IPL 2023 : आयपीएलमध्ये सुवर्ण अक्षरामध्ये इतिहासामध्ये रचणाऱ्या शतकवीर सूर्याचा शेवटचा सिक्स, पाहा व्हिडीओ

मुंबई : आयपीएलमध्ये सूर्यकुमार यादव याने गुजरातविरूद्ध दमदार शतक ठोकलं. वानखेडे मैदानावर सूर्याचं वादळ आलेलं पाहायला मिळालं. पलटणच्या खेळाडूंनी सांघिक कामगिरी करत 27 धावांनी विजय मिळवला. सूर्यकुमार यादव आंतरराष्ट्रीय टी-20 क्रिकेटमधील नंबर वनचा फलंदाज बनला आहे. मात्र आयपीएलमध्ये सूर्याचं एकही शतक झालं नव्हतं याची खंत सर्व चाहत्यांच्या मनात होती. शुक्रवारी सूर्याने आपल्या करिअरमधील पहिलंवहिलं शतक केलं.

सूर्यकुमार याच्या शतकानंतर वानखेडे मैदानावर सर्वांनी सूर्याला नमस्कार केला. रोहित शर्मा आणि आकाश अम्बानी यांनीसुद्धा त्याला नमस्कार केलेला पाहायला मिळाला. सूर्याने अनेकवेळा 60 पेक्षा जास्त धावा केल्या मात्र त्याला शतक करता आलं नव्हतं. सूर्यकुमार 2011 पासून आयपीएल खेळतोय. 2012 मध्ये डेब्यू केला, 2013 मध्ये एकही मॅच खेळायला मिळालं नाही. पुढची सगळी वर्ष खेळला. टेक्निकली 12 वर्ष तो खेळतोय.

पाहा व्हिडीओ-

Don’t compare Sky with Abd, he is here to set his own legacy ??#SuryakumarYadav #MumbaiIndians #MIvsGT #MIvsGT #GTvMI #GTvsMIpic.twitter.com/m2fL9IxCSt

— Muffadal_Vohra (@Chuffadal_Vohra) May 12, 2023

सूर्यकुमार यादव याने शतक ठोकत मुंबई इंडियन्सची गेल्या 8 वर्षांची प्रतिक्षा संपवली. मुंबई इंडियन्सकडून तब्बल 8 वर्षांनंतर पहिल्यांदाच फलंदाजांने शतक ठोकलं. सूर्यकुमार यादवने ही कामगिरी करुन दाखवली. सूर्याच्या आयपीएल कारकीर्दीतील हे पहिलवहिलं शतक आहे.

सूर्यकुमार यादव मुंबई इंडियन्ससाठी सर्वोच्च वैयक्तिक धावसंख्या म्हणजे हायस्कोअर करणारा तिसरा फलंदाज ठरला आहे. मुंबईकडून सनथ जयसूर्या याने 2008 मध्ये चेन्नई सुपर किंग्स विरुद्ध 48 बॉलमध्ये नाबाद 114 धावा केल्या होत्या. रोहित शर्मा याने 2012 मध्ये कोलकाता नाईट रायडर्स विरुद्ध नॉट आऊट 109 रन्स केल्या. तर आता सूर्याने 49 बॉलमध्ये नाबाद 103 धावांची शतकी खेळी केली.