IND vs ENG | शुबमन गिल आऊट झाल्यानंतर टीम इंडियाची घसरगुंडी

विशाखापट्टणम | टीम इंडियाने दुसऱ्या कसोटी सामन्यातील दुसऱ्या दिवशी धमाकेदार कामगिरी केली. यशस्वी जयस्वाल याच्या द्विशतकानंतर जसप्रीत बुमराह याने 6 विकेट्स घेत इंग्लंडला रोखण्यात मोठी भूमिका बजावली. टीम इंडियाने 396 धावांनंतर इंगलंडला 253 धावांवर रोखलं. त्यामुळे टीम इंडियाला पहिल्या डावात 143 धावांची आघाडी मिळाली. दुसऱ्या दिवसाचा खेळ संपेपर्यंत टीम इंडियाने बिनबाद 28 धावा करत 173 धावांची आघाडी घेतली.

तिसऱ्या दिवसाचा खेळ सुरु होताच जेम्स एंडरसन याने झटपट टीम इंडियाच्या सलामी जोडीला मैदानाबाहेरचा रस्ता दाखवला. एंडरसनने रोहित शर्मा याच्यानंतर यशस्वी जयस्वाल याला आऊट केलं. त्यामुळे टीम इंडियाची स्थिती 2 बाद 30 अशी झाली. त्यानंतर श्रेयस अय्यर आणि शुबमन गिल या दोघांनी तिसऱ्या विकेटसाठी 90 धावांची भागीदारी करत काही वेळ डाव सावरला. मात्र त्यापुढे या दोघांना जाण्यापासून रोखलं. श्रेयस पुन्हा 30 धावांच्या आत 29 वर आऊट झाला. श्रेयसनंतर रजत पाटीदारही 9 धावा करुन माघारी परतला.

एका बाजूला विकेट जात असताना शुबमन गिल खिंड लढवत होता. गिलने अर्धशतकाचं रुपांतर शतकात करत टीम इंडियाला सुस्थितीत आणून ठेवलं. शुबमनने कसोटीतील तिसरं शतक झळकावलं. मात्र शुबमन शतकानंतर 4 धावा जोडून आऊट झाला. शुबमनने 147 बॉलमध्ये 11 चौकार आणि 2 षटकारांसह 104 धावांवर आऊट झाला.

शुबमन गिल आऊट झाल्यानंतर पुन्हा टीम इंडियाचा डाव गडगडला. टीम इंडियाने गिलनंतर झटपट आणखी 3 विकेट्स गमावल्या. गिलनंतर अक्षर पटेल 45, श्रीकर भरत 6 आणि कुलदीप यादव झिरोवर आऊट झाला. दरम्यान टीम इंडियाने अद्याप 350 पेक्षा अधिक धावांचा आघाडी घेतली आहे.

इंग्लंड प्लेईंग ईलेव्हन | बेन स्टोक्स (कॅप्टन), झॅक क्रॉली, बेन डकेट, ऑली पोप, जो रूट, जॉनी बेअरस्टो, बेन फोक्स (विकेटकीपर), रेहान अहमद, टॉम हार्टले, शोएब बशीर आणि जेम्स अँडरसन.

टीम इंडिया प्लेईंग ईलेव्हन | रोहित शर्मा (कॅप्टन), यशस्वी जयस्वाल, शुबमन गिल, रजत पाटीदार, श्रेयस अय्यर, श्रीकर भारत (विकेटकीपर), रवीचंद्रन अश्विन, अक्षर पटेल, कुलदीप यादव, जसप्रीत बुमराह आणि मुकेश कुमार.