INDW vs NEDW Live Streaming: टीम इंडिया सलग दुसऱ्या विजयासाठी सज्ज, 26 वर्षांनी नेदरलँड्स विरुद्ध भिडणार
India vs Netherlands Womens T20 World Cup 2026 Live Match Score : हरमनप्रीत कौर हीच्या नेतृत्वात टीम इंडिया बुधवारी सलग दुसरा सामना जिंकण्यासाठी मैदानात उतरणार आहे. वुमन्स टीम इंडिया या सामन्यात नेदरलँड्स विरुद्ध लढत देणार आहे.
पाकिस्तानला पराभूत करुन विजयी सलामी दिल्यानंतर आता टीम इंडियाची महिला ब्रिगेड आयसीसी टी 20i वर्ल्ड कप 2026 स्पर्धेत सलग दुसरा सामना जिंकण्यासाठी सज्ज झाली आहे. वुमन्स टीम इंडिया आपल्या मोहिमेतील दुसऱ्या सामन्यात डेब्यूटंट नेदरलँड्स विरुद्ध खेळणार आहे. नेदरलँड्सचाही हा दुसरा सामना असणार आहे. नेदरलँड्सची या स्पर्धेतील सुरुवात पराभवाने झालीय. त्यामुळे नेदरलँड्ससमोर सलग दुसरा पराभव टाळण्याचं आव्हान असणार आहे. त्यामुळे नेदरलँड्सचे खेळाडू पहिल्या सामन्यातील चुका टाळून टीम इंडिया विरुद्ध जोरदार कमबॅक करणार का? याकडे क्रिकेट विश्वाचं लक्ष लागून राहिलं आहे. या सामन्याला किती वाजता सुरुवात होणार? हे सविस्तर जाणून घेऊयात.
टीम इंडिया विरुद्ध नेदरलँड्स सामना कधी?
टीम इंडिया विरुद्ध नेदरलँड्स सामना बुधवारी 17 जूनला खेळवण्यात येणार आहे.
टीम इंडिया विरुद्ध नेदरलँड्स सामना कुठे?
टीम इंडिया विरुद्ध नेदरलँड्स सामना हेडिंग्ले लीड्समध्ये खेळवण्यात येणार आहे.
टीम इंडिया विरुद्ध नेदरलँड्स सामन्याला किती वाजता सुरुवात होणार?
टीम इंडिया विरुद्ध नेदरलँड्स सामन्याला भारतीय वेळेनुसार संध्याकाळी 7 वाजता सुरुवात होणार आहे. तर 6 वाजून 30 मिनिटांनी टॉस होईल.
टीम इंडिया विरुद्ध नेदरलँड्स सामना टीव्ही-मोबाईलवर कुठे पाहता येईल?
टीम इंडिया विरुद्ध नेदरलँड्स सामना टीव्हीवर स्टार स्पोर्ट्स नेटवर्कवरील चॅनेल्सवर पाहायला मिळेल. तर जिओहॉटस्टार एपद्वारे लाईव्ह मॅच पाहता येईल.
26 वर्षांनी आमनासामना
दरम्यान टीम इंडिया वुमन्स नेदरलँड्स यांच्यात तब्बल 26 वर्षांनी आंतरराष्ट्रीय सामना होणार आहे. उभयसंघात याआधी 2000 साली अखेरचा सामना झाला होता. त्यानंतर आता दोन्ही संघ एकमेकांविरुद्ध भिडणार आहेत. तसेच दोन्ही संघांत आतापर्यंत एकूण 3 सामने खेळवण्यात आले आहेत. भारताने हे तिन्ही सामने जिंकले आहेत. त्यामुळे आता महिला ब्रिगेड नेदरलँड्स विरुद्ध विजयी चौकार लगावणार का? यासाठी निकालाची प्रतिक्षा करावी लागणार आहे.
टीम इंडिया पॉइंट्स टेबलमध्ये दुसऱ्या स्थानी
दरम्यान वुमन्स टीम इंडिया पाकिस्तान विरूद्धच्या विजयासह ए ग्रुपमधील पॉइंट्स टेबलमध्ये दुसऱ्या स्थानी पोहचली आहे. टीम इंडियाच्या खात्यात 2 गुण आहेत. तर भारताचा नेट रनरेट हा +3.200 असा आहे. भारतीय संघाला नेदरलँड्स विरुद्ध मोठ्या फरकाने सामना जिंकून नेट रनरेट आणखी चांगला करण्याची संधी आहे.
