Kolkata Knight Riders, IPL 2022: श्रेयसच्या नेतृत्वात KKR चा संघ धोकादायक, अशी असेल Playing XI
2012 आणि 2014 मध्ये आयपीएलचे जेतेपद पटकावणाऱ्या कोलकाता नाईट रायडर्सला (Kolkata Knight Riders) गेल्या 8 वर्षांपासून चॅम्पियनपदापासून वंचित रहावे लागले आहे. गौतम गंभीरच्या नेतृत्वाखाली हा संघ दोनदा चॅम्पियन बनला, मात्र त्यानंतर या संघाची प्रत्येक वेळी निराशाच झाली आहे.
मुंबई : 2012 आणि 2014 मध्ये आयपीएलचे जेतेपद पटकावणाऱ्या कोलकाता नाईट रायडर्सला (Kolkata Knight Riders) गेल्या 8 वर्षांपासून चॅम्पियनपदापासून वंचित रहावे लागले आहे. गौतम गंभीरच्या नेतृत्वाखाली हा संघ दोनदा चॅम्पियन बनला, मात्र त्यानंतर या संघाची प्रत्येक वेळी निराशाच झाली आहे. पण आता या फ्रँचायझीने एका नवीन तरुण आणि प्रतिभावान खेळाडूला कर्णधार बनवले आहे, ज्या खेळाडूमध्ये या संघाला चॅम्पियन बनवण्याची ताकद आहे. श्रेयस अय्यरच्या (Shreyas Iyer) नेतृत्वाखाली कोलकाता नाईट रायडर्स आयपीएल (IPL 2022) मध्ये प्रवेश करणार आहे कोलकात्याने लिलावातून खरेदी केलेली खेळाडूंची फौज श्रेयसची ताकद दुप्पट करतील. कोलकाता नाईट रायडर्सने आपले चार महत्त्वाचे खेळाडू कायम ठेवले आहेत. आंद्रे रसेल, वरुण चक्रवर्ती, व्यंकटेश अय्यर आणि सुनील नारायण. हे चारही खेळाडू मोठे मॅचविनर आहेत आणि त्यानंतर संघाने लिलावात अनेक युवा आणि अनुभवी खेळाडूंना खरेदी केले आहे.
पॅट कमिन्स, नितीश राणा, रिंकू सिंग, सॅम बिलिंग्ज, अॅरोन फिंच, मोहम्मद नबी अशी नावे या संघात आहेत. आता प्रश्न असा आहे की श्रेयस अय्यरच्या नेतृत्वाखाली हा संघ कोणत्या प्लेइंग इलेव्हनसोबत मैदानात उतरणार? कोलकात्याची सर्वात मजबूत प्लेइंग इलेव्हन कोणती असेल? या प्रश्नाचे उत्तर TV9 मराठी तुम्हाला देईल. चला तर मग कोलकात्याच्या (Kolkata Knight Riders best Playing 11) सर्वोत्तम प्लेइंग इलेव्हनवर एक नजर टाकूया.
टॉप आणि मिडल ऑर्डरमध्ये कोण असणार?
प्लेइंग इलेव्हनबद्दल बोलायचं झाल्यास, कोलकाता संघ व्यंकटेश अय्यर आणि सुनील नारायणला सलामीला उतरवू शकतो. नारायणने नुकतीच बांगलादेश प्रीमियर लीगमध्ये अप्रतिम फलंदाजी केली होती. हे पाहता नारायणवर पुन्हा एकदा सलामीची जबाबदारी सोपवली जाऊ शकते. तसेच कोलकात्याकडे अॅरॉन फिंच हादेखील चांगला पर्याय आहे जो अॅलेक्स हेल्सच्या जागी संघात सामील झाला आहे. आता केकेआरची सलामी कोणाला मिळणार, हे पाहणे महत्त्वाचे ठरणार आहे. मात्र नारायण आणि वेंकटेशची संघातली जागा पक्की आहे. कोलकात्याकडे अजिंक्य रहाणे हादेखील पर्याय आहे, मात्र त्याचा गेल्या दोन वर्षांमधला फॉर्म पाहता रहाणेला प्लेईंग इलेव्हनमध्ये संधी मिळणं मुश्किल आहे. कर्णधार श्रेयस अय्यर तिसऱ्या क्रमांकावर उतरेल, तर चौथ्या क्रमांकावर नितीश राणा खेळेल. यष्टिरक्षणाची जबाबदारी शेल्डन जॅक्सनवर सोपवली जाऊ शकते, जो चांगली फलंदाजीही करतो.
KKR चा अष्टपैलू गोलंदाज कोण?
केकेआरचा सर्वात मोठा मॅच विनर असेल आंद्रे रसेल. तो प्लेइंग इलेव्हनमध्ये असणं निश्चित आहे. पॅट कमिन्स देखील या संघाचा भाग असणार आहे. गोलंदाजांमध्ये उमेश यादव, शिवम मावी हे प्लेइंग इलेव्हनमध्ये असू शकतात. त्याचबरोबर मिस्ट्री स्पिनर वरुण चक्रवर्तीही या संघाची ताकद वाढवतो.
कोलकाता नाइट रायडर्सची संभाव्य प्लेइंग इलेव्हन – अॅरोन फिंच, व्यंकटेश अय्यर, श्रेयस अय्यर, नितीश राणा, शेल्डन जॅक्सन, आंद्रे रसेल, सुनील नारायण, पॅट कमिन्स, उमेश यादव, शिवम मावी, वरुण चक्रवर्ती.
इतर बातम्या
Sunrisers Hyderabad, IPL 2022: केन विलियमसनची Playing 11 तयार? जाणून घ्या SRH टीममधले दावेदार
IPL 2022: विराट कोहली, फाफ ड्युप्लेसी प्रॅक्टिससाठी येणार ठाण्यात, एकनाथ शिंदेंनी घेतला आढावा
