IND VS PAK: विराट-रोहितने हद्द केली राव, अक्षरक्ष: विकेट फेकली, VIDEO
आशिया कप (Asia cup) स्पर्धेत भारत आणि पाकिस्तान (IND vs PAK) मध्ये महत्त्वपूर्ण सामना सुरु आहे. या मॅच मध्ये सगळ्यांच लक्ष रोहित शर्मा आणि विराट कोहलीच्या (Virat kohli) कामगिरीकडे लागलं होतं.
मुंबई: आशिया कप (Asia cup) स्पर्धेत भारत आणि पाकिस्तान (IND vs PAK) मध्ये महत्त्वपूर्ण सामना सुरु आहे. या मॅच मध्ये सगळ्यांच लक्ष रोहित शर्मा आणि विराट कोहलीच्या (Virat kohli) कामगिरीकडे लागलं होतं. रोहित आणि विराटची जोडी जवळपास 8 ओव्हर क्रीजवर होती. या दरम्यान दोघांमध्ये 49 धावांची भागीदारी झाली. या भागीदारी दरम्यान एक क्षण असा आला की, विराट कोहलीने फटका खेळल्यानंतर रोहित शर्मा जमिनीवर झोपला. रोहित शर्मा खाली का पडला? ही खूपच रोचक घटना आहे. पावरप्ले संपल्यानंतर 7 व्या ओव्हर मध्ये विराट कोहलीने रोहित शर्माच्या दिशेने शॉट खेळला. त्यानंतर भारतीय कॅप्टन त्याच्या दिशेने आलेला फटका चुकवण्यासाठी जमिनीवर झोपला.
विराट कोहलीने रोहितला पाडलं
7 व्या ओव्हर मध्ये शादाब खान गोलंदाजीसाठी आला होता. त्याच्या दुसऱ्या चेंडूवर कोहलीने समोरच्या दिशेने फटका खेळला. चेंडू रोहितच्या दिशेने आला. चेंडू इतका जोरात आला की, रोहितला स्वत:चा बचाव करण्यासाठी कमी वेळ मिळाला. त्याने कसंबसं स्वत:ला वाचवलं. रोहित शर्मा खाली पडला. रोहित शर्मा खाली पडल्याचा व्हिडिओ सोशल मीडियावर व्हायरल झाला आहे.
@imVkohli Wicket Today ?? #AsiaCup2022 #ViratKohli? #IndiaVsPakistan pic.twitter.com/5lTERvuX2f
— ABHI • LAKRA (@lkraxabhi) August 28, 2022
खूपच खराब फटका खेळून आऊट झाला रोहित
रोहित शर्माची बॅट पाकिस्तान विरुद्ध तळपली नाही. भारतीय कॅप्टन अवघ्या 12 धावांवर आऊट झाला. त्याने 18 चेंडू खेळले. रोहित शर्माचा स्ट्राइक रेट 66.67 चा होता. रोहित शर्मा मोहम्मद नवाजच्या गोलंदाजीवर खराब फटका खेळून बाद झाला. इफ्तिखार अहमदकडे त्याने झेल सोपवला. रोहितने आऊट झाल्यानंतर विराट कोहलीने सुद्धा आपला विकेट फेकला. विराटने सुद्धा नवाजच्या गोलंदाजीवर मोठा फटका खेळण्याचा प्रयत्न केला. पण त्या नादात त्याने इफ्तिखारला सोपा झेल दिला. विराटने 34 चेंडूत 35 धावा केल्या. त्याआधी केएल राहुल गोल्डन डकवर आऊट झाला. राहुल नसीम शाहच्या चेंडूवर बोल्ड झाला.
