IND vs NZ 1st T20 : ऋतुराज गायकवाडच्या दुखापतीमुळे Prithvi Shaw चा मार्ग सोपा झालाय?

Prithvi shaw triple century

Image Credit source: AFP

मुंबई – टीम इंडियाने न्यूझीलंड विरुद्ध वनडे सीरीजमध्ये 3-0 असा एकतर्फी विजय मिळवला. उद्यापासून T20 सीरीज सुरु होईल. आता हार्दिक पंड्या T20 मध्ये पूर्णवेळ कॅप्टन आहे. श्रीलंकेनंतर न्यूझीलंड विरुद्ध टी 20 सीरीज जिंकण्याच्या इराद्याने तो मैदानात उतरेल. श्रीलंकेविरुद्धच्या टी 20 सीरीजमध्ये टीम इंडियाने 2-1 असा विजय मिळवला. आता न्यूजीलंड विरुद्ध वनडे सीरीजमध्ये सरस कामगिरी करुन दाखवण्याच आव्हान आहे. हार्दिक पंड्याकडे आता काही नवीन प्रयोग करण्याची संधी आहे. पृथ्वी शॉ चा या सीरीजसाठी टीम इंडियामध्ये समावेश केलाय. त्याला संधी मिळणार का? याकडे क्रिकेटच्या जाणकारांच लक्ष असेल. रणजी ट्रॉफीमध्ये ट्रिपल सेंच्युरी झळकवल्यामुळे पृथ्वी शॉ साठी टीम इंडियाचे दरवाजे उघडले. जवळपास दीड वर्षानंतर पृथ्वी शॉ टीममध्ये परतलाय.

पृथ्वी शॉ ओपनिंगला येणार ?

T20 मध्ये पृथ्वी शॉ आयपीएलमधील दिल्ली कॅपिटल्स टीमसाठी ओपनिंग करतो. न्यूझीलंड विरुद्ध पहिल्या टी 20 साठी त्याला संधी मिळणं थोड कठीण दिसतय. कारण सलामीच्या जागेसाठी शुभमन गिल दावेदार आहे. सध्या तो जबरदस्त फॉर्ममध्ये आहे. न्यूझीलंड विरुद्ध तीन वनडे सामन्यांच्या सीरीजमध्ये गिलने दोन शतकं झळकवली. त्यामुळे पृथ्वी शॉ ची सलामीच्या जागेसाठी शुभमन गिलबरोबर स्पर्धा आहे.

आता त्याच्याकडे दुर्लक्ष करण शक्य नाही

शुभमन गिल आणि कुलदीप यादव या दोन फिरकी गोलंदाजांपैकी  एकालाच रांचीमध्ये शुक्रवारी होणाऱ्या सामन्यात संधी मिळू शकते. तीन महिन्यांपूर्वी शुभमन गिल टी 20 साठी स्पर्धेत नव्हता. पण अचानक तो फॉर्ममध्ये परतलाय. आता त्याच्याकडे दुर्लक्ष करण शक्य नाहीय. टी 20 मध्ये शुभमन गिल आपली छाप उमटवू शकलेला नाही. पण सध्याचा फॉर्म लक्षात घेता त्याला संधी मिळणार हे जवळपास निश्चित आहे.

ऋतुराज गायकवाडला दुखापत

गिलपेक्षा पृथ्वी शॉ कडे पावरप्लेमध्ये हिटिंग करण्याची चांगली क्षमता आहे. रणजीमध्ये पृथ्वीने वनडे स्टाइल बॅटिंग केलीय. पण सध्याचा फॉर्म पाहता इशान किशनसोबत गिल सलामीला येऊ शकतो. ऋतुराज गायकवाडला दुखापत झालीय. त्याच्या खेळण्याबद्दल साशंकता आहे. कदाचित तो न्यूझीलंड विरुद्धच्या संपूर्ण सीरीजला मुकू शकतो.