India vs South Africa LIVE Score, 1st Test, DAY one: पहिला दिवस भारताचा, राहुलच्या शतकासह दिवसअखेर 3 बाद 273 धावांपर्यंत मजल

78 व्या षटकात केशव महाराजच्या गोलंदाजीवर लोकेश राहुलने शानदार चौकार वसूल करत आपलं शतक पूर्ण केलं. राहुलने 218 चेंडूत 103 धावांची खेळी साकारली आहे. त्यात 14 चौकार आणि एका षटकाराचा समावेश आहे. (भारत 240/3)

भारताने कर्णधार विराट कोहलीच्या रुपात तिसरी विकेट गमावली आहे. विराट कोहली पुन्हा एकदा अपयशी ठरला. चांगली सुरुवात होऊनही त्याला मोठी धावसंख्या उभारता आली नाही. त्याने 94 चेंडूत 35 धावांची खेळी केली. लुंगी एंगिडीने त्याला पव्हेलियनचा रस्ता दाखवला. (भारत – 199/3)

चहापानापर्यंत भारताने 57 षटकांमध्ये 2 बाद 157 धावांपर्यंत मजल मारली आहे. लोकेश राहुल 68 तर विराट कोहली 19 धावांवर खेळत आहे.

लागोपाठच्या दोन धक्क्यानंतर मैदानात आलेला कर्णधार विराट कोहली खेळपट्टीवर स्थिरावला असून राहुलसोबत मिळून डावाला आकार देण्याचा प्रयत्न करतोय. भारताच्या दोन बाद 144 धावा झाल्या असून राहुल (60) आणि विराट (14) धावांवर खेळत आहे.

केएल राहुल (58) आणि विराट कोहली (11) खेळपट्टीवर आहेत. भारताच्या दोन बाद 139 धावा झाल्या आहेत.

चांगल्या सुरुवातीनंतर मयांक अग्रवाल (60) धावांवर बाद झाला. पाठोपाठ चेतेश्वर पूजाराने भोपळाही न फोडता तंबुची वाट धरली. निगीडीने या दोन्ही विकेट घेतल्या. आता कर्णधार विराट कोहली राहुल सोबत मैदानावर आहे. केएल राहुलने अर्धशतक झळकावले आहे. त्याने नऊ चौकार लगावले.

मयांक अग्रवाल पाठोपाठ भारताला दुसरा झटका बसला आहे. चेतेश्वर पुजारा खातेही न उघडता शून्यावर बाद झाला आहे. निगीडीने त्याला पीटरसनकरवी झेलबाद केले.

दमदार सलामीनंतर भारताला पहिला झटका बसला आहे. अर्धशतक झळकावल्यानंतर मयांक अग्रवाल (60) धावांवर बाद झाला. त्याला निगीडीने पायचीत केले.

मयांक अग्रवाल आणि केएल राहुलमध्ये शतकी भागीदारी झाली आहे. सध्या भारताच्या बिनबाद 105 धावा झाल्या आहेत.

भारतीय सलामीवीरांनी 35 षटकात बिनबाद 101 धावा केल्या आहेत. मयंक अग्रवाल 56 तर के. एल. राहुल. 35 धावांवर खेळत आहेत.

30 व्या षटकात मार्को यान्सिनला शानदार चौकार लगावत मयंक अग्रवालने आपलं अर्धशतक पूर्ण केलं. मयंकने 89 चेंडूत 8 चौकारांच्या मदतीने आपलं अर्धशतक पूर्ण केलं. (भारत 91/0)

लंचला खेळ थांबला असून भारताच्या बिनबाद 83 धावा झाल्या आहेत. राहुल 29 आणि मयांक 46 धावांवर खेळत आहे.

भारताच्या 27 षटकाअखेरीस बिनबाद 82 धावा झाल्या आहेत. राहुलच्या 29 धावा झाल्या असून त्याने चार चौकार लगावले. मयांक 45 धावांवर खेळत असून त्याने सात चौकार लगावले आहेत.

22.3 षटकांचा खेळ झाला असून भारताच्या बिनबाद 69 धावा झाल्या आहेत. मयांक 43 आणि राहुल 22 धावांवर खेळत आहे.

दक्षिण आफ्रिकेविरुद्ध भारताने ओलांडला 50 धावांचा टप्पा, सलामीवीर मयांक 37 आणि राहुल 20 धावांवर खेळत आहे.

17 षटकात भारताच्या बिनबाद 44 धावा झाल्या आहेत. मयांक 28 आणि राहुल 16 धावांवर खेळत आहे. दोघेही दक्षिण आफ्रिकेची गोलंदाजी समर्थपणे खेळून काढत आहेत.

11 षटकांचा खेळ संपला असून भारताच्या बिनबाद 35 धावा झाल्या आहेत. राहुल 10 आणि मयांक 25 धावांवर खेळत आहे. राहुलने त्याच्या खेळीत एक चौकार तर मयांकने चार चौकार लगावले आहेत.

आठ षटकांचा खेळ पूर्ण झाला असून भारताच्या बिनबाद 16 धावा झाल्या आहेत. केएल राहुलने खातं उघडल असून त्याने पाच धावा केल्या आहेत. मयांक अग्रवाल 11 धावांवर खेळत असून त्याने एक चौकार लगावला आहे.

आतापर्यंत पाच षटकांचा खेळ झाला असून भारताच्या बिनबाद आठ धावा झाल्या आहेत. राहुलला अजून खातं उघडता आलेलं नाही. मयांक अग्रवालने 8 रन्स केल्या आहेत.

भारताने खातं उघडलं आहे. लुंगी निगीडीच्या दुसऱ्या षटकात सलामीवीर मयांक अग्रवालने दोन धावा केल्या आहेत.

भारत आणि दक्षिण आफ्रिकेमध्ये पहिल्या कसोटी सामन्याला सुरुवात झाली आहे. केएल राहुल आणि मयांक अग्रवाल ही सलामीची जोडी मैदानात उतरली आहे. कागिसो राबाडाने पहिले षटक निर्धाव टाकले आहे.

भारत-दक्षिण आफ्रिका कसोटीआधी दोन्ही संघाच्या कर्णधारांचा ट्रॉफीसह काढलेला फोटो.

केएल राहुल, मयंक अग्रवाल, चेतेश्वर पुजारा, विराट कोहली (कर्णधार), अजिंक्य रहाणे, ऋषभ पंत, आर. अश्विन, मोहम्मद शमी, जसप्रीत बुमराह, मोहम्मद सिराज आणि शार्दुल ठाकुर

भारताचा कर्णधार विराट कोहलीने टॉस जिंकून प्रथम फलंदाजीचा निर्णय घेतला आहे. दक्षिण आफ्रिकेचा कॅप्टन डीन एल्गरने आमचा संघ कुठल्याही आव्हानासाठी सज्ज असल्याचं म्हटलं आहे.