शर्मा (कॅप्टन), केएल राहुल (उपकर्णधार), शुबमन गिल, चेतेश्वर पुजारा, सूर्यकुमार यादव, विराट कोहली, श्रेयस अय्यर, केएस भरत (विकेटकीपर), इशान किशन (विकेटकीपर), आर अश्विन, अक्षर पटेल, कुलदीप यादव, रवींद्र जडेजा, मोहम्मद शमी, मोहम्मद सिराज, उमेश यादव आणि जयदेव उनाडकट.
टीम इंडिया विरुद्धच्या कसोटी मालिकेसाठी ऑस्ट्रेलिया
पॅट कमिन्स (कर्णधार), डेविड वॉर्नर, एश्टोन एगर, स्कॉट बोलँड, एलेक्स कॅरी, कॅमरन ग्रीन, जोश हेझलवुड, पीटर हॅंडस्कॉम्ब, ट्रेविस हेड, उस्मान ख्वाजा, मार्नस लाबुशेन, नॅथन लियॉन, लांस मॉरिस, टॉड मरफी, मॅथ्यू रेनशॉ, स्टीव स्मिथ, मिशेल स्टार्क आणि मिशेल स्वीपसन.
