KKR IPL 2022: CSK विरुद्धच्या मॅचआधी KKR ला मोठा झटका, 9.75 कोटीत खरेदी केलेले दोन दिग्गज पाच सामन्यांसाठी बाहेर
KKR IPL 2022: बहुचर्चित इंडियन प्रीमियर लीग स्पर्धा सुरु व्हायला आता फक्त तीन दिवसांचा अवधी उरला आहे. कोलकाता नाइट रायडर्स आणि चेन्नई सुपर किंग्समध्ये 26 मार्चला पहिला सामना होणार आहे.
मुंबई: बहुचर्चित इंडियन प्रीमियर लीग स्पर्धा सुरु व्हायला आता फक्त तीन दिवसांचा अवधी उरला आहे. कोलकाता नाइट रायडर्स आणि चेन्नई सुपर किंग्समध्ये 26 मार्चला पहिला सामना होणार आहे. मात्र त्याआधी KKR संघाला मोठा झटका बसला आहे. कोलकाता संघाचे दोन प्रमुख खेळाडू पॅट कमिन्स आणि एरॉन फिंच हे कमीत कमी पुढचे पाच सामने खेळू शकणार नाही. कोलकाता नाइट रायडर्स टीमचे मार्गदर्शक डेविड हसी यांनी ही माहिती दिली आहे. एरॉन फिंच (Aaron Finch) आणि पॅट कमिन्स (Pat Cummins) सध्या पाकिस्तान दौऱ्यावर आहेत. दोघेही ऑस्ट्रेलियाच्या मर्यादीत षटकांच्या टीमचा भाग आहेत. सीरीज संपल्यानंतरच ते आयपीएलसाठी उपलब्ध होतील. पॅट कमिन्सला कोलकाता नाइट रायडर्सने 7.25 कोटी रुपयांमध्ये विकत घेतलं होतं.
बेस प्राइसवर कोणाला विकत घेतलं?
एरॉन फिंचला एलेक्स हेल्सच्या जागी कोलकाता संघाने संधी दिली. हेल्सने बायो बबलचा कारण देऊन स्पर्धेमधून माघार घेतली. फिंचला दीड कोटी रुपयांच्या बेस प्राइसवर केकेआरने विकत घेतलं होतं. पण तो पुढचे पाच सामने खेळू शकणार नाहीय.
क्रिकेटपटूंची प्राथमिकता कशाला असली पाहिजे?
“प्रत्येक फ्रेंचायजीला आपल्या संघातील सर्वोत्तम खेळाडू मैदानावर उतरवायचे आहेत. पण खेळाडूंसाठी आंतरराष्ट्रीय क्रिकेटच प्राथमिकता असली पाहिजे. तुम्हाला नेहमी बेस्ट खेळाडू उपलब्ध हवे असतात. पण आंतरराष्ट्रीय क्रिकेट प्राथमिकता असली पाहिजे. प्रत्येक क्रिकेटपटूला आपल्या देशासाठी खेळायचं असतं” असं डेविड हसी वर्च्युअल पत्रकार परिषदेत म्हणाला. फिंच आणि कमिन्स उपलब्ध झाल्यानंतर लगेच कोलकाता नाइट रायडर्सच्या स्क्वाडमध्ये दाखल होतील. सामन्यासाठी फिट झाल्यानंतर लगेच ते टीममध्ये दाखल होतील.
??????? returns in #IPL2022 ? @patcummins30 #KKR #AmiKKR #GalaxyOfKnights pic.twitter.com/0mVCiSzLrC
— KolkataKnightRiders (@KKRiders) February 18, 2022
kkr ची कमकुवत बाजू कुठली?
कोलकाता नाइट रायडर्सचा कमकुवत दुवा त्यांचा विकेटकीपर आहे. या संघाकडे चांगला विकेटकीपर नाहीय. पण डेविड हसीने हे मान्य करण्यास नकार दिला. “आमच्याकडे चांगला विकेटकीपर-फलंदाज नाही, याच्याशी मी सहमत नाही. आमच्याकडे शेल्डन जॅक्सन सारखा खेळाडू आहे, जो रणजीत कमालीचा फॉर्ममध्ये आहे. तो संघासोबत बऱ्याच काळापासून आहे. आमच्याकडे सॅम बिलिंग्स सुद्धा आहे. जो इंग्लंडसाठी विकेटकीपिंग करतो. खेळाडूंकडून ते कशी चांगली कामगिरी करुन घेतात ती आता सपोर्ट स्टाफचीही जबाबदारी आहे” असे हसी म्हणाला.
