IPL 2023 RR vs GT : राजस्थान रॉयल्सच्या बालेकिल्ल्यात घुसत गुजरातने मिळवला विजय
राजस्थान संघाच्या टॉप ऑर्डरने गुजरातच्य गोलंदाजांसमोर नांगी टाकली. या लक्ष्याचा पाठलाग करताना गुजरात संघाने 9 विकेट्स राखून 14 व्या ओव्हरमध्ये लक्ष्य पूर्ण केलं आहे.
मुंबई : राजस्थान रॉयल्स आणि गुजरात टायटन्स यांच्यातील सामन्यामध्ये गुजरात संघाने 9 विकेट्सने विजय मिळवला आहे. प्रथम फलंदाजी करणाऱ्या राजस्थान रॉयल्स संघाचा डाव 118 धावांवर गुंडाळला. संघाच्या टॉप ऑर्डरने गुजरातच्य गोलंदाजांसमोर नांगी टाकली. या लक्ष्याचा पाठलाग करताना गुजरात संघाने 9 विकेट्स राखून 14 व्या ओव्हरमध्ये लक्ष्य पूर्ण केलं आहे. या विजयासह गुजरात संघाने पॉइंट टेबलमध्ये पहिलं स्थान पटकावलं आहे.
गुजरात संघाकडून शुबमन गिल 36 धावा, वृद्धिमान साहा नाबाद 41 धावा आणि कर्णधार हार्दिक पांड्याने अवघ्या 15 चेंडूत 39 धावांची खेळी करत संघाला विजय मिळवून दिला. या विजयासह राजस्थानने पहिल्या सामन्यात केलेल्या पराभवाचा बदल पूर्ण केला.
राजस्थान संघाची सुरूवात एकदम खराब झाली. जोस बटलर 9 धावांवर माघारी परतला. त्यानंतर आलेल्या कर्णधार संजू सॅमसन याने आक्रमक फलंदाजी केली. यशस्वी जयस्वाल आणि संजू सॅमसन दोघांमध्ये मोठी भागीदारी होईल असं वाटलं होतं. मात्र चुकीच्या कॉलमुळे जयस्वाल रनआऊट झाला.
जयस्वाल आऊट झाल्यानंतरही संजूने आक्रमक पवित्रा कायम ठेवला होता. पंरतू संजू कट करण्याच्या प्रयत्नात जोशुआ लिटलच्या गोलंदाजीवर कॅचआऊट झाला. संजू आऊट झाल्यानंतर राजस्थानचा डाव पत्त्यासारखा कोसळताना दिसला. . गुजरातकडून नूर अहमदने सर्वाधिक 3, राशिद खान 2 आणि मोहम्मद शमीनेही 2 विकेट्स घेतल्या.
राजस्थान रॉयल्स (प्लेइंग इलेव्हन): यशस्वी जैस्वाल, जोस बटलर, संजू सॅमसन (w/c), देवदत्त पडिक्कल, शिमरॉन हेटमायर, ध्रुव जुरेल, रविचंद्रन अश्विन, ट्रेंट बोल्ट, अॅडम झम्पा, संदीप शर्मा, युझवेंद्र चहल
गुजरात टायटन्स (प्लेइंग इलेव्हन): ऋद्धिमान साहा, हार्दिक पांड्या (c), विजय शंकर, डेव्हिड मिलर, अभिनव मनोहर, राहुल तेवतिया, रशीद खान, मोहित शर्मा, नूर अहमद, मोहम्मद शमी, जोशुआ लिटल
